Өндөр албан тушаалтны ширэн цүнхийг барьдаггүй залуу өөрийнхөө мэдлэг чадлаар 12 сая төгрөгийн цалинтай ажилд шударгаар тэнцэх боломж Монголд бий юу. ЗГХЭГ-ын газрын дарга Д.Амарбаясгалан “Эрдэнэс Монгол” компани 88 ажлын байранд нээлттэй сонгон шалгаруулалт явуулна гэж оны эхэнд зарласан нь итгэхэд бэрх мэдээ байлаа. Ар араасаа дэлбэрч тэсэрсэн авлигын дуулиант үйл явдлуудын чимээ шуугианд дарагдсан нээлттэй сонгон шалгаруулалт үр дүнтэй болж чадсан уу. Эцсийн эцэст Д.Амарбаясгалан энэ үгэндээ хүрсэн үү.
Үүц баялгийн өрөм тос болсон “Эрдэнэс Тавантолгой”, “Эрдэнэт” үйлдвэр, Оюу толгойн Монголын талын 34 хувь, “Монголросцветмет” зэрэг томчуудыг өөртөө багтаасан толгой компани “Эрдэнэс Монгол”-д арын хаалгагүй, ардын хүүхэд ажилд орж чадсан уу.
Энэ оны эхний ажлын өдрөөс е-tanhim.gov.mn сайтад “Эрдэнэс Монгол”-д ажилд орох хүсэлтэй 3544 хүн анкетаа илгээж, 255 нь бүртүүлж, 1215 нь шалгалт, ярилцлагад орсон байна. Төрийн өмчит компани өөрөө биш их, дээд сургуулийн багш нар, эрдэмтэд, Төрийн албаны зөвлөл, Хурдасгуур төвийнхөн шалгалтын агуулгыг боловсруулсан. МҮХАҮТ удирдаж, хувийн хэвшил, иргэний нийгэм, төрийн төлөөлөл, их, дээд сургуулийн багш нараас бүрдсэн 30 гишүүнтэй комисс шалгаруулаад, “Эрдэнэс Монгол”-д дүнгээ хүлээлгэн өгсөн байна. Шударгаар шалгарч тэнцсэн 88 залуу 2023 оны хоёрдугаар сарын 2-ноос эхлэн сарын 2-12 сая хүртэлх төгрөгийн цалинтай ажиллаж эхэлжээ. Энэ бол Солонгост ажиллах залуучуудын цуваа биш.
Монголын ТОП компанид өндөр цалинтай, нэр төртэй ажилд өөрийн мэдлэг чадлаар тэнцсэн залуучууд юм. Ар, өврийн хаалгаар биш авъяас, чадлаараа тэнцсэн 88 шинэ менежер уул уурхайн 39 охин компани, гурван том төслийн нэгжийг уялдуулан зангиддаг толгой компанийн уураг тархинд нь ажиллаж, улс орны төсөв, эдийн засгийн амин гол судсыг барилцаж эхэллээ.
“Эрдэнэс Монгол” ХХК-ийн Үйлдвэрлэл, технологийн бодлогын газарт 12, Нэгдсэн стратеги, бизнес хөгжлийн газарт 13, Төслийн судалгаа, үнэлгээний газарт долоо нь ажиллаж байна. Нүүрс эрчим хүчний группын удирдлагад 37, Зэс металын группэд 13 шинэ менежер, ахлах менежерүүд ажилдаа орсон. Ахлах менежер гэдэг нь хуучин ойлголтоор бол газар, хэлтсийн дарга нар юм. “Засгийн газраас төрийн бүтээмж нэмэх, ил тод ажиллах, хүнд суртал арилгах зорилгоор “Эрдэнэс Монгол” ХХК-ийн ажлын байрны нээлттэй сонгон шалгаруулалтыг олон талт оролцоотойгоор хийж чадсан нь төрийн өмчит компаниудын шинэчлэлд томоохон нөлөө үзүүлж чадлаа” гэж Д.Амарбаясгалангийн мэдэгдсэн сайн мэдээ дуулиан шуугианы дундуур дуулдаж үзэгдэхгүй өнгөрсөн.
Цүнхчингүүдийн биш мэргэжлийн баг бүрдвэл төрийн өмчит компаниудын засаглал сайжирч, өрсөлдөх чадвар нь ахиж, авлига, ашиг сонирхлоос ангид байх нь илт тодорхой хүчин зүйл.
