sonin.mn
Сэтгэгдэл (8)

"Богд Жавзандамба судлалд” эрдэм шинжилгээний хурал Богд хааны ордон музейд болох үеэр МБШТөв-Гандантэгчэнлин хийдийн Жүд дацангийн үүсгэн байгуулагч, номын багш, Хэлбичгийн ухааны доктор Ph.D Доктор Н.Бизъяа манай сурвалжлагчийн асуултад хариулав. Энэ үеэрээ тэрээр: "Манжийн төрийн үед бол Монголчууд шүтэх юмаа шүтэж чадахгүй өөрийн эрхгүй Манжийн хааны бодлогоор явж байсан.


Тэр битгий хэл Богдод эрт үеэсээ буюу 2 дугаар Богдоос авахуулаад манай ноёдууд: "Манайх Богдоо Монголоосоо тодруулъя аа гэж удаа дараа хүсэж л байсан. Гэвч Манжийн хааны зарлигаар хориглосон.


Тэгээд Төвдөөс тодроод бэлдэж байсан. Энэ мэтчилэн өөрсдийнх нь язгуур эрх зөрчигдөж байсан. Аравдугаар богдын нэг сайн тал нь юу вэ гэхээр мэдээж Монголд Монгол эцэг, эхээс төрсөн Монгол хүн. Тэгээд Монголд боловсорч байна. Тэгэхээр энэ хүнийг хүн болгох уу эс үгүй бол өөр юм болгочих уу гэдэг Монголчууд биднээс шалтгаална. Монгол нийгмийн, Монголчуудын өөрсдөөс соёл өөрсдийнх нь оюун санаанаас шалтгаална. Тийм учраас Монголчууд өөрсдөө хүчирхэгжиж дотоод сэтгэлийг эрхэмлэж, өөрсдөө хүчирхэгжиж чадах юм бол бид бүгд жинхэнэ хувилгаан, жинхэнэ Монголд ээлтэй жинхэнэ язгууртан Аравдугаар богд болгож болно оо. Тэгж чадахгүй бид бүхэн бас юу ч болгож болно шүү дээ. Энийг бол бид бүхэн бодох ёстой юм." гэлээ.


М.Чой