sonin.mn
Сэтгэгдэл (0)
Мэргэжлийн дугуйн спортын дэлхийн цуврал "Tour of Huangshan 2023" тэмцээн Хятад улсад энэ сарын 21-23-ны хооронд болж өндөрлөлөө. 
 
Тус тэмцээнд манай улсын шигшээ багийн тамирчин Олон улсын хэмжээний мастер С.Жамбалжамц нийт 8:11:30 хугацаанд замаа дуусгаснаар нийлбэр дүнгээр хоёрдугаар байрт оржээ. 
 
Ингэснээр Азийн шилдэг дугуйчнаар шалгарч "UCI" буюу олон улсын дугуйчдын холбооны чансаанд 37 оноо нэмсэн байна. Монголын дугуйн холбоо "UCI"-ийн онооны жагсаалтын 34-35-р байранд 1,205 оноотойгоор Олимпын нэг эрхээ тогтвортой хадгалсаар байгаа юм. Хэрэв энэ оны аравдугаар сарын 1 хүртэл "UCI"-ийн Олимпын онооны эхний 45 улс дотор багтвал нэг, 30 улс дотор багтвал хоёр эрх авахыг Монголын дугуйн холбоо мэдээллээ.