ВАШИНГТОН, 2024 оны есдүгээр сарын 19 /RT/. АНУ-ын Төв банкны үүргийг гүйцэтгэдэг Холбооны нөөцийн сан 2020 оноос хойш анх удаа бодлогын хүүгээ 50 суурь нэгжээр бууруулж, 4.75-5 хувь болголоо. Бодлогын хүүг 5-5.25 хувьд болгож бууруулна гэж “Trading Economics” цахим хуудсанд явуулсан санал асуулгад оролцсон шинжээчид таамаглаж байв.
Холбооны нөөцийн сан бодлогын хүүгээ хамгийн сүүлд 2020 оны гуравдугаар сард бууруулж байсан бол өнгөрсөн оны долоодугаар сард 5.25-5.0 хувьд хүргэж нэмэгдүүлснээсээ хойш найман хурал дараалан энэ түвшинд хэвээр үлдээсэн юм.
Инфляц буурахтай холбоотой өөдрөг төсөөлөл, эрсдэлийн тэнцвэрийг харгалзан Холбооны нөөцийн сангийн нээлттэй зах зээлийн хороо хүүг бууруулах шийдвэр гаргажээ. “Сүүлийн үеийн үзүүлэлтүүд нь эдийн засгийн идэвхжил тогтвортой хурдацтайгаар нэмэгдсээр байгааг харуулж байна. Ажлын байрны тооны өсөлт удааширч, ажилгүйдлийн түвшин өссөн хэдий ч доогуур түвшинд хэвээр байна. Инфляцыг 2 хувь руу бууруулах зорилтод ойртсон боловч зарим талаараа өндөр хэвээр байна" гэж лхагва гарагт болсон хурлын дараа гаргасан мэдэгдэлд дурджээ.
Холбооны нөөцийн сангийн нээлттэй зах зээлийн хороо нь ажил эрхлэлт болон инфляцын түвшнийг урт хугацаандаа 2 хувьд хүргэж бууруулахыг зорьж байгаа юм. Бодлогын хүүтэй холбоотой дараачийн алхмыг хийхдээ ирж буй мэдээлэл, эрсдэлийг үнэлнэ гэж тус хороо мэдэгдсэн байна.
Холбооны нөөцийн сан мөн төрийн сангийн үнэт цаас, төрийн байгууллагуудын өр, ипотекийн зээлээр баталгаажсан төрийн үнэт цаасны эзэмшиж буй хэмжээг үргэлжлүүлэн бууруулахаар шийдвэрлэжээ.
Д.Жаргал
Эх сурвалж: "Монцамэ" агентлаг
Сэтгэгдэл1
Дэлхийн II дайны дараа, социалист чиг баримжааг сонгосон ард түмнүүдэд гүжир гүтгэлэг тархи угаалгын Хүйтэн дайнаа үргэлжлүүлэн зарласан Барууны олигарх эзэд 1985-1990 онд ил давшилтандаа орж ЗХУ тэргүүтэй социалист улс орнуудын хэсэг шуналт удирдагчдыг, мөн гэнэн залуусыг урвуулан ашиглах замаар төрийн эргэлтүүд хийсэн билээ.БНМАУ-д энэ хэсэг гэмт этгээдүүд далдуур хуйвалдан төрийн эргэлт хийсний дараа тэднийг удирдан чиглүүлж байсан Барууны ардчиллын эзэд нь Монгол улсын тухайн үеийн төр засгийн оройд гарган тавьсан байсан цөөн хэдхэн урвагчдаар дамжуулан манай улс ард түмний толгойд мөнхийн өр-зээлд суурилсан долларын дөнгөө угласан тухай, түүнээс хойш 34 гаруй жил улс эх орны маань хөгжлийг хэрхэн боомилон хориглож ирснийг, мөн авилгалын сүлжээгээ манай улсад экспортлон оруулж ирсэн тухай Холбооны нөөцийн системийн жишээн дээр тайлбарлах болно. Ард түмэн энэ бүхнийг ойлгон ухаарч, энэхүү мөнгө санхүүгийн харийн дэглэмийн эсрэг тэмцэлд нэгдээгүй цагт бидний амьдрал улам унасаар бүрэ