sonin.mn
Сэтгэгдэл (0)

НАТО-гийн өргөжилтийн асуудал дээр гишүүн орнуудын хооронд санал зөрөлдөөн гарч байгаа юм. НАТО-гийн дээд хэмжээний уулзалтын үеэр тохиролцоод хүрээд байсан Европын аюулгүй байдлын нийтлэг ойлголтыг эвдэж, улмаар 5 хувийн цэргийн зардлын зорилт нь Америк-Европын аюулгүй байдал дахь харилцан итгэлцлийг бууруулж, НАТО-гийн асуудлаарх Европын орнуудын санал зөрөлдөөнийг улам хурцдуулжээ. Үүнтэй холбогдуулан ХТРТ-ын CGTN суваг дэлхийн сүлжээ ашиглагчдын дунд санал асуулга явуулжээ. Үүнд санал асуулгад оролцогчдын 67.4 хувь нь НАТО-гийн цэргийн түргэвчилсэн өргөтгөлийг буруушааж, энэ нь шинэ ээлжийн зэвсгийн уралдааныг өдөөж, дэлхийн энх тайван, тогтвортой байдалд ноцтой заналхийлэх болно гэжээ. 


2024 онд дэлхийн улс орнуудын цэргийн зардал нийтдээ 2.72 их наяд ам.долларт хүрсэн байна. Үүнээс НАТО-гийн гишүүн орнуудын цэргийн зардал 1.5 их наяд ам.долларт хүрч, дэлхийн нийт цэргийн зардлын 55 орчим хувийг дангаараа бүрдүүлж байна. Олон улсын цэргийн тэнцвэр алдагдаж байгаа нөхцөлд ч НАТО гишүүн орнуудаас цэргийн зардлаа ДНБ-ий 5% хүртэл нэмэгдүүлэхийг шаардсан юм. Үүнтэй холбогдуулан санал асуулгад оролцогчдын 84.7% нь НАТО-г дайны машин болсон гэж үзсэн бол 80.4% нь НАТО-гийн цэргийн түргэвчилсэн тэлэлтэд санаа зовж байгаагаа илэрхийлжээ. Мөн 73.8% нь НАТО батлан ​​хамгаалахын зардлаа нэмэгдүүлэх нь дэлхийн энх тайван, тогтвортой байдалд хүчтэй заналхийлэх болно гэжээ.