Монгол Улсын томоохон зэсийн төслийн хугацаа хойшилж, зардал нэмэгдсэн тухай мэдээллийг хөрөнгө оруулагчдад мэдээлэх хугацаатай холбогдуулан Санхүүгийн Зохицуулах Байгууллага хяналт шалгалтын ажиллагаа явуулж байна.
Их Британийн санхүүгийн зах зээлийг хянах чиг үүрэг бүхий байгууллага нь Рио Тинто компанийн эсрэг Монгол Улсын говьд тус компанийн хэрэгжүүлж буй 6.75 тэрбум ам.долларын зэсийн гүний уурхайн төсөлтэй холбогдуулж хяналт шалгалтын ажиллагаа явуулж байна.
Ойрын эх сурвалжийн мэдээлснээр Англи-Австралийн Рио Тинто компани нь Оюу Толгой төслийн 2018 болон 2019 оны үнэлгээг мэдээлэхдээ үнэт цаасны журмыг зөрчсөн эсэх асуудлыг Санхүүгийн Зохицуулах Байгууллага шалгаж байна.
Оюу Толгой төслийн гүний уурхайн бүтээн байгуулалтын зардал 1.2-1.4 тэрбум ам.доллараар нэмэгдэж, төслийн хугацаа 16-30 сарын хугацаагаар хойшлохоор болсон тухай Рио Тинто компани 2019 оны 7 дугаар сард хөрөнгө оруулагчдад мэдэгдсэн. Хөрсний нөхцөл байдал хүнд байгаагаас шалтгаалан уг төслийн дизайн болон ашиглалтад орох хуваарийг дахин авч үзэх шаардлагатай болсон гэж тус компани мэдэгдсэн байна.
Гэвч, зэсийн уурхайн бүтээн байгуулалттай холбоотой асуудал үүсээд байсныг Рио Тинто компани хөрөнгө оруулагчдад мэдээлэхээсээ олон сарын өмнө мэдэж байсан гэж зарим хөрөнгө оруулагчид болон Рио Тинто компанид ажиллаж байсан ажилтан үзэж байна.
Төслийн хугацаа хойшлох тухай мэдэгдэх үед Рио Тинто компанийн Гүйцэтгэх захирлаар Жан-Себастьян Жак ажиллаж байсан бөгөөд Австрали улс дахь уугуул иргэдийн эртний хоёр хадан агуйг сүйтгэсэнтэй холбоотой хөрөнгө оруулагчдын эсэргүүцлийн улмаас тэрээр өнгөрсөн жил үүрэгт ажлаас чөлөөлөгдсөн.
Рио Тинто компани энэхүү асуудлаар мэдээлэл өгөхөөс татгалзсан бөгөөд тус компани Оюу Толгой төслийн гүний уурхайн бүтээн байгуулалттай холбогдуулан мэдээлэл ил болгох үүргээ “тогтмол биелүүлсээр ирсэн” гэж өмнө нь мэдэгдэж байжээ.
СЗБ нь аливаа компанитай холбогдуулж хяналт шалгалт хийж байгаа эсэх мэдээллийг баталгаажуулахаас түдгэлзсэн.
СЗБ-ын явуулж буй хяналт, шалгалтын ажиллагаа нь 140 тэрбум ам.долларын үнэлгээ бүхий энэхүү компанийн холбогдоод буй хуулийн хүрээнд үүссэн асуудлуудын нэг хэсэг болж байгаа бөгөөд Рио Тинто компаниас Гвиней дэх төмрийн хүдрийн ордод ажилладаг зөвлөхөд шилжүүлсэн төлбөртэй холбогдуулан 2017 онд Их Британийн Ноцтой залилантай тэмцэх газраас хяналт шалгалтын ажиллагаа мөн эхлүүлсэн.
Түүнчлэн, АНУ-ын санхүүгийн зохицуулагч байгууллагууд Рио Тинто компанийг Мозамбик улс дахь нүүрсний нөөцийн үнэлгээг хөөрөгдүүлсний улмаас залилан үйлдсэн гэж үзсэн бөгөөд СЗБ-аас 27 сая фунт стирлингийн торгууль ногдуулсан. Тус компани Оюу Толгой төсөлтэй холбоотойгоор СЗБ-ын мэдээлэл ил болгох журмыг зөрчсөн бол тус компанид дахин торгууль ногдуулж болзошгүй байна.
Оюутолгой төсөл нь Рио Тинто компанийн хамгийн чухал ач холбогдол бүхий төсөл юм. Гүний уурхайн бүтээн байгуулалтын ажлыг гүйцэтгэж дуусахад тус уурхай нь жилд ойролцоогоор 500,000 тонн металл олборлох хүчин чадал бүхий, дэлхийн хамгийн том зэсийн уурхайнуудын нэг болох юм.
