Бямба - 04 сарын 27,
2024
ТБИЛИСИ. /RIA Novosti/. Гүржийн сөрөг хүчний намууд, төрийн бус байгууллагуудын төлөөлөгчид, тэднийг дэмжигчид Засгийн газраа огцрохыг шаардан Тбилиси хотын төвд жагсаж, жагсагчдын зарим нь Засгийн газрын ордны өмнө шөнийг өнгөрүүлсэн байна.
Жагсаал ням гаргийн орой парламентын ордны өмнө эхэлжээ. Жагсаалд оролцогчид Гүрж улсыг Европын Холбоонд /ЕХ/ гишүүнээр элсүүлэх нэр дэвшигчийн статусыг авахын тулд шинэ Засгийн газар зохих шинэчлэлийг хийж чадна, харин эрх баригч "Гүржийн мөрөөдөл" нам хийж чадахгүй гэж үзэж байгаа аж. “Бидний зарим нь хонохоор энд үлдэнэ. Өглөө бид Ерөнхий сайдад тайван замаар эсэргүүцлээ илэрхийлж, ойлгохгүй байгаа зүйлийг нь хэлнэ” гэж жагсаалд оролцогчдын нэг хэлжээ.
ЕХ-ны орнуудын төр, засгийн тэргүүн нар өмнө нь Брюссельд болсон дээд хэмжээний уулзалтын үеэр Украин, Молдова улсуудад тус холбоонд гишүүнээр элсэх нэр дэвшигчийн статусыг олгохыг зөвшөөрсөн юм. Европын Зөвлөлийн дарга Шарль Мишель хэлэхдээ, ЕХ-ны Зөвлөл Гүржийн хүсэлтийг зөвшөөрөх шийдвэр гаргасан бөгөөд тогтоосон тэргүүлэх чиглэлүүд биелмэгц статус олгоход бэлэн байна гэжээ. Эрх баригч “Гүржийн мөрөөдөл” нам ЕХ-нд гишүүнээр элсэх нэр дэвшигчийн статус авахын тулд тус холбооны 12 болзлыг биелүүлэх зорилгоор ажлын хэсэг байгуулахаар төлөвлөж байгаагаа өнгөрсөн өдрүүдэд мэдэгджээ.
Д.Жаргал
Эх сурвалж: "Монцамэ" агентлаг
Сэтгэгдэл0
орос, беларус ч путин, лука-гийн дараа ЕХ-нд элсэх болно. Харин стан орнууд болоогүй, тэнд Хятадын нөлөө хүчтэй байх болов уу, харин Европын холбоо, Америк эдгээр станы орнуудад анхаарал тавих л хэрэгтэй дээ,
Дэлхийд еер холбоо ууснэ. Орос, Хятад, Энэтхэг улсууд цем нь болно. Болгар ч туунд нэгдэнэ.
Хүн ам олон ч хүч муутай л холбоо байна даа.Дэлхийн эдийн эдийн засгийн потенциал, өндөр технологи хаа байна?! Тэр холбоо. л давамгай байх болно. Хятад,энэтхэг шоргоолжин түмэн ядуу ард түмэндээ хойш чангаагдаж асуудлыг нь шийдэж чадаагүй яваа шүү.