"Өсвөрийн Парламент-2025" хөтөлбөрийг "Сургуулийн орчин дахь аюулгүй усан хангамж, ариун цэвэр, эрүүл ахуй ба Өсвөр үе" буюу "WASH AND TEENS" сэдвийн хүрээнд Улсын Их Хурлын Тамгын Газар, Парламентын судалгаа, хөгжлийн хүрээлэн, НҮБ-ын Хүүхдийн Сан, Гэр бүл, хүүхэд хөгжил, хамгааллын ерөнхий газар, Монголын Скаутын Холбоо хамтран зохион байгуулж байна.

Өнгөрсөн 4 жилийн хугацаанд манай хөтөлбөрт 21 аймаг, 9 дүүргийн нийт 456 сурагч хамрагдсан бөгөөд үргэлжлүүлэн 126 сурагчаар бүл нэмэхэд бэлэн болоод байна. Тус хөтөлбөрт ЕБС-ийн 11-12-р ангийн сурагчид оролцох боломжтой. 

Энэ жилийн хөтөлбөр 2025 оны 10 дугаар сараас эхэлж, 2026 оны 06 дугаар сар хүртэл зохион байгуулагдана. Хөтөлбөрийн хүрээнд парламентын боловсрол, хүний эрх, аюулгүй усан хангамж, ариун цэвэр, эрүүл ахуй, тогтвортой хөгжлийн зорилгуудын талаар мэдлэг, ойлголт олгож, багаар ажиллах ур чадварт суралцан нөлөөллийн ажлын дадлага, туршлагад суралцах боломжтой.

Иймд уг хөтөлбөрт бүртгүүлэх хүсэлтэй хүүхдүүд 2025 оны 10 дугаар сарын 12-ны өдрийн 23:00 цагаас өмнө https://forms.gle/n6XWKKNYonMMDMRG9 холбоосоор нэвтэрч цахимаар бүртгүүлнэ үү.

Жич: цахим анкет дараах хэсэгтэй байгааг анхаарна уу. Үүнд:

1.Хувийн мэдээллийн хэсэг

2.Видео бичлэг - Сэдэв: "Сургуулийн орчин дахь ундны ус, ариун цэврийн байгууламжийн стандарт ба Хүртээмж" /хугацаа: 2-3 минут/

3.Эсээ - Сэдэв: "Үе тэнгийн нөлөөлөл ба Бидний оролцоо" /үгийн тоо: 500-700/

4.Анги удирдсан багшийн батлан даалтыг батлагдсан загварын дагуу бичиж илгээнэ. /Батлан даалтын загвар: https://shorturl.at/wCGPT /

5.Нэр дэвшигч сурагчид өөрийг нь дэмжсэн 50 сурагчийн гарын үсгийг дараах маягтын дагуу цуглуулна. /Маягтын загвар: https://shorturl.at/yEbmw /

ШАЛГАРУУЛАЛТ ХЭРХЭН ЯВАГДАХ ВЭ?

Энэ жилийн хөтөлбөрийн сонгон шалгаруулалтад өөрчлөлт орсон бөгөөд хөтөлбөрийн оролцогчдыг орон даяар мессэж санал хураалтаар шалгаруулна. Тодруулбал, мандатын тоогоор харьяа аймаг, дүүрэгтээ хамгийн олон санал авсан 126 оролцогчийг шалгаруулах юм. Батлагдсан мандатын тоо: https://shorturl.at/c0Jrb

Хөтөлбөрт бүртгүүлсэн 21 аймаг, 9 дүүргээс нэр дэвшигч сурагчдын танилцуулга, мэдээлэл болон санал хураалтын явцыг 2025 оны 10 дугаар сарын 14-18-ны өдрүүдэд нь “Өсвөрийн парламент” хөтөлбөрийн сошиал хаягууд болон ikon.mn цахим хуудаст байршуулах болно.

САНАЛ ХУРААЛТ

"Өсвөрийн Парламент-2025" хөтөлбөрт хамрагдах нэр дэвшигчийг сонгон шалгаруулах санал хураалт 2025 оны 10 дугаар сарын 18-ны өдөр 07:00 цагт /Улаанбаатарын цагаар/ эхэлж, орой 22:00 цагт дуусна. Өөрийн аймаг, дүүрэгт нэр дэвшиж буй сурагчийн хувийн дугаарыг тусгай дугаарт илгээн саналаа өгнө. Нэг дугаараас зөвхөн нэг санал өгөх боломжтойг анхаарна уу. Санал хураалтаар шалгарсан сурагчдын нэрсийг 2025 оны 10 дугаар сарын 19-ний өдөр нийтэд зарлана.

Хөтөлбөрийн удирдамжтай https://shorturl.at/hulqk холбоосоор танилцана уу. Дэлгэрэнгүй мэдээллийг “Өсвөрийн Парламент хөтөлбөр” фэйсбүүк хуудас, “teen.parliament“ инстаграм хаяг болон 89006688, 99187323 дугаарын утсаар, teenparliament24@gmail.com цахим шуудангаар авах боломжтой.