Оюу Толгой төсөлтэй холбогдуулж үйл ойлголцол, маргаан удаа дараа гарч байсан. Гүний уурхайн эхний олборлолтыг 2022 оны 10 дугаар сард хийхээр төлөвлөсөн байна.
Рио Тинто компани нь гүний уурхайн бүтээн байгуулалтад тулгарч буй ихэнх асуудлыг хөрсний хүндрэлтэй нөхцөл байдал болон геотехникийн асуудлаас үүдсэн гэж тайлбарлаж байгаа боловч энэхүү тайлбарыг АНУ-ын хөрөнгө оруулалтын сан болох Пэнтвуотер Капитал Менежмент АНУ-ын шүүхийн өмнө үгүйсгэж маргаан үүсгээд байна.
Уурхайн бүтээн байгуулалттай холбоотой асуудал үүсээд байсныг Рио Тинто компани болон түүний Торонтод бүртгэлтэй охин компани болох Туркойз Хилл Ресурсэс (ТХР) компанийн удирдах албан тушаалтнууд хөрөнгө оруулагчдад мэдээлэхээсээ олон сарын өмнө мэдэж байсан гэж ПКМ нь маргаантай холбогдуулан шүүхэд энэ жил хүргүүлсэн бичиг баримтад дурджээ.
Түүнчлэн, төслийн хугацаа хойшилсон бөгөөд зардал нэмэгдсэн явдал нь чухал ач холбогдол бүхий уурхайн амны “инженерчлэл, бараа бүтээгдэхүүн худалдах авах ажиллагаа, бүтээн байгуулалт”-тай холбоотой Рио Тинто компани болон бусад гэрээт байгууллагын гаргасан алдаа дутагдлын улмаас бий болсон гэж ПКМ дурджээ.
Рио Тинто компани нь энэхүү маргааныг хэрэгсэхгүй болгохыг эрмэлзэж байгаа бөгөөд тус шүүх ажиллагааг “үндэслэлгүй” гэж үзэж байгаагаа мэдэгдэж байсан..
СЗБ нь хяналт шалгалтын ажиллагааг хөндлөнгийн шинжээчдийн баг Оюу Толгой төслийн хугацаа хойшилсон болон зардал нэмэгдсэн асуудлыг судалж, дүгнэлтийг нийтэд мэдээлэх болсонтой холбогдуулан явуулж байна.
Хөндлөнгийн шинжээчдээр тус асуудлыг судлуулах хүсэлтийг тус төсөлд 34 хувийн хувьцаа эзэмшдэг Монгол Улсын Засгийн газраас гаргасан. Тус төсөл дэх үлдсэн 66 хувийн хувьцааг ТХР эзэмшдэг. Зардал нэмэгдсэнтэй холбоотой асуудлаар хөрөнгө оруулагчдад мэдэгдэл хийснээс хойш тус компанийн хувьцааны үнэ нь 50 хувиас дээш хувиар унасан..
Монгол Улсын Засгийн газрын төлөөлөл “Оюу Толгой төслийн гүний уурхайн бүтээн байгуулалтын хугацаа хоцорсон болон зардал нэмэгдсэн асуудалтай холбоотой хөндлөнгийн шинжээчдийн эцсийн дүгнэлтийг бид наймдугаар сарын эхээр хүлээн авах хүлээлттэй байна” гэжээ.
Түүнчлэн, “Тус эцсийн дүгнэлт нь төсөлтэй холбоотой үүсээд буй олон асуудал, эргэлзээ төрүүлсэн мэдээлэлд хариулт өгч, төсөлтэй холбоотой сүүлийн жилүүдэд үүссэн асуудлуудыг илүү нарийвчлан, иж бүрнээр харах боломжийг олгоно гэж бид итгэж байна” гэжээ.
Рио Тинто компани энэ Лхагва гарагт санхүүгийн тайлангаа танилцуулна. Голлох түүхий эд болох төмрийн хүдрийн үнэ эрчимтэй өсч байгаатай холбоотойгоор тус компанийн хагас жилийн ашиг түүхэн дээд түвшинд хүрч өсөх төлөвтэй байна.
