sonin.mn
Сэтгэгдэл (0)
Ардчилсан намаас зохион байгуулсан Зүүн бүсийн "Эдийн засгийн форум" 2023.09.16-ны өдөр Сүхбаатар аймгийн Баруун-Урт хотноо болж өндөрлөлөө.
Форумд Ардчилсан намын дарга Лу.Гантөмөр, ҮБХ-ны дарга, УИХ-ын гишүүн Ж.Батсуурь, Ардчилсан намын Тэргүүн дэд дарга С.Баярцогт, УИХ дахь Ардчилсан намын бүлгийн дарга О.Цогтгэрэл, УИХ-ын гишүүн Н.Ганибал, УИХ-ын гишүүн А.Адъяасүрэн, Ардчилсан намын Улс төрийн зөвлөлийн гишүүн Д.Пүрэвдаваа, Л.Од-Сэр, Л.Даваасүрэн, Н.Жавзанпагма, Э.Тамир, Ардчилсан намын дэд дарга Р.Эрдэнэбүрэн, Ч.Өнөрбаяр, П.Батчимэг, О.Алтангэрэл, С.Буяндэлгэр, Ж.Баярмаа, Э.Уртнасан, Ардчилсан намын даргын зөвлөх Г.Ганбаатар, Д.Бадарсан, Н.Амаржин, Ж.Баясгалан, Г.Эрдэнэбат, Э.Галбадрал, УИХ-ын гишүүн асан, Хариуцлагатай ардчилал сангийн удирдах зөвлөлийн дарга Х.Тэмүүжин,  УИХ-ын гишүүн асан, Стратеги бодлого судалгааны хүрээлэнгийн захирал З.Нарантуяа, Намын байгуулалт хариуцсан нарийн бичгийн дарга Ж.Өнөржаргал, ҮБХ-ны Тамгын газрын дарга С.Батзаяа, Ардчилсан намын Хэрэг Эрхлэх газрын дарга Н.Лхагвадорж, Сургалт судалгааны газрын дарга Г.Дэнзэн, Сүхбаатар аймгийн Засаг дарга М.Идэрбат, Дорноговь аймгийн АН-ын дарга М.Энхжаргал, Говьсүмбэр аймгийн АН-ын дарга Д.Сүрэнжав, Хэнтий аймгийн АН-ын дарга Х.Алтангэрэл, Дорнод аймгийн АН-ын дарга У.Даш, Хариуцлагатай Ардчилал сангийн удирдах зөвлөлийн гишүүн Да.Ганболд, ҮБХ-ны гишүүн Ц.Баатархүү, М.Мөнхжаргал, Нийслэлийн ИТХ-ын төлөөлөгч М.Тулгат болон УТЗ, ҮБХ-ны гишүүдийн төлөөлөл оролцов.
 
Чуулганд Сүхбаатар, Хэнтий, Дорноговь, Дорнод, Говьсүмбэр аймгийн Ардчилсан намын гишүүд, бизнес эрхлэгч зэрэг нийт 700 гаруй гаруй төлөөлөл бизнесийн орчинд тулгамдаж буй асуудал, бүсчилсэн эдийн засгийн онцлог, хөшүүрэг, шийдлүүдийг хэлэлцсэн юм.
 
Уг форумын дараа АН-ын дарга Л.Гантөмөр сэтгүүлчдэд хандан: " Барааны эргэлт их мууджээ. Үйлдвэрүүд хаалгаа барьж, компаниуд икс тайлан гаргадаг болсон байна. Мөнгөний дутагдал маш их болжээ. Энэ хавар нэг их наяд төгрөг тараасан.Тэр эргэгдээд, есөн сарын байдлаар буцаад шахагдаад алга болж байна. Хамгийн хүнд асуудал бол бараа, бүтээгдэхүүний үнийн өсөлт. Үнийн өсөлт, мөнгөгүй болсон байдал бол төрийг яалт ч үгүй засах хэрэгтэй юм байна, төсвийн бодлогыг заавал засах хэрэгтэй юм байна, улсын үйлдвэрийн газруудыг засахгүй бол болохгүй юм байна гэдэг дүгнэлтэнд хүргэж байна. Мөнгөний ханш унаж, хүмүүсийн амьдрал унаад байгаа нь тогтвортой бизнес эрхлэхэд маш их садаа болж байна гэдгийг маш их тодорхой хэлж байна. Хүү багатай мөнгө олдвол бизнес хийгээд, ажил хийгээд байна гэж байх юм. Харамсалтай нь хүү өндөр, мөнгө үнэгүйдээд байна. Ажил хийх тусам өрөнд ороод байгаа учраас Солонгос явж байна шүү гэж хэлж байгаа хүмүүс их байна. Бизнес хийх тусмаа өр нэмэгдээд байгаа учраас Австрали руу нэг ажилтнаа явуулаад, тэндээс олсон мөнгөөрөө талхныхаа цехийг ажиллуулж байна гэж ярьж байна. Гадаадад гарч буй нууц нь тэр юм байна шүү дээ.
 
Гадагшаа гарч, мөнгө олж, тэр мөнгөөрөө бизнес хийж, дундаж давхаргад ормоор байна. Тэгэхгүй бол олж байгаа орлогынхоо 70-80 хувийг хүнсэндээ өгч байна, зээлэндээ өгч байна. Гэтэл хүүхдээ сургах, хувцас хунар авах хэрэгцээгээ яагаад ч хангаж чадахгүй байна гэж ярьж байна. Дундаж давхаргаа дэмжихийн тулд хамгийн гол нь мөнгөний бодлого зөв болох ёстой. Гурван жилийн өмнө 3 сая төгрөгний орлоготой байсан хүмүүс орлогынхоо талаар хоол, хүнс, байрны зээлээ төлж чаддаг байсан бол өнөөдөр 3 сая төгрөг хоол, хүнс, зээлэнд яваад дуусч байна. Тэгэхээр өнөөдрийн дундаж давхарга 7 сая төгрөг нэхэж эхэлж байна. Өчигдөр 3 сая төгрөгөөр болж байсан хүмүүс өнөөдөр 7 сая дээр амь тавьж байна гэдэг бол дундаж давхарга доошоо унаж байна л гэсэн үг. Тэгэхээр мөнгийг л үнэтэй, олдоцтой л болгох хэрэгтэй " гэв.
 
С.Сарнай