ПЁНЬЯН. /Yonhap/. “Манай улс цөмийн зэвсгээс хэзээ ч татгалзахгүй бөгөөд түүнийг АНУ-тай цөмийн зэвсгээс ангижрах хэлэлцээний хэрэгсэл болгох ашиглахгүй” гэж БНАСАУ-ын удирдагч Ким Жөн Ун энэ долоо хоногт болсон парламентын хуралдааны үеэр мэдэгдсэнийг тус улсын төрийн мэдлийн хэвлэл өнөө өглөө уламжилжээ.
Пёньян мөн Ардын дээд хурлын хоёр өдрийн хуралдааны үеэр “улс орон руу нь халдан довтолсон тохиолдолд автоматаар цөмийн цохилт өгөх” шинэ хууль баталсан гэж Солонгосын төв цахилгаан мэдээний агентлаг /KCNA/ мэдээлсэн байна.
“Бид цөмийн зэвсгээс хэзээ ч татгалзахгүй, цөмийн зэвсгээс бүрэн ангижрах ямар ч боломжгүй, түүнийг тохиролцооны хэрэгсэл болгон ашиглахгүй” хэмээн Ким Жөн Уны хэлснийг “KCNA” агентлаг эш татан мэдээлжээ. Тэрбээр мөн АНУ-ыг цөмийн хүчин чадал, өөрийгөө хамгаалах эрхээсээ татгалзах шахалт үзүүлж, Умард Солонгосын дэглэмийг унагахыг эрмэлзэж байна гэж буруутгасан байна.
Ким Жөн Ун хатуу хориг арга хэмжээ авах замаар БНАСАУ-ыг цөмийн зэвсгээсээ татгалзах шахалт үзүүлж байна хэмээн АНУ-ыг шүүмжлэхийн сацуу үүнийг “буруу шийдвэр, буруу тооцоолол” гэж нэрлээд “зуу зуун жилд” ч үр нөлөөгөө өгөхгүй гэж хэлжээ. БНАСАУ мөн цөмийн зэвсгийн талаар баримтлах бодлогын тухай шинэ хуулийг баталж, энэ нь “одоогийн нөхцөл байдлын хууль ёсны шаардлага” бөгөөд цөмийн зэвсэгтэй улсын байр сууриа цаашид бэхжүүлэх хүчтэй хууль эрх зүйн баталгаа болно гэжээ.
Шинэ хуулийн дагуу цөмийн хүчний команд удирдлагын систем нь “дайсагнагч хүчний” халдлагад өртөх аюулд орсон тохиолдолд өдөөн хатгасан эх сурвалжийг устгахын тулд цөмийн цохилтыг шууд автоматаар хийж болно гэж “KCNA” мэдээлсэн байна. БНАСАУ-ын удирдагч шинэ хуулийн тухайд хэлэхдээ, цөмийн зэвсгийн бодлогыг хуульчлах нь “цөмийн хүчин чадлынхаа талаар цаашид ямар нэгэн тохиролцоо хийхгүй байх шугамыг татахад ихээхэн ач холбогдолтой” гэдгийг онцолжээ.
Э.Хулан
Эх сурвалж: "Монцамэ" агентлаг
Сэтгэгдэл0
Мэдээж.Одоохондоо юу ч гэсэн зэвсгийн дээд цөмийн зэвсэг.Цөмийн зэвсэгтэй ямар ч орныг хэн ч зориглож дайрахгүй.
ЗХУ задрахад Украйны нутаг дэвсгэр дээр олон тооны цөмын зэвсэг, тэдгээрийг тээвэрлэгч пуужингууд байсан гэтэл түүнээсээ татгалзаад цөмийн зэвсэггүй орон болсон биш юу болж байгааг хардаа. Тэр үед Орос АНУ хоёр Украйныг татгалзуулах гэж бөөн юм болсон. Жижиг улс цөмийн зэвсэгтэй байхад түүн рүү дайрахгүй нь тодорхой бололтой хэрэв зэвсэггүй бол шууд крымийг нь булаагаад л авсан даа
АНУ ч юм уу, ямар нэг орон түрэмгийлэл үйлдэн, дайран орж ирж магадгүй л гэж их болгоомжлон, өөрийгөө хамгаалах, тийм аюултай, цөмийн зэвсгээр хөөцөлддөг орон юм уу даа? Одоо тэр цөмийн зэвсгээ улам сайжруулна гэж ерөнхийлөгч нь ярьж байна. Өөрийнх нь орон руу халдвал шууд тив алгасан хүрэх баллестик пуужингаа тавина гэж байна шүү дээ! НАТО, АНУ гэх мэт хүчнүүд цөмийн зэвсгээс нь сэрэмжилж, болгоомжилдог бололтой! Тэд тив алгасан хүрэх пуужингуудаа улам боловсронгуй болгон, хүчин чадлыг нь сайжруулахаар шаргуу ажиллаж баына!
Умард Солонгосчуудын босс.