sonin.mn
Сэтгэгдэл (0)
"Улс төр, эдийн засаг, эрх зүйн шийдэл, нийгмийн зөвшилцөл" чуулга уулзалтын үеэр жүжигчин У.Цогтбаяр сэтгүүлчдийн асуултанд хариуллаа. 
 
Тэрээр: "АТГ 17 хүний нэр зарласан. Гэхдээ хэнд нь ч арга хэмжээ аваагүй. Бид нар талбай дээр үзэл бодлоо илэрхийлээд явж байгаа. Одоо дулаарч байна. Бүр олуулаа болж, бүр их хүчээ авна. 17 хүний нэрээ зарласан юм чинь одоо тэр 63 хүний нэрсээ ч зарла. Тэгээд 70, 80 болгоод бүгдэнд нь хариуцлага тооцьё. Өмнөх 17 хүн дээр хариуцлага тооцсон бол бид нар болчих л байсан шүү дээ. Гэвч тооцоогүй шүү дээ. Экс Ерөнхийлөгч гэх мэт хүмүүс идсэн юм байна, тэд нараас 40 их наядаа нэхнэ гээд дайрна шүү дээ. Гэтэл арга хэмжээ авахгүй, тэд нар нь гадаад дотоодоор зугаалаад, анх удаа нүүрс харлаа гэх мэт ярилцлага өгөөд байж байна.
 
 
Шударга ёс тогтоохгүй бол Монгол хөгжинө гэж битгий ярь. Шударга, ёс суртахуунтай хүн нэг ч байхгүй юм чинь Монгол хөгжихгүй шүү дээ. Төр өөрөө улстөрийн гэмт хэргүүдээ нуун дарах, аюулгүй байх нуувч нь болчихсон учраас л уул уурхай нь эд нар руу чиглэж, спонсорлож явдаг юм байна. Ерөнхий сайдын 2024 онд 40 их наяд маань 80 их наяд, цаашлаад бид 160 их наяд төгрөгтэй болно гэдэг бичлэгийг би нийтэд зарласан. Устгачихсан л байна лээ.
 
 
Тэр нь сонгуулийнх нь төсөв байсан юм уу? Ард түмний, татвар төлөгчдийн төсөв байсан юм уу? Ямар учиртай юм бэ? Үүнийгээ тайлбарлахгүй юм. Би төр засгаасаа, Ерөнхий сайдаасаа, Ерөнхийлөгчөөсөө, УИХ-ын даргаасаа гуйя. Ард иргэд та нарын явуулж байгаа пи ар, хар энтертайнментэд л автах гээд байна шүү дээ. Ковидын үед өдөр бүр 11 цагаас тодорхой мэдээлэл өгдөг байсан шигээ Монголын ард түмний боломжийг хулгайлсан нүүрсний хулгайчдын тухай мэдээллийг өдөр бүр мэдээлж байгаач ээ. Монгол улсад ганцхан С.Батдөл гэж хулгайч байгаа юм уу? Өөр өчнөөн бичлэг байгаа байлгүй дээ. Бүгдийг нь гаргаач ээ. Төр өөрөө шатар тоглоод байна. Өнөөдөр 76 гишүүн байна. Миний ойлгосноор хэн олон гишүүнийг нэгтгэж чадсан нь төрийн эрх мэдлийг аваад, хүчтэй болоод байна.
 
 
С.Жавхлан гишүүн байхдаа МАН, АН хоёр нь тэнцчихсэн, хэн нэгний ямар нэг хүсэлт, санал хүлээгээд байгаа юм шиг өрөөндөө сууж байгаа бичлэг байдаг. Т.Доржханд гишүүн өнөөдөр тийм юм байна гэж харлаа. Яагаад гэвэл Ерөнхийлөгчийн талд байгаа юм уу? Ерөнхий сайдын талд байгаа юм уу? Энэ хоёр хоорондоо муудчихаад одоо эвлэрчихсэн байна гэж би ойлгосон.
 
 
Хэрэв би Ерөнхийлөгчийн сэтгэлд сэв суулгачихвал гэж үг Ерөнхий сайдын амнаас гарсан. Энэ маш харамсалтай үг байгаа биз. Юу гэсэн үг юм бэ? Сэтгэлд нь сэв суулгаач ээ. Энэ чинь нийтийн эрх ашиг, Монголын ард түмний эрх ашиг, боломжийн тухай ярьж байхад нэг Ерөнхийлөгч ямар хамаатай юм бэ? Ялтан шахуу, казиночин, Монголын үндэсний аюулгүй байдалд заналхийлсэн Ерөнхийлөгчдөө арга хэмжээ авч чадахгүй бол намыг чинь татан буулгахын төлөө үхэн хатан тэмцэнэ. МАН, АН аль аль нь ард түмний дайсан болчихоод байна. Дайснаа ялж байж бид амжилтанд хүрнэ. УИХ-ын гишүүд 150 болохыг би үнэхээр дэмжиж байгаа. Яагаад гэвэл, жишээ нь Ерөнхийлөгчийн засаглалтай болчихвол Путин ирээд хөмсөг зангидахад бие нь цуг атирна шүү дээ. Дорхноо бойкотлоно. Тийм үед Ерөнхийлөгчийн засаглалтай бол манай улс хямарч байгаа биз. Яагаад гэвэл ард түмнийг төлөөлөх нэг л хүн байгаа, тэр нь Ерөнхийлөгч. Энэ бол яагаад ч байж болохгүй.
 
 
76 байгаад нь би баярладаг. Энэ 76 ч хулгайч, луйварчин учраас, хоорондоо тохироо хийж явдаг учраас 150 болчихвол тохироо хийхэд арай хэцүү болно доо. Ядаж л арай олон хүнтэй тохироо хийх хэрэг гарч байгаа учраас эд нарын улстөрийн арга нь улам нарийн болчих вий гэж бодож байна. Бусдаар 150 болохыг нь дэмжиж байна.
 
 
" гэсэн юм. 
 
 
М.Чой