sonin.mn
Сэтгэгдэл (3)

Оноосон нэрийн эцсийн гийгүүлэгчийн өмнөх балархай эгшгийг гээхгүй. Тухайлбал, Улаанбаатар-Улаанбаатарын, Улаанбаатараас гэх мэт. Ирээдүй цаг заах утгатай үйл үгийн X гийгүүлэгчийн өмнөх эгшгийг гээхгүй. Үүнийг үйл үгийн Х-гийн дүрэм ч гэх нь бий.

 

Жишээлбэл, үзүүлэх-үзүүлэхийн, үзүүлэхээс, бодох-бодохоос, бодохоор, санах-санахын, өрөвдөх-өрөвдөхийн гэж бичнэ.

 

Мөн гадаад үгийн эгшгийг гээхгүй. Менежер-менежерийн, физик-физикийн гэнэ. Ж, Ч, Ш-ээс бусад гийгүүлэгчийн дараах зөөлрүүлэх үүрэггэй орсон И эгшгийг гээхгүй. Уламжлалт бичлэгтэй зарим үгийн И эгшгийг гээхгүй. Тухайлбал, тэнхим-тэнхимийн, эрих-эрихээр, эрин-эринийг гэх мэт. Дараалсан хоёр заримдаг гийгүүлэгч эгшиггүйдэхэд хүрвэл эгшгийг нь гээхгүй. Жишээлбэд, нөхцөл-нөхцөлийг, нөхөд-нөхөддөө гэх мэт. Ялгах эгшгийн үүргээр орсон хэлний үзүүрийн Н, хоолойн Г-гийн өмнөх эгшгийг гээхгүй. Эрдэнэ-Эрдэнийн, ганзага-ганзагын, аньсага-аньсагыг, хундага-хундагыг гэж бичнэ. Заахын тийн ялгалын үүргээр орсон Г-гээс бусад эгшигт гийгүүлэгчийн эгшгийг гээхгүй. Өөрөөр хэлвэл, МоНГоЛ БааВаР гэдэгт орсон долоон гийгүүлэгч ямагт аль нэг талдаа эгшигтэй байна. 

 

Хэл шинжлэлийн ухааны доктор, профессор Ч.БАТСҮРЭН