6-р сарын 9-10-ны өдрүүдэд Хятад Америкийн эдийн засаг худалдааны Хятадын талын тэргүүн, Хятадын Төрийн Зөвлөлийн Ерөнхий сайдын орлогч Хэ Лифэн, Америкийн талын тэргүүн, АНУ-ын Сангийн сайд Скотт Бессент болон АНУ-ын Худалдааны сайд Ховард Лутник, Худалдааны төлөөлөгч Жэймисон Грир нар Их Британийн Лондон хотноо Хятад Америкийн эдийн засаг худалдааны зөвшилцлийн механизмын анхдугаар хурлыг хийлээ.

Хоёр тал илэн далангүй, илэн далангүй яриа хэлэлцээ хийж, эдийн засаг, худалдааны харилцан сонирхсон асуудлаар санал бодлоо гүнзгий солилцож, хоёр орны төрийн тэргүүн нарын 6-р сарын 5-нд тохиролцсон чухал зөвшилцлийг хэрэгжүүлэх болон Женевийн эдийн засаг, худалдааны хэлэлцээний үр дүнг бэхжүүлэх арга хэмжээний хүрээнд зарчмын нийтлэг ойлголтод хүрч, хоёр талын эдийн засаг, худалдааны асуудлыг шийдвэрлэхэд шинэ ахиц дэвшил гаргасан гэв.

Хэ Лифэн хэлэхдээ, энэ удаагийн уулзалт бол энэ оны 6-р сарын 5-нд хоёр орны төрийн тэргүүн нарын тохиролцсон стратегийн зөвшилцөлд тулгуурласан чухал зөвлөлдөх уулзалт юм. Хятад Америкийн эдийн засаг худалдааны асуудлаарх Хятадын талын хандлага болон байр суурь тодорхой бөгөөд тууштай юм. Хятад, Америкийн эдийн засаг худалдааны харилцааны мөн чанар нь харилцан ашигтай, хамтдаа хожих явдал юм, Хятад, Америк эдийн засаг худалдааны салбарт хамтран ажиллавал цөм ашиг хүртэж, сөргөлдөвөл цөм хохирох болно. Худалдааны дайнд ялагч гэж байдаггүй, Хятад улс тулалдах хүсэлгүй байгаа, гэхдээ тулалдахаас айхгүй. Хоёр тал эрх тэгш яриа хэлцэл, харилцан ашигтай хамтын ажиллагааны замаар эдийн засаг, худалдааны санал зөрөлдөөнөө зохицуулах ёстой, Хятад улс эдийн засаг худалдааны зөвшилцөлд чин сэтгэлээсээ хандаж, бас зарчимч байдаг.

Дараагийн алхамд, хоёр орны төрийн тэргүүний тохиролцсон чухал нийтлэг ойлголт болон шаардлагын дагуу хоёр тал Хятад, Америкийн эдийн засаг, худалдааны зөвшилцлийн механизмын үүргийг цаашид гүйцэтгэж, зөвшилцлийг тасралтгүй нэмэгдүүлж, үл ойлголцлыг багасгаж, хамтын ажиллагаагаа бэхжүүлэх ёстой.

Хоёр тал хамтран ажиллаж, амласнаа сууж, эрхбиш бодит үр дүнд хүрч, амлалтдаа үнэнч байж, зөвшилцлийг хэрэгжүүлэх хүчин чармайлтаа харуулж, хялбар олдоогүй хэлэлцээний үр дүнг хамтдаа хамгаалж, харилцаа холбоо, яриа хэлэлцээгээ үргэлжлүүлэн хэвээр хадгалж, Хятад, Америкийн эдийн засаг худалдааны харилцааны тогтвортой, урт хугацааны хөгжлийг ахиулж, дэлхийн эдийн засагт илүү тодорхой, тогтвортой байдлыг бий болгохыг Хятад улс дахин нотолж байна гэв.

Америкийн тал мэдэгдэхдээ, энэ удаагийн уулзалт нааштай үр дүнд хүрч, хоёр талын эдийн засаг, худалдааны харилцааг улам тогтворжуулж, хоёр улсын төрийн тэргүүний тохиролцсон нийтлэг ойлголт болон шаардлагын дагуу Америкийн тал Хятадтай хамтран ажиллаж, энэ удаагийн уулзалтын нийтлэг ойлголтыг хамтдаа хэрэгжүүлэх болно гэжээ.

Г.Бямба