Бямба - 06 сарын 07,
2025
Монгол Улсын Ерөнхийлөгчийн ивээл дор зохион байгуулж буй “Тогтвортой байдлын яриа хэлэлцээ 2025 – Уур амьсгалын өөрчлөлт: Тэрбум мод” чуулга уулзалт үргэлжилж байна.
Монгол Улсын Ерөнхийлөгч Ухнаагийн Хүрэлсүх, НҮБ-ын найм дахь Ерөнхий нарийн бичгийн дарга Бан Ги Мүн нар “Тэрбум мод” үндэсний хөдөлгөөний хүрээнд өнөөдөр Үндэсний цэцэрлэгт хүрээлэнгийн Энхийг сахиулагчдын төгөлд дурсгалын мод тарилаа.
Монгол Улсын Ерөнхийлөгч У.Хүрэлсүх энэ үеэр Улаанбаатар хотын Үндэсний цэцэрлэгт хүрээлэнд Монгол Улсаас НҮБ-ын энхийг дэмжих ажиллагаанд оролцсон 20 мянга гаруй энхийг сахиулагчдын нэрэмжит төгөл байгуулсныг хэллээ.
НҮБ-ын найм дахь Ерөнхий нарийн бичгийн дарга Бан Ги Мүн албан үүргээ гүйцэтгэж байх үеэрээ Монголын энхийг сахиулагчидтай уулзаж байснаа санан дурсаж, энхийг сахиулагчдыг хүндэтгэн төгөл байгуулсанд талархал илэрхийлэв.
Энэ үеэр Зүүн хойд Азийн уур амьсгалын өөрчлөлтийн залуучуудын зөвлөл, Үндэсний байгаль орчны залуучуудын зөвлөл, НҮБ-ын нийгэмлэгийн гишүүн залуучууд, Ойн газар, Үндэсний цэцэрлэгт хүрээлэнгийн ажилтнууд хамт мод тарилаа.
Энхийг сахиулагчдын төгөлд 2022 онд Монгол Улсад айлчилсан НҮБ-ын Ерөнхий нарийн бичгийн дарга Антонио Гутерреш мод тарьж байсан юм.
Сэтгэгдэл4
Энэ нэг огцорсон гадаад өвгөн юу хийх гээд гүйгээд байна.
МАН ын засгийн газар бүх төрлийн татварыг хэдэн дахин нэмж монголчуудыг элгээр нь хэвтүүлж дөнгөж амьтай голтой болгоод байна. МАНын хулгайч авлигалчдад дээрэлхүүлж амин зуулгаа алдаад байгаа монголчууд наадам хийж баярлаж цэнгэх нь зөв зүйтэй асуудал мөн үү? Илжгийг тэргэнд хөллөж ташуурдаж зовоох тусам эзэндээ хайртай болж номхордог гэдэг. Монголчууд МАН ын тэрэгний илжигнүүд болчихоод байна уу? Наадам хийхийн оронд Хүрэлсүх Нямбаатар гэсэн МАН-ын авлигачин хулгайч нарыг албан тушаалаас нь зайлуулж гянданд хийцгээе
чамаас эхлээд гянданд хийе
одоо балайсүх хувийн эдлэн болох тэрэлж дэх амралтын газраа аваачина ккк