sonin.mn
Сэтгэгдэл (1)

НҮБ-ын Ерөнхий нарийн бичгийн дарга Антониу Гутерриш Венесуэлийн Ерөнхийлөгч Николас Мадуротой утсаар ярьж, бүс нутаг дахь хурцадмал байдал нэмэгдэж буй асуудлаар санал солилцсон талаар НҮБ-ын хэвлэлийн алба мэдээллээ.


Албан ёсны мэдэгдэлд дурьдсанаар, Гутерриш НҮБ-ын гишүүн орнууд олон улсын эрх зүйг чанд мөрдөж, бүс нутгийн тогтвортой байдлыг хадгалахын тулд хурцадмал байдлыг бууруулах шаардлагатай гэсэн НҮБ-ын байр суурийг дахин нотолсон байна.


Харин Ерөнхийлөгч Мадуро АНУ-ын зүгээс Венесуэлийн тусгаар тогтнолд заналхийлж буй талаар НҮБ-ын Ерөнхий нарийн бичгийн даргад анхааруулж, АНУ-ын Ерөнхийлөгч Дональд Трампын “колоничлолын шинжтэй” хэмээн үзсэн мэдэгдлүүдийг онцолсон байна. Үүний хариуд Гутерриш нөхцөл байдлыг анхааралтай ажиглаж, хурцадмал байдлыг намжаахад дэмжлэг үзүүлэхээ илэрхийлжээ.


Н.Отгон