сонин mn
Монгол Улсын Ерөнхийлөгчийн сонгуульд "Зөв хүн электорат" эвслээс нэр дэвшигч Д.Энхбат коронавирусын халдвар авсантай холбоотойгоор тус эвслийн удирдлага бүх уулзалт, сонгуулийн сурталчилгаагаа зогсоож байгаагаа мэдэгдэхийн сацуу У.Хүрэлсүх, С.Эрдэнэ нарыг биечилж уулзаж байгаа уулзалт сурталчилгаа зогсоон, цахим хэлбэрт шилжихийг уриалсан билээ.
 
Үүнтэй холбогдуулан МАН-ын Ерөнхий нарийн бичгийн дарга Д.Амарбаясгалан : "МАН-ын зүгээс ХҮН-ын уриалгыг хүлээн авч коронавирусийн халдварын эрсдэл нэмэгдэх аливаа хэлбэрийн сонгуулийн сурталчилгааг өнөөдрөөр зогсоож байна.
 
 
Цаашид зөвхөн цахимаар болон хэвлэл мэдээллийн сувгаар сурталчилгааг үргэлжлүүлнэ" гэв.
 
С.Сарнай