sonin.mn
Сэтгэгдэл (47)

"Өргүй монгол хөдөлгөөн", "Зээлтэй иргэдийн холбоо"-ноос мэдээлэл хийлээ.

Энэ үеэр тус хөдөлгөөний үүсгэн байгуулагч, эдийн засгийн ухааны доктор Т.Баярхүү: "Монголчууд яагаад өрөнд ороод байгаа шалтгаан, өрнөөс яаж гарах вэ? өнөөдрийн зовлон болоод байгаа барааны үнийн өсөлт, авч байгаа цалин нь амьдралд нь хүрдэггүй, зээлийн хүү, татварын дарамтанд орж байгаа зэрэг маш олон санхүүгийн хайчинд ороод, өөдлөхгүй байгаа шалтгааны оношийг нь тавиад, гарц шийдлийг ярьж явсаар "Өргүй монгол хөдөлгөөн" маань 10 жил болчихжээ. Юунаас болоод өрөнд ороод байгаа талаар судалгааг хийж үзлээ. 2019 онд "Үндэсний мөнгөний бодлого" илтгэл, 2023 онд "Монгол улсаа аврах жор" илтгэлээ тус тус тавьсан. Ингээд Монгол улсаа аврах "Шинэ мөнгөний бодлого" нэртэй онол, номлол гаргаад, хэрэгжүүлэх аргачлалтай нь цогцоор нь бүх зүйлийг гаргасан тайлангаа Монголын ард түмэндээ хүргэж байгаа юм.



Олон улсын вальютын сангийн гар хөл болж, улсаа хорлоод байгаа хүнээр гарцаагүй нэг хүн тодорч ирээд байдаг юм. Энэ бол Эдийн засаг хөгжлийн сайд Ч.Хүрэлбаатар.



2004 оноос эхлэн Ч.Хүрэлбаатар монеторист онолыг Монгол улсад хэрэгжүүлсэн гол хэрэгжүүлэгч, мөнгө санхүү, татварын бүх бодлогын цаана сууж байдаг бүтэн сүлжээний эзэн болж хувирсан байдаг юм. Миний 20 жил хийсэн тэмцэл явсаар байгаад ерөөсөө Ч.Хүрэлбаатартай хийсэн тэмцэл байдаг. Өмнө хэлсэнчлэн 2019 онд "Үндэсний мөнгөний бодлого" нэртэй гаргасан илтгэлээ 2023 онд аргачлалтай нь гаргаж, долларын эзэд худлаа тогтолцоонд оруулан, Монгол улсад хэрхэн мөнгө хүүлдэг гэдгийг тайлбарласан "Монгол улсаа аврах жор" илтгэлээ тавьсан.



Энэ илтгэл бол Монгол улсаа аврах бүтэн онол, номлол, аргачлал, гарц гаргалгаа, шийдэлтэй цогцоороо байгаа юм.



Зөвхөн энэ илтгэлийн дагуу Монгол улс өнөөдөр ямар ч өрөнд орохгүйгээр, барааны үнийн өсөлтгүй, зээлийн хүүний дарамтгүй, татварын дарамтгүй, ханшийн зөрүүнээс болж эдийн засаг хохирдоггүй, бизнесүүд дампуурахгүй, орлого цалин нь амьдралд хангалттай хүрдэг зөв гарц шийдлийг бүгдийг нь тайлбарласан, өөрийн 20 жилийн хөдөлмөрөө нэгтгэн гаргалгаа шийдлийг хийсэн. " гэв.



М.Чой