БНХАУ-д төрийн айлчлал хийж буй Монгол Улсын Ерөнхийлөгч Ухнаагийн Хүрэлсүхэд Бүгд Найрамдах Хятад Ард Улсын Төрийн зөвлөлийн Ерөнхий сайд Ли Көчян 2022 оны 11 дүгээр сарын 28-ны өдөр Хятадын Ардын Их Хурлын ордонд бараалхав.
Ерөнхийлөгч Ухнаагийн Хүрэлсүх төрийн айлчлалыг өндөр түвшинд зохион байгуулж, найрсаг, халуун дотно хүлээн авч буй Хятадын Засгийн газарт талархал илэрхийллээ.
Мөн дундаж чинээлэг нийгмийг бүх талаар цогцлоох эхний 100 жилийн зорилтоо амжилттай хэрэгжүүлсэн Хятадын Коммунист Нам, Хятадын Засгийн газар, ард түмэнд баяр хүргэв.
БНХАУ-тай сайн хөршийн найрсаг харилцаа, харилцан ашигтай хамтын ажиллагааг хөгжүүлэх нь Монгол Улсын гадаад бодлогын тэргүүлэх чиглэл болохыг Монгол Улсын Ерөнхийлөгч тэмдэглэв.
Цар тахлын амаргүй үед ч талууд дээд, өндөр түвшний уулзалт, айлчлалын давтамжийг хадгалж, бүхий л салбарын хамтын ажиллагааг өргөжүүлэн, хоёр талын хамтын ажиллагааны асуудлуудыг хэлэлцэн шийдвэрлэж ирсэнд сэтгэл хангалуун байгаагаа илэрхийлэв.
Цаашид улс төрийн итгэлцэл, харилцан ойлголцлыг нэмэгдүүлж, худалдаа, эдийн засгийн хамтын ажиллагааг эрчимжүүлэн, хоёр улсын хөгжлийн бодлогын уялдааг хангах нь чухал болохыг Монгол Улсын Ерөнхийлөгч Ухнаагийн Хүрэлсүх онцлов.
Түүнчлэн төрийн тэргүүн нарын хүрсэн тохиролцоог бодит ажил хэрэг болгоход хоёр улсын Засгийн газар нягт хамтран ажиллана гэдэгт итгэлтэй байгаагаа илэрхийлэв.
Төрийн зөвлөлийн Ерөнхий сайд Ли Көчян Монгол Улсын Ерөнхийлөгч Ухнаагийн Хүрэлсүхийн энэ удаагийн айлчлал Монгол, Хятадын Иж бүрэн стратегийн түншлэлийн харилцааг бэхжүүлэхэд чухал ач холбогдолтой болохыг онцлон тэмдэглэв.
Тэрбээр хоёр улсын харилцаа, хамтын ажиллагааг бүхий л салбарт өргөжүүлэн хөгжүүлэх, дээд, өндөр түвшинд хэлэлцэн тохиролцсон асуудлуудыг хэрэгжүүлэхийн төлөө хүчин чармайлт гаргаж ажиллахаа илэрхийлэв.
Сэтгэгдэл(6)
Хайрцаглагдсан хуурай дипломат уулзалт гэж ойлголоо.
Гуцдаг үгээ л уншсан бн ш дээ. Шинэ үг байдаггүй ээ. Нөгөө $30 сая аа гуйхгүйм уу?
Ли кечань хурэлсухийн буудалд гуйж ирж уулзсан юмуу? Тэгвэл л хурэлсухЭД бараалхлаа гэнэ. Хурэлсух ажлыхан байранд очиж уулзсан юм чинь хурэлсух тэр хунд бараалхсан бишуу. Томрох гээд солилрчих юм.
er ni Mongol hyn yadyyrsan ta nariin el ygeer oilgobol boloh yy?toriin ajil ta nart yamar hamaa baina aa!neg egyylber zygeer ybsaad engerch bolohgyi yu?....manai erenhiilegch yah iih ni bidend er hyrteelgyi terch baitygai baraalhah nuu baina uu?hend hamaatai gej?ard tymeneeree yil hedlel setgyyliin garzig hyrtel syydeg boloh ni uu?arai hetersen hereg bys yy?.....esbel ataarhal uu?.....MOngolchyyd doroitson setgelgee daamjirch baina setgel oyunii gajigtai bolj dee!!!!ene bol ardchilal bys?.....andyyral syy...........gajig zangaa zasaschgaa?????????????
Ли Көчян "доголон нугас" учраас уулзахгүй байсан ч болох байсийм,мэдээж асуудал шийдэхгүй шүү дээ яахав протоколын уулзалт болсон нь тодорхой ,харин Ши дарга Хүрэлсүхэд хэзээ "бараалхах" юм бол,тэнд л аасуудал шийднэ шүү дээ
Ямар асуудал шийдэж явна? Нухэн гарцны 30 саяын яраа ЗГ -ын хурээнд шийдэж чаддаггуй Ээ?