Эрүүл мэндийн яаманд өнөөдөр улс, нийслэлийн хэмжээний бүх эрүүл мэндийн төв байгууллагын удирдлагууд өргөтгөсөн уулзалт хийж, цар тахлын нөхцөл байдалтай холбоотой цаг үеийн асуудлаар хэлэлцэж байна.
Энэхүү өргөтгөсөн хуралдаанд Шадар сайд, УОК-ын дарга С.Амарсайхан оролцож, салбарын тулгамдсан асуудлыг сонсож, холбогдох албаныханд үүрэг чиглэл өглөө.
Энэ үеэр дүүргийн Нэгдсэн эмнэлгүүд, ЭХЭМҮТ, Амаржих газруудад тулгарч буй хүндрэл бэрхшээлийг хэрхэн шийдвэрлэх, ялангуяа халдвартай жирэмсэн эхчүүдийг хүндрэх эрсдэлээс сэргийлэх зохион байгуулалтын ажлыг эрчимжүүлэх асуудал хөндөгдөж байв.
Мөн цар тахлын халдварын тохиолдол сүүлийн үед нэмэгдэж байгааг дагаад хүнд өвчтөнүүд ихсэж буй нь эрүүл мэндийн байгууллагуудын ачааллыг эрс нэмэгдүүлж байгаа тул цаашид хувийн хэвшлийн эмнэлгүүдийг Ковид-19-ийн эмчилгээ, оношилгоонд татан оролцуулах саналыг салбарын мэргэжилтнүүд гаргаж байлаа
Бүтэн жил гаруй хугацаанд цар тахалтай тэмцсэн эрүүл мэндийн салбарын боловсон хүчний асуудал ч хомсдолд орж байгаа учраас резидент эмч нарыг дахин дайчилж ажиллуулах, анагаахын чиглэлээр суралцаж буй төгсөх курсын оюутнуудыг татан оролцуулах зэргээр хүн хүчний асуудлыг шийдэж өгөх саналыг Шадар сайдад уламжилсан юм.
“Нөхцөл байдал амаргүй байгаагийн улмаас эрүүл мэндийн байгууллагуудын ачаалал нэмэгдэж, хүндрэл, эрсдэл бодитоор нүүрлэж буйг ойлгож байна. Иймд цар тахлын галын шугамд цаг наргүй тэмцэж буй эрүүл мэндийн салбарынхаа ажилтнуудын эрүүл мэнд, амь насыг эрсдэлд оруулахгүй байх үүднээс хүн хүчийг нэмэгдүүлэх тал дээр Засгийн газар, Улсын онцгой комиссын зүгээс онцгой анхаарч ажиллаж байгаа. Цаашид ч резидент эмч нарын цалин хөлснөөс эхлээд эмч, эмнэлгийн ажилтнуудынхаа илүү цагийн нэмэгдэл хөлсийг тухай бүрт нь олгохын төлөө бүхий л нөөц бололцоогоо дайчлан хэрэгжүүлнэ. Харин эрүүл мэндийн салбарынхан Та нар маань улс, нийслэл, дүүрэг гэж бие биенээ ялгахгүй, Ковидтой тэмцэх гэдэг нэг л зорилгын төлөө нэг нэгнээ нөхөж хамтарч ажиллах нь чухал байна. Ямар ч тохиолдолд Ковидын шалтгаант нас баралтыг бууруулах л хамгийн том зорилго Та бидний өмнө бий. Монголчууд бид бүгдээрээ эмч мэргэжилтнүүд Та нартаа бүрэн итгэж найдаж байгаа” хэмээн Шадар сайд, УОК-ын дарга С.Амарсайхан хэллээ гэж Шадар сайдын Ажлын албанаас мэдээллээ.
Сэтгэгдэл0
Эмч, эмнэлгийн ажилтнууд сөхөрч байна. Тэдний ачаалал, ар гэр, ахуй хангамжийг харж үзээч.
Ардын авлигачин хулгайч дарга нарт албан тушаал сонгууль чухал болохоос ард түмэн үхнэ үү сэхнэ үү огт хамаагүй болжээ. Ардын намыг устгацгаая
Aldaatai bodlogiin hor hohiroliig ard tumen l uurdeg sh dee.
songuulis hoishluul gsen shu de. 1200 000 hun bujignahaar oilgomjtoi sshu dee. songuuli nertei jujig
Женко гэдэг Оросын ярыг Монголчуудын толгойнд аль болох удаан байлгах гэж буриадууд шогтоод байгаа.
hrn ch ajillahgui
Litsenziin asuudliig shiideed uguuguigeer khetsuu bolov uu
Ёстой үхэх нь үхээд сэхэх нь сэхнэ биз дээ. Тэр халдвар аваад байгаа хүмүүс өөртөө л гомдоорой. Тэр халдвар аваад байгаа хүмүүсийг зүгээр байж байхад нь коронавирус хүрч ирээд халдчихаагүй нь тодорхой. Халдвар аваад байгаа хүмүүс өөрийн халдвар хамгааллын дэглэмээ байнга үргэлж бариагүй учраас л халдвар аваад байгаа юм.
Вакцинжуулж байхад тариулахгүй тусаад байгаа хүмүүсийн эмчилгээг ядаж хагасыг нь төлүүлдэг болгочихдог бол...
Ядаж л хувцасаа зөв өмсөж тайлаж сжрга тэнэгүүдэд шүүү