sonin.mn
Сэтгэгдэл (0)

Хятадын Гадаад харилцааны яамны хэвлэлийн төлөөлөгч Гөү Жякүнь 6-р сарын 25-нд мэдэгдэл хийхдээ, БРИКС-ийн орнууд дэлхийн энх тайван, тогтвортой байдлыг сахин хамгаалж, олон улсын шударга ёсыг дэмжих чухал хүчин болохыг онцолж, Хятад улс БРИКС-ийн орнуудтай хамтран Ойрхи Дорнод дахь энх тайван, тогтвортой байдлыг хадгалахын төлөө тууштай хүчин чармайлт гаргахад бэлэн байгаагаа тэрээр илэрхийлэв.


Тухайн өдрийн хэвлэлийн бага хурлын үеэр сэтгүүлч БРИКС-ийн дарга орны хувьд Бразилаас саяхан нийтэлсэн “Ираны нутаг дэвсгэрт цэргийн цохилт өгсний дараах Ойрхи Дорнодын аюулгүй байдлын нөхцөл байдлын талаарх БРИКС-ийн орнуудын хамтарсан мэдэгдэл”-ийн талаар Хятадын байр суурийг асуув.


Гөү Жякүнь хариулахдаа, БРИКС-ийн орнууд дэлхийн энх тайван, олон улсын шударга ёсыг хамгаалахад чухал үүрэг гүйцэтгэж байгаа бөгөөд одоогийн Ойрхи Дорнодын хурцадмал нөхцөл байдлын үед тэдний хамтарсан мэдэгдэл гаргаж, гал зогсоох, хэлэлцээний замаар асуудлыг шийдвэрлэхийг уриалж, бүс нутгийн нөхцөл байдлыг намжаахад эерэг нөлөө үзүүлсэн гэж тэмдэглэв.


Тэрээр мөн “Ши Жиньпин дарга өнгөрсөн онд Казаньд болсон БРИКС-ийн дээд хэмжээний уулзалтын үеэр ‘Энхийн БРИКС’-ийг байгуулж, хамтын аюулгүй байдлыг хамгаалагч байх ёстой гэдгийг онцолсон” хэмээн дурдаад, Хятад улс БРИКС-ийн орнуудтай хамтран Ойрхи Дорнодын энх тайван, тогтвортой байдлыг хангахын төлөө цаашид ч идэвхтэй ажиллах болно гэдгээ илэрхийлсэн байна.