sonin.mn
Сэтгэгдэл (0)
Хүмүүний хорвоог хамгийн их сүйрэлд хөтөлсөн хоёр ноцтой алдааны нэг нь төрийн эрх баригчид хэт үндсэрхэх үзлээр олон нийтийг хөөрцөглүүлж түүндээ донтох, нөгөө нь сэтгэл зүйн тэрхүү солиорол дээр дөрөөлөн улс орноо цэрэгжүүлэх, хүмүүнийг үй олноор нь устгах зүсэн бүрийн зэвсэг үйлдвэрлэж түүгээрээ бусад улс орныг түрэмгийлэн эзэлж, хүн амыг нь бөөнөөр нь устгах, эд баялгийг цөлмөх үйл ажиллагаа байв. Тийм бузар хэргийг XX зуунд хамгийн дээд зэрэгт үйлдсэн улс бол фашист Герман, милитарист Япон хоёр. Бусдад учруулсан гай, эргээд өөрийн толгой дээр буудаг, хамаг үйл лайг нь ард түмэн үүрдэг. 1945.05.9-нд Германы фашистуудын үлдэгдэл бут ниргүүлж, улс орон сүйрэхэд, Адольф баригдахаас өрсөж өөрийгөө цаазалсан. Японы ард түмэн дээр АНУ атомын бөмбөг туршсан. Ингэж төрийн эрх баригчдын бузар хэргийн золиосонд эгэл хүмүүсийн амь нас үрэгдэж, бүтээн байгуулалт үнс болсон. Ийм учраас энх тайвны төлөө орон бүрийн хөдөлмөрчид эв санааны нэгдэлтэйгээ илэрхийлж ҮЭ-үүд нь хамтран ажилладаг уламжлалтай.
 
Манай ТВ-ийн болон хэвлэлийн мэдээ нь ОХУ-ын төрийн тэргүүнийг буруутгасан, дайран доромжилсон, Украйны националистуудыг дэмжсэн, амаараа бол аль хэдийнээ Явровскийн сургалтын төвд нацистуудыг сургагчдын эгнээнд зогсчих царайлаад байх юм.
 
ОХУ-ын зэвсэгт хүчин сул дорой, зэвсэг техник нь хоцрогдсон, батлан хамгаалахад зориулсан хамаг хөрөнгийг нь Шойгу завшсан, мөдхөн Орос улс ганцаардаж яадагтаа тулна, Си Жин Пин Путинаас зай барилаа ч гэх шиг, Украйнд хийсэн Оросын түрэмхийллэл Монголд давтагдана гэх зэргээр хөл нь гишгэх газраа, хэл нь хэлэх үгээ олохгүй эрхмүүд гарч ирээд байна.
Тэдний дунд Монгол улсын Ерөнхийлөгч асан, Ерөнхий сайд асан, УИХ-ын гишүүн хүмүүсийн байр суурь байгаа нь нэг л хачин, арай ч дээ, хэний нөлөөнд яахаараа ингэтлээ автаж, юуны төлөө эгэл олон хөдөлмөрийн хүмүүсийн сэтгэл зүйг сэвтүүлж явна вэ?
Хүн төрөлхтний эсрэг бактерилогийн болон токсины зэвсэг үйлдвэрлэх, хэрэглэхийг хориглосон Конвенцийг зөрчөөд АНУ-ын тусгай албадын санхүүжилт, эрдэмтдийