sonin.mn
Сэтгэгдэл (39)

УИХ-ын гишүүн Б.Энхбаяр өчигдөр телевизийн нэвтрүүлэгт оролцон, маш олон ноцтой зүйлийг ярив.


Тодруулбал тэрээр УИХ-ын дарга Д.Амарбаясгалан Тавантолгойн Бортээгийн орд дээр тендерт шалгарсан "Админерал" ХХК-тай холбоотой байж болзошгүй, Хил холболтын төмөр замын гэрээтэй холбоотой Монгол Улсад алдагдалтай үнийн асуудлыг Д.Амарбаясгалан анхнаасаа мэдэж байсан, оролцсон байж магадгүй, "Эрдэнэс Тавантолгой" компаний захирал асан, ялтан Б.Ганхуяг, УИХ-ын дарга Д.Амарбаясгалан нар Тавантолгойн Бортээгийн ордыг хамтран луйвардах тухайгаа ярьж байгаад МАН-ын гишүүн Н.Амарбаясгалан гэгч хүн рүү андуурч чат бичсэн, түүнийгээ цагдаагаар айлгасан, авилгын хэргийн гол гэрч "Админерал"-ын гүйцэтгэх захирал н.Хасбаатар гэгч БНХАУ-ын иргэн учир битүүлгээр амиа алдсан, нас бармагц нь чандарласан, Хятадуудаас 30 сая ам.долларыг бэлнээр авсан, "Эрдэнэс Тавантолгой"-н захирал Х.Мөнхжаргал нь УИХ-ын дарга Д.Амарбаясгалангийн нэг сургуулийн найз гэх мэт олон асуудлыг хөндсөн юм.


Мэдээж энэ бүх асуудал үнэн худал эсэхийг шүүх эцэслэн тогтооно.


Хамгийн гол нь парламентын засаглалтай улсын спикер нь ийм асуудалд нэр холбогдож байгаа нь туйлын ноцтой. Иймээс ч Д.Амарбаясгалан сайн дураараа хуулийн байгууллагад шалгуулах ёстой. Үнэхээр хууль бус асуудалд холбогдолгүй бол нэрээ цэвэрлээд авах нь түүнд өөрт нь ч хэрэгтэй юм.


Б.Намуунаа