Эх сурвалж: "Financial Times"
Сэтгэгдэл0
ТХР гэсэн товчлолыг уншигчид ойлгохгүй. Нийтлэгч өөрөө ойлгож байгаа байх. Туркойз Хилл Ресурс
Manaid duraaraa durgiad saihan baidag baihdaa
Бид royalty, equityгээ зөв аваад, дээр нь бүх төрлийн татвараа аваад болоошдээ. Хувь эзэмшинэ гэж популизм хийсний гай
Шалгалтын хариуг харъя. Тархи угаахаа болио. Одоо нэгэнт хэрэг нь илэрчихсэн. Дэлхий дээр өөрийн баялагийн хувиа авдаггүй улс орон гэж байхгүй.
How about just to have sufficient royalty and equity agreent! And surely all kind of legal taxasion plus.
Sorry, brainwasher we Mongolians are not stupid!!!
Дэлхий дээр өөрийн хөрсөн доорх баялгаас ашиглах үед хувь авдаггүй улс орон гэж байхгүй. Харин хувь авсаны төлөө зээл өгч хуураад дараань хүүлж даапаалаад, бүр сүүлд нь өрөнд оруулж дуусгах схем хийчихсэн. Одоо бүр зарим хүн яах гэж хувь авсан юм гэж тархи угааж байна. Шалгалтын хариуг харъя.
Баялагтаа эзэн баймаар байна!!! Ерөнхийлөгч Хүрэлсхээ!!! Баялгийг минь өдөрт хэдэн зуун тонноор нь зөөж байна харийнхан!!!
Бид баялгаа борлуулаад өрөнд ороод байдгийг л ерөөсөө огт ойлгодоггүй. Гэрээний заалт удаа дараа зөрчиж биднийг илт доромжилж буй Риог шууд хөөгөөд гаргачихсан бгаа юм.
Энэ асуудал манайд огт хамаагүй.Тэд хоорондоо жийлцэж байна.
Оюу толгойн гадаад дотоод эздийн ганц жилийн ашиг 6 тэрбум доллор, тэдгээр эздийн боол монгол манкуурууд ямар ч ашиггүй ба тэрбайтугай хамаг газар шороогоо ухуулж баялгаа ачуулсан байтлаа 20 тэрбум доллор ашиглалтын зардлын Өртэй. Бүх юмаа ухуулж ачуулаад 20 тэрбум доллорыг гадаад дотоод эздэд төлнө.
өдөр бүр оюутолгойгоос 20 шалаанз дүүрэн дээжийг гашуунсухайт боомтоор урагш ямарч хаалтгүйгээр шууд гаргуулж байж өөрсдөө эргээд өрөнд ороод байгааг юу гэж ойлгох вэ
Байгалийн баялгаа, бүр тодорхой хэлбэл стратегийн ач холбогдолтой ашигт малтмалын ордоо гадаадын байгууллага, аж ахуйн нэгжид ашиглуулах тухай шинээр хууль гарга, энэ орд Монгол улсынх мөн л юм бол шууд үйл ажиллагааг нь зогсоогоод үйлдвэр заводыг нь лацдаад дараагийн асуудлаа ярих хэрэгтэй. Бид тэднийд очиж хөөгдөх, уулзах гэж гуйх биш тэд гуйж ирээд асуудлаа зөв шийдсэний дараа ашиглалт байж болох юм. Энэ бол зүгээр л Өмнөговь аймгийн Мэргэжлийн Хяналтын Газрын геологи уул уурхайн хяналтын улсын байцаагчийн хийх ажил. Шаардлагатай бол цагдаагийн байгууллагатай хамтрах, цаашлаад яам засгийн газартайгаа хамтрах асуудал. Өнөөдөр Монголчууд энэ нэг орд дээр үүсээд байгаа асуудлыг шийдэх юм бол бидний амьдралд маш том эргэлт гарна.
Уг нь монгол хуультай улс бол тэгэх ёстой. Харамсалтай нь монголын эрх баригчид Өмнөговьд л байдаг болохоос Саран дээр байгаа ордыг эзэмшиж байгаа юм шиг гэрээ хийчихсэн. Монголын ЗГ-т ийм эрх байхгүй. Ийм л гэрээ. Арбитр дээр унана гэж айгаада хэн ч хөдлөхгүй бна.
РИО ТИНТО гэдэг компанийг хаа байсан английн ЗГ-ын эрх баригчид Монгол дахь уурхайн асуудлаар шалгана гэж чадаж байхад, МУ-ын ЗГ-аас ОТ-ын асуудлаар юу ч хийж чадахгүй байгааг харахаар ой гутаж байна. Тэд бүр ОТ мэдээллээ өгөхгүй байнаа гээд сууж байгаа.
Манай алдарт попчид , Оюутолгойг шхлгаж гэрээнд өарчлалт оруулах ажлбн хэсэг болон ахлагч Нямбаатар толгойтой гишүүд яагахд таг болов. Баахан авилгад ороод чтмээгүй болсон уу