sonin.mn
Сэтгэгдэл (16)

Нийслэлийн Засаг Дарга бөгөөд Улаанбаатар хотын захирагч Х.Нямбаатар Улаанбаатарчууд энэ жил 62 сая ам.доллараар хөх нүүрс авах болсон шалтгааны тухай байр сууриа нийгмийн сүлжээгээр илэрхийлжээ. Тодруулбал тэрээр:

"Монгол Улс импортлогч улс. Бид жилдээ 2 тэрбум доллароор бензин шатахуун импортолж оруулж ирдэг. 1 тэрбум доллароор архи, тамхи, виски, вино, коньяк, пиво гаднаас авч хэрэглэдэг.


Энэ жил Агаарын бохирдлыг бууруулах үндэсний хорооны дэргэдэх эрдэмтдийн зөвлөлөөс гаргасан зөвлөмжийн дагуу батлагдсан тогтоолын дагуу хагас кокс буюу хөх нүүрс импортолж оруулж ирэх шийдвэр гарсан. Ингээд худалдан авах тендер зарлаж 62 сая доллароор хөх нүүрс худалдаж авах болов. 


Нүүрстэй улс байж нүүрс гаднаас авах гэлээ гэх шүүмжлэл. Энэ бол ухвар мөчид ойлголт. Монгол Улсад нүүрс боловсруулж хагас кокс гаргаж авах үйлдвэр байхгүй. Одоо ойлгох цаг болсон. 

Нүүрсийг угааж мидлинг гаргаж авдаг. Мидлинг бол дундын завсрын бүтээгдэхүүн буюу нүүрсний хаягдал гэж ойлгож болно. 2018-2019 шилжих өвлөөс эхлэн өнөөдрийг хүртэл мидлинг хэрэглэж ирэв.


Хагас кокс бол өндөр температурт нүүрсийг хуурай аргаар нэрж боловсруулан давирхай болон бусад химийн нэгдлүүдээс нь салгасан болсон нүүрс юм.

Нүүрс химийн цогцолбор барьж ашиглалтад оруулах хүртэл хөх нүүрс импортоор оруулж ирэхээс өөр гаргалгаа байхгүй. 

Иргэдийнхээ эрүүл мэндийн төлөө, агаарын бохирдлыг бууруулахын тулд хийж байгаа ажил. 

Бид жилдээ 62 сая доллароор чихэр, сахар гаднаас авч хэрэглэдэг. Энэ жил Улаанбаатарчууд энэ хэмжээний мөнгөөр чанартай нүүрс, хөх нүүрс, "Шинэ Түлш" хэрэглэнэ.." гэсэн байна.