сонин mn

Багахангай дүүргийн 2-р хороо Нуурын гэр хороолол 5-10 тоотод 6*8 хэмжээтэй малын саравчны дээврийн хэсэгт гал гарч байна гэсэн дуудлага НОБГ-т иржээ.

Уг дуудлагыг 2021 оны 5 дугаар сарын 9-ний өдрийн 03.18 цагт иргэн Ц өгсөн байна. Мөн иргэн М, 2-р хороо Улаанбаатар Төмөр замын Барилга ашиглалт үйлчилгээний 2-р ангийн дээврийн хэсэгт гал гарч байна гэсэн дуудлагыг 07.37 цагт өгсөн байна.

 

Дуудлагаар тус дүүргийн Онцгой байдлын хэлтсийн ГТУА 80-р ангийн томилгоот ээлжийн алба хаагчид гарч гал түймрийг шуурхай ажиллаж унтраажээ. Иргэдийн санамсар болгоомжгүй үйлдэл болон цахилгааны аюулгүй байдлыг хангаагүйгээс гал гарсан гэж байцаагч нар урьдчилсан байдлаар дүгнэж байна. Иймд гал түймрийн аюулаас урьдчилан сэргийлж, сонор сэрэмжтэй байхыг Нийслэлийн Онцгой байдлын газраас сэрэмжлүүлэв.