sonin.mn
Сэтгэгдэл (0)

 

Эрүүл мэндийн яам­ны харьяа эмнэлгийн дарга нарын сонгон шалгаруу­лал­тын гуравдугаар шат, англи хэлний шалгалтыг өнгөр­сөн баасан гарагт сал­бар төрийн албаны зөвлөл авсан. 
 
 
Хуулиараа ЭМЯ-ны Сон­­гон шалгаруулах ко­мисс шалгаруулалтыг явуу­лах журамтай ч Төрийн алба­ны зөвлөл шууд хөнд­лөнгөөс оролцож сонгон шал­гаруулалтыг хойш­луул­сан. Энэ нь хувийн ашиг со­­нирхолтой холбоогүй, хууль зөрчсөн зүйл биш гэд­гийг зарим эх сурвалжууд мэдэгдээд байсан. 
 
 
Гэтэл Төрийн албаны зөвлөл дээр англи хэлний шалгалт авч байтал ца­хилгаан тасарч, будлиан үүссэн,  улмаар  сонгон  шал­га­­руулалтад зургаан хүн л тэнцсэн гэх зэргээр дарга на­рын сонгон шалга­руу­лалт­тай хол­боотой асуудлууд ар араасаа ундарсан. 
 
 
Эмнэлгийн дарга нарын сонгон  шалгаруулалт   яваг­даж   дууссантай    холбог­дуулан Сонго шалгаруулах ко­мис­сын дарга, ЭМЯ-ны Бай­гууллагын удирдлага, хөгж­лийн хэлтсийн дарга Д.Оюунцэцэг, Сонгон шалга­руулах комиссын нарий­н бичгийн дарга, яамны Хү­ний нөөцийн  хөгжлийн  хэлт­сийн мэргэжилтэн  С.Ган­туяа нар өчигдөр мэ­дээлэл хийсэн юм. 
 
 
Тэдний мэдээлж буйгаар нийт 15 ажлын байран дээр 61 хүний материал ирсэн гэнэ. Ингээд материал бүрийг нягтлан үзсэний үндсэн дээр хүн бүрт шалгалтын хуваарьтай мэдэгдэх хуу­дас өгчээ.
 
 
Улмаар ур чад­варын болон ярилцлагын шалгалтад тэнцсэн 18 хүн англи хэлний шалгалтад орсон аж. Шалгалтын эц­сийн дүнг журмын дагуу ЭМЯ-ны дэргэдэх Төрийн албаны зөвлөлийн салбар зөвлөлд танилцуулж, сонгон шалгаруулалтад хамгийн өндөр оноо авч тэнцсэн хү­мүүсийг Эрүүл мэндийн сайдад өргөн барих саналыг хүргүүлжээ.
 
 
Сонгон шалгаруулах ко­­мисс нь Төрийн албаны зөв­лөлөөс мэргэжил арга­зүйн зөвлөгөө, дэмжлэг авч ажилласан бөгөөд олон улсад хүлээн зөвшөөрөгдсөн, стан­дартад нийцсэн тестээр хууль эрхзүйн шалгалтыг авсан гэв.
 
 
Харин одоо Эрүүл мэндийн сайд, төрийн на­рийн бичгийн дарга нар хэн хаана даргаар очихыг ший­дэх л үлдсэн гэнэ. Эцсийн шийдвэр ирэх долоо хоногт гарах аж. Төрийн албаны салбар зөвлөлөөр шал­гал­тад тэнцсэн ч ху­вийн  эмнэ­лэг­тэй, хувийн ашиг со­нир­холтой гэдэг нь тог­тоогдвол  эмнэлгийн   даргад томилох боломжгүй юм. 
 
 
Эмнэлгийн дарга болох хамгийн магадлалтай хүмүүс
 
Ийнхүү сонгон шалга­руу­лалтын эцсийн дүн гараагүй ч эмнэлгийн дарга болох магадлалтай хүмүүсийн та­лаар гадуур хэдийнэ яриад эхэлжээ. Ингээд тэдгээр эрх­мүүдийн талаарх товч мэ­дээллийг хүргэж байна. 
 
 
Клиникийн I  эмнэлгийн даргад өрсөлдөж буй Л.Жамбал­жав. Ур чадварын шалгалтдаа тэнцсэн. Эрүүл мэндийн  сайдын зөв­лөх. Өмнө нь Цэргийн төв госпи­талийн эмч, I эмнэл­гийн дар­гаар ажиллаж байжээ.
 
 
Клиникийн II эмнэлгийн даргад өрсөлдөж буй н.Баяс­галан.  Ур чадварын шал­галтдаа тэнцсэн. Өмнө нь тус эмнэлгийн дар­гаар ажиллаж байгаад чөлөө­лөгдсөн. Шастины нэрэмжит III эмнэлгийн даргад өрсөлдөж байгаа н.Баярцэцэг. Ур чад­варын шалгалтдаа тэнц­сэн. Тус эмнэлгийн орлогч даргаар ажиллаж байгаа. 
 
 
Халдварт өвчин суд­лалын үндэсний төвийн даргад н.Баатархүү өрсөлдөж бай­гаа. Ур чадварын шал­галт­даа тэнцсэн. ЭМШУИС-ийн багш юм. Грентологийн төвийн даргад өрсөлдөж байгаа Р.Оюун­ханд. Ур чадварын шал­­галтдаа тэнцсэн бөгөөд тэрбээр Өмнө нь тус төвийн даргаар ажиллаж байжээ. 
 
 
Эх нялхсын эрүүл мэндийн төвийн даргад өр­сөл­­дөж байгаа Ш.Энхтөр. Ур чадварын шалгалтдаа тэнц­сэн. Мөн тус эмнэлгийн даргаар ажиллаж байсан. Арьсны өвчин судлалын үндэсний төвийн даргад өр­сөлдсөн  н.Цогцэцэг. Ур чад­варын шалгалтдаа тэнц­сэн. Өмнө нь тус төвийн даргаар ажиллаж байсан.
 
 
Дөрвөн эмнэлэг даргагүй хоцрох нь
 
Харин зарим эмнэлгийн даргад өрсөлдсөн нөхөд ур чадварын шалгалтдаа тэн­цээгүй аж. Тодруулбал Гэм­тэл согог судлалын үндэс­ний төвийн даргад өрсөлдсөн Б.Жаргалсайхан, Ж.Батмагнай нар ур чад­варын шалгалтдаа бүдэрчээ. 
 
 
Мөн Хавдар судлалын үндэсний төвийн даргад өрсөлдсөн А.Эрдэнэтуяа өр­сөл­дөгчгүйгээр ганцаараа хүч үзсэн ч тэнцээгүй байна. Хүүхдийн төв сувил­лын даргад өрсөлд­сөн Н.Ууганцэцэг мөн л ур чад­­варын шалгалт­даа бү­дэрсэн бол Цус­ны тө­вийн даргад өрсөл­дөгч М.Эрдэнэ­баяр,
 
 
Ц.Тунгалаг­тамир нар ур чадварын шалгалтаа ам­жилтгүй өгчээ. Ийнхүү  дээрх эмнэл­гүү­дэд дахин сонгон шалга­руулалт явуу­лах эсэхийг ЭМЯ-ны Төрийн албаны зөв­лөл шийдэх аж. 
 
 
Эх сурвалж: