sonin.mn
Сэтгэгдэл (0)
Ардчилсан нам залуу бизнес эрхлэгчдийг дэмжих, орон нутгийн хөрөнгө оруулалт, цаашдын боломжийн талаар намын гишүүд, дэмжигчидтэй нээлттэй ярилцаж санал, санаачилгыг сонсох зорилгоор Төвийн бүсийн Эдийн засгийн форум"-ыг зохион байгуулж байна.
Тус чуулган Дундговь аймгийн Мандалговь хотод болж байгаа бөгөөд Дундговь, Өмнөговь, Архангай, Төв аймгийн Ардчилсан намын гишүүд, бизнес эрхлэгч зэрэг 600 гаруй төлөөлөгч хамрагдаж буй юм.
 
Уг  "Эдийн засгийн форум”-д Ардчилсан намын тэргүүн дэд дарга С.Баярцогт, УИХ-ын гишүүн О.Цогтгэрэл, А.Адъяасүрэн, Ц.Туваан нар хүрэлцэн иржээ.
 
 
Энэ үеэр АН-ын Тэргүүн Дэд Дарга С.Баярцогт үг хэлэхдээ: "1990 он бол Монгол Улс сэргэн мандсан ардчиллын он жилүүд байсан. Өнөөдөр та бүхэн ардчиллын 2 дахь сэргэн мандлын үе болж байна. Хувь заяаны эрхээр эргэлтийн сэргэн мандлын үе эхэлж байна. Энэ утгаараа та бүхний үе эхэлж байна. Бидний өмнө ардчиллын төлөөх асар их хариуцлага байгаа. Өнгөрсөн 33 жилийн түүхэнд бид ингэж ялагдал хүлээж байгаагүй. 
Өнөөдөр Монгол Улсын хөгжил дэвшил, ардчилал хямралд орсон. Ийм хүнд үед бид хариуцлагаа ухамсарлаж, ялалт байгуулах хэрэгтэй. 1992 онд хийсэн Үндсэн хуулийнхаа үзэл санааг бид улам төгөлдөржүүлэх ёстой." гэв.