sonin.mn
Сэтгэгдэл (6)

"Эрх чөлөө" төвийн төлөөллүүд мэдээлэл хийлээ.


Энэ үеэр тус төвийн тэргүүн, АН-ын ҮБХ-ы гишүүн Ц.Чинбат: " УИХ гэмт хэрэгтнүүдийн хоргодох цайз, хана хэрэм болчихжээ. УИХ-ын гишүүний халдашгүй байдал гэдэг нэрийн дор гэмт хэрэгтнүүд нуугддаг орон байр нь болж хувирч байна.


Бид 2024 оны 12-р сарын 26-нд Л.Оюун-Эрдэнийн Засгийн Газар төмөр замын хил холболтын гэрээ байгуулах үеэс л энэ гэрээ бол хулгай, дээрэм байна гэж ярьж байна. Ер нь мухар төмөр замтай холбоотой баримтууд одоо хүртэл нууц байгаад байгаа. Хэнээс юуг нуугаад байгаа юм бэ? Энэ бол асар их мөнгө угаалт.


Тухайн үед нүүрс 300 ам.доллар байхад Л.Оюун-Эрдэнэ, Х.Баттулга нар хамтарч, уурхайн аман дээрээс 70 ам.доллараар гэрээлж, зөрүү мөнгийг нь идсэн. Нэг км төмөр замыг 800-аас 1 сая 200 мянгаар барьдаг байхад эдгээр нөхөд 2.4 сая төгрөгөөр барьсан. Энэ бол асар их идлэгэ, уулга болсон. Үүнийг шалгаач гэж АТГ-д өгсөн. АТГ шалгасан ч прокурор хаачихаад байх шиг байна лээ. Нүүрсний хулгай замбараагаа алдсан. УИХ-ын дарга хийж байгаа Д.Амарбаясгалан гэж нөхөр бий. Нүүрсний сонсголын үеэр УИХ-ын гишүүн Б.Энхбаяр Д.Амарбаясгаланг 30 сая ам.долларын хулгайн хэргээр дуудсан ч очоогүй. Гэтэл саяхан АТГ-ын комиссар хүн амины хэрэгтэй холбоотой байж мэдэх асуудал ярилаа.


Гадаадаас Д.Амарбаясгалангийн хамаарал бүхий байж болох компаний нэг хүн ирээд, амь насаа алдсан тухай ярьсан. Ийм ёс суртахуунгүй хүнээр УИХ-ыг удирдуулж болохгүй. Х.Баттулгын үед томилогдсон н.Жаргалсайхан гэж хүн прокурорын байгууллагыг удирдаж байна.


Л.Оюун-Эрдэнийг байхад тохирч, хугацаагаа сунгасан. Д.Амарбаясгалантай холбоотой асуудлуудыг шалгах хэрэгтэй. Х.Баттулга Ерөнхийлөгч байхдаа Оросоос 20 сая.доллар оруулж ирсэн асуудал яригдаж байсан. Энэ асуудал яагаад таг болчихов оо? Эрх мэдэлтэй байгаа гэмт хэрэгтнүүдтэй тэмцэх эр зориг байхгүй бол Ерөнхий прокурор ажлаа өгөх хэрэгтэй.” гэв.


Б.Намуунаа