ВАШИНГТОН, 2024 оны есдүгээр сарын 19 /Reuters/. Америкийн тэрбумтан Илон Маск Бүгд найрамдах намаас нэр дэвшигч, Ерөнхийлөгч асан Дональд Трампыг дэмжиж байгаа бол түүний байгуулсан компаниудын ажилтнууд Д.Трампын өрсөлдөгч Камала Харрист хандив өргөж байна.
Сонгуулийн штабуудад цугларч буй хандив болон лоббигийн мэдээллийг хянадаг ашгийн бус “OpenSecrets” байгууллагын мэдээлснээр, “Tesla” компанийн ажилтнууд К.Харрисын сонгуулийн штабт 42 824 ам.доллар, Д.Трампын штабт 24 840 ам.доллар хандивлажээ.
Мөн “SpaceX” компанийн ажилтнууд К.Харрист 34 526 ам.доллар хандивласан бол Д.Трампад 7 652 ам.долларын хандив өргөсөн байна. Харин олон нийтийн сүлжээний Х платформын /хуучнаар Твиттер/ ажилтнууд К.Харрист 13 213 ам.доллар хандивласан бол Д.Трампад 500 хүрэхгүй доллар хандивлажээ.
Хэдийгээр эдгээр компанийн ажилтнуудаас сонгуулийн штабуудад өргөсөн хандивын хэмжээ харьцангуй бага байгаа боловч И.Масктай улс төрийн байр суурийн хувьд зөрчилдөж байгааг нь харуулж байна. Дэлхийн хамгийн баян хүн болох И.Маск Д.Трампыг дэмжиж байгаагаа X сүлжээндээ илэрхийлсээр ирсэн юм.
И.Маскаас энэ талаар тодруулахыг хүссэн боловч одоогоор хариу өгөөгүй байна. Тэрбээр 2020 онд Ерөнхийлөгч Жо Байденыг дэмжиж байсан боловч түүнээс хойш барууны үзэл баримтлал руу хэлбийх болжээ. Д.Трамп 11 дүгээр сарын 5-нд болох сонгуульд ялбал И.Маскийг засгийн газрын үйл ажиллагааны үр дүнг хариуцсан комиссыг ахлуулахаар томилно гэж мэдэгдсэн байна.
“OpenSecrets”-ийн тайлан мэдээлэлд компанийн ажилтнууд, эзэмшигчид болон тэдний гэр бүлийн гишүүдийн өргөсөн хандивыг нэгтгэн эмхэтгэдэг. Сонгуулийн кампанит ажлын санхүүжилтийн тухай хуулиудад компаниудыг холбооны кампанит ажилд хандив өгөхийг хориглодог.
И.Маскийн ажилтнуудын олонх нь Ардчилсан намын дэмжигч олонтой Калифорнид амьдардаг гэж “Gerber Kawasaki” баялаг, хөрөнгө оруулалтын менежментийн фирмийн гүйцэтгэх захирал, “Tesla”-гийн хувьцаа эзэмшигч Росс Гербер хэлжээ. Тэрбээр мөн X-ийн хөрөнгө оруулагч юм.
Э.Хулан
Эх сурвалж: "Монцамэ" агентлаг
Сэтгэгдэл3
Дэлхийн II дайны дараа, социалист чиг баримжааг сонгосон ард түмнүүдэд гүжир гүтгэлэг тархи угаалгын Хүйтэн дайнаа үргэлжлүүлэн зарласан Барууны олигарх эзэд 1985-1990 онд ил давшилтандаа орж ЗХУ тэргүүтэй социалист улс орнуудын хэсэг шуналт удирдагчдыг, мөн гэнэн залуусыг урвуулан ашиглах замаар төрийн эргэлтүүд хийсэн билээ.БНМАУ-д энэ хэсэг гэмт этгээдүүд далдуур хуйвалдан төрийн эргэлт хийсний дараа тэднийг удирдан чиглүүлж байсан Барууны ардчиллын эзэд нь Монгол улсын тухайн үеийн төр засгийн оройд гарган тавьсан байсан цөөн хэдхэн урвагчдаар дамжуулан манай улс ард түмний толгойд мөнхийн өр-зээлд суурилсан долларын дөнгөө угласан тухай, түүнээс хойш 34 гаруй жил улс эх орны маань хөгжлийг хэрхэн боомилон хориглож ирснийг, мөн авилгалын сүлжээгээ манай улсад экспортлон оруулж ирсэн тухай Холбооны нөөцийн системийн жишээн дээр тайлбарлах болно. Ард түмэн энэ бүхнийг ойлгон ухаарч, энэхүү мөнгө санхүүгийн харийн дэглэмийн эсрэг тэмцэлд нэгдээгүй цагт бидний амьдрал улам унасаар бүрэ
Эмээ уу,,,
Энэ одоо социализмын үеийн үзэл сурталч нараас одоо хүртэл үхээгүй яваа юм шиг л байхымдаа, сонин юмдаа ?!