![sonin.mn](/storage/news_images/17199836756684cccd56901.png)
СӨҮЛ, 2024 оны долоодугаар сарын 3 /Yonhap/. Өмнөд Солонгосын Ерөнхийлөгч Юн Сог Ёлыг огцруулахыг шаардсан өргөх бичигт нэг сая гаруй хүний гарын үсэг зурсан тухай “Yonhap” агентлаг мэдээлжээ.
Юн Сог Ёлыг "ерөнхийлөгчийн албан тушаалд тэнцэхгүй" гэсэн үндэслэлээр огцруулах хуулийн төслийг өргөн мэдүүлэхийг парламентын гишүүдэд уриалсан цахим өргөх бичигт ийм тооны гарын үсгийг арав хоногийн дотор цуглуулжээ.
Түүнийг авлигын хэрэгт, мөн Умард Солонгостой дайн хийх аюул эрсдлийг бий болгож, Японы "Фүкүшима Дайчи" атомын цахилгаан станцын цацраг идэвхт бодисоос цэвэршүүлсэн усыг далайд асгахыг зогсоож чадаагүй нь Өмнөд Солонгосын иргэдийн эрүүл мэндэд эрсдэл учруулсан гэж буруутгажээ. Сөрөг хүчний томоохон нам болох “Тобура” Ардчилсан намын депутатууд мөн өргөх бичгийг дэмжсэн байна.
Өргөх бичгийг парламентын хороонд хэлэлцүүлэхийн тулд сарын дотор 50 мянган хүн гарын үсэг зурсан байх ёстой. Үүний дараа нэгдсэн хуралдаанаар хэлэлцүүлэхээр өргөн барих боломжтой ажээ.
Өмнөд Солонгосын Ерөнхийлөгч Юн Сог Ёлын нэр хүндийн үзүүлэлт 2022 оны тавдугаар сард үүрэгт ажилдаа орсноос хойших хамгийн доод түвшиндээ буюу 21 хувьд хүрчээ. Бүрэн эрхийнх нь хоёр шахам жилийн хугацаанд түүний рейтинг өсөөгүй байна. 2022 оны зургаадугаар сарын эхээр буюу тангараг өргөснөөс нь хойш нэг сарын дараа дэмжлэгийнх нь түвшин 50 хувиас доошилж буурсан нь прокурорын байгууллагаас янз бүрийн албан тушаалд ирсэн хүмүүстэй холбоотой байв. 2023 оны гуравдугаар сард Өмнөд Солонгос Япон улстай харилцаагаа хэвийн болгож эхэлсний дараа түүний рейтинг 30 хувь болж унасан бөгөөд Өмнөд Солонгосын иргэдийн олонх нь хоёр талын байгуулсан гэрээний нөхцөлийг Сөүлд ашиггүй гэж үзжээ. Түүнээс хойш энэ үзүүлэлт 20-40 хувийн хооронд хэлбэлзэж байна.
Д.Жаргал
Эх сурвалж: "Монцамэ" агентлаг
Сэтгэгдэл3
Энэ хүнийг Азийн зеленский гэж боддог шүү. Овилгогүй дээрээ цар муутай бодлоготой хүн. Үндэсний аюулгүй байдлын талаар бол бүүр паг.
zelensky sn yronhiilogch shvv orosiin propogondagaar tarhia ugaalgasan lalar mine orostoi oir uls hezee ch hogjij bgagv
Солонгос ч бас л сонин улс да Хар бор ажлаа гадныхнаар хийлгэдэг Ажлыг цагаан хар гэж ялгана Хүнийг ялгана Амиа хорлолтоороо дэлхийд дээгүүр орох байх шүү Саяха 1960 аад онд ачин ядуу байснаа тагмартсан сэхүүн залуу үе өсч өндийж бна Ер нь Америкийн үзүүлэн болгож хөгжүүлсэн улс гэж үнэн Зеленскийг ямар сайн ерөнхийлөгч гэх юм бэ Ямарч улс хөрштэйгээ эвтэй байх нь дээр шдэ Оросын хүчээр бий болсон улс байж Түүхээ мэдэхгүй Хошин жүжигчин дэлхийг самарч бна даДайн хийхгүй байж болох лбайсан да Оросуудыг и хавчиж шахаж. Алж хядсан ыхаа үйлийг эдэлж бна