“Эрдэнэс Монгол”-оос эхэлсэн энэ жишгийг төрийн бүх алба, төрийн өмчит компаниудад хэм хэмжээ, заавал мөрдөх стандарт болгон тогтоохын хэрээр цүнх баригчдын цуваанд үхлийн цохилт өгөх болно. Цүнх баригчдын эгнээг эвдрэх тусам ур чадварыг үнэлдэг соёл, хандлага хэвшиж түгнэ. Хөгжлийн банкны тонуул, нүүрсний хулгай бол цүнх баригчдын цуваа, албан тушаалын сүлжээгээр бүгдийн боломж, ирээдүйг дээрэмдсэн гэмт хэргүүдийн цуврал. Орон байрны хулгайн хэргээр шүүхээс ял авч байсан Т.Батдөл УБТЗ-ын Тээвэр зохион байгуулалтын албаны дарга болж, гэртээ 10 тэрбум төгрөг хадгалсан шимэгч.
Нүүрсний аман дээр сууж, Богд уулын амуудыг дүүргэж, Казахстанд хүртэл хаус хорооллууд бариулсан хачиг хувалзууд. Эрх мэдэлтний ширэн цүнх баригсад, шинэхэн цувыг өмсгөгчид, шим шүүс сорогч шимэгчид ардын хүүхдийн амжилт, хувь заяаны дээрэмчид юм.
Төрийн алба, төр, орон нутгийн өмчит компаниудад хууль бусаар томилогдсон 6000-8000 гаруй хүний асуудал хөндөгдөж буйг ЗГХЭГ-ын дарга талаар Д.Амарбаясгалан мэдээллээ. Шимэгчдийг шүүрдэн цэвэрлэхээс дутахгүй чухал ажил бол вакцин тарих явдал. Шимэгч үүрлэх замыг ариутгах шилмэл арга нь хэний цүнхийг барьснаар нь биш хэн ямар мэдлэг чадвартайг нь үнэлдэг нээлттэй сонгон шалгаруулалт. Төрийн өмчит хамгийн том компани “Эрдэнэс Монгол”-д амжилттай болсон туршилтаа бүх газарт хатуу мөрдүүлсэн цагт хачиг хувалз шигдэхгүй.
Шүүрний үсэнд өртсөн шимэгчид язганан бужигнаж, цүнхний эзэд өвөртөө мэс, сэтгэлдээ өс зангидан оволзож байна. Тэд мөнгөтэй, сүлжээтэй, троллтой, ов мэхтэй. "Шүүр" ажиллагааг нугалаа завхрал болгох, дагуулж тонгорох, далимдуулан мушгин гуйвуулах, ЗГХЭГ-ын даргын албан бичгээр гул барин, шүүхэд зориуд ялагдах жүжиг зохиох гэх мэт зүсэн зүйлийн ов мэх, арга залиа ашиглаж эхэлсэн баримтууд ч илэрч байна.
Авилгын эсрэг "5Ш" хөтөлбөр зарласан Засгийн газар, “Шүүр” ажиллагааг гардан хариуцаж буй Д.Амарбаягаланг харлуулж гүтгэх олон арван төлөвлөгөө тэдэнд бий. Хур хог овоорсон, хувалз хачиг шавсан төр цэвэрлэх амар ажил биш, цөсгүй, зүрхгүй хүний үүрэх ачаа биш. Хүйтэн тархитай, халуун цустай байж, хүний, өөрийн намынхан, дээд үеийн ах нарынхаа 33 жил барьж босгосон авилгын сүлжээг нурааж, аалзны сүлжээ, асар их ашиг орлогыг нь таслах нь улаан гараараа гал атгасан гэсэн үг. “Эрдэнэс Монгол”-д өөрийн авъяас чадлаар, арын хаалгагүйгээр шалгарч тэнцсэн 88 залуугийн гаргасан жимийг зам болгое гэвэл гэвэл, өөрсдийнхөө, үр хүүхдийнхээ ирээдүйг хулгайд алдахгүйг хүсвэл илүү олуулаа шүгэл үлээж, шүүр барих цаг ирэв. Хачигтай мал таргалдаггүй. Шимэгчтэй төр өөдлөхгүй.
Б.Баяр
Эх сурвалж: “Зууны мэдээ” сонин
Сэтгэгдэл0
Тэр 88 үнэн юм уу , эрхбиш " жаахан юм " \ цүнхчид \ завсар нь хавчүүлагдаа байлгүй ...
Сангийн яамныхан л бөөнөөрөө орсон байх чинь билээ
НУуц биш бол шилэн цонхонд тавиад Илтод зарчимаа баримтлавал Ард түмэн өөрсдөө дүгнэлт хийх боломжтой шүү!!!
Энэ олон шимэгчдийг хэн ямар хөрсөнд өсгөн үргүүлсэн бэ гэдэг л хамаг учир байна. Шүүрдээд шүүрдээд орчин л хэвээрээ бол хэрэг юу байна. Залуусийн амьдралаар зохион байгуулалттай тоглосон хэрэг болно.
МАН-ын дараагийн ээлж хоолонд орж бна.
Хөгжлийн банкы луйвраар шүүх дээр хэрэг нь байгаа, хилийн хориг тавигдсан Золжаргал гэгч хүүхнийг Наранцогт гэгч нь Хөгжлийн банкны Төлөөлөн удирдах зөвлөлд хамт ажиллаж байсан гээд ширэн нүүрлээд авсан тухай сайтуудад бичигдсэн байна лээ
Одоогийн залуучууд бөндгөр толгойгоо ажлуулж чадахгүй дарга нэртэй оркуудын цүнхийн барьж гүйж мөнгө олдог болжээ.
Тэнцсэн ч ажилд аваагүй шд
Энэ ч яалт ч үгүй шинэ хандлага шүү. Төрийн албанд ч, төрийн компанид ч улс төрчид цүнх баригчдаа шахахаа больчихвол улс орон хөгжчих гээд бгаам даа
Төрийн албаны шалгалт өгөхөд тестийн шалгалтыг хаалгагүй мэдлэгээр нь авч болдог. Харин тэр ярилцлагын шалгалтан дээр чинь хаалгагүй хүнийг оноог нь навс унагаж өөрийн хүнийхээ оноог дээд зэргээр тавиад л авчихдаг юм билээ.
Шантрах хэрэггүй ээ Дахиад хэдэн зуун Төрийн өмчит компаниуд байгаа
Амарбаясгалан том цүнх баригч биздээ! Намын эзэддээ нохой мэт зүтгээд бас юм долоосон нь энүү
Жүжиг2.
Эрдэнэс Монгол компанийн нээлттэй сонгон шалгаруулалт маш зөв эхлэл боловч, бусад нэр төдий шалгаруулалт, ярилцлагаас ялгаагүй ярилцлага нь ажил мэргэжилтэй холбоогүй ярилцлага хийж өөрсдийн авах гэсэн хүмүүсдээ өндөр оноо тавьж ардын хүүхдүүд урдуураа таслуулаад л хоцорсон. Нэгэнт өөрсдийн хүмүүсийг авахаас хойш бөөн сүр дуулиан, зардал чирэгдэл болох хэрэггүй байсан юм шүү.
шүүрний нүхээр МАН хан гараад дууслаа гэж байна зөювхөэ гэмгүй хүмүүст ял тохох гэж наймаацсан гэж байгаа шүү. Хуурамч мэдүүлгээр нь баахан гэмгүй өрсөлдөгч нараа чихээд сонгуулийн шоу хийгээд эх орноо хятадын боол болгоод дуусах нь яг боллоо гэж байна МАН ын царай ..... хөх
Хэн мэдлээ . Амжуулаа л биз . Сураагүй биш
энэ нам нэртэй авилгачидын үүр уурхайг тарааж байж л хөгжил яръя.
баярлалаа. яг л үнэнийг бичжээ. Жим нь зам болохыг харуулахыг хүсэж байна. Хулгайчаас хулгайч л төрөх юм да. Шимэгчдийг ариутгалд оруулаасай.
юу чгэж сайн сайхан юм бичээд хэн ч үнэмшихгүй болжээ
битгий ийм худлаа диар хийж бай. Наранцогт нь ярилцлагын шалгалтын комисстоо өөрөө орж ирээд л будлиан хутгасан тухай залуус ярисаар бичсээр байна. Амарбаясгаланийн нутгийн найз, Наранцогтын хөгжлийн банкны найз хүүхэн гээд л чихсэн гэхчинэ билээ.
Шаалдаа бадмаа. Төлбөртэйгөөр магтуулаад л ай. Яаж завааруулсаныг чинь бичицгээсэн л байсан
Үнэхээр шудрага байсан юм бол айгаагүй л бол ахлах мeнeжeрүүдэд тависан Наранцогтын бүх оноог дэлгээд гаргаад ир. Чиглэл бүртээ тасархай өндөр оноо авсан залуусыг ярилцлага хийж байна гээд бүр доромжилчихсон сурагчаар бол дөнгөж 30 хувь D дүн авахаар оноо өгч дарж авсан биз дээ. Төдий өдий туршлага мэдлэгтэй боловсролтой залууст та нар мэтийн цүнх баригчид юу мэддэг чаддаг гэж тэгж доош нь хийдэг юм. 7 ахлах мeнeжэрээс 2-г нь л арай шударгаар авсан. Бусад бүгд та нарын татаас захиасныхан орсон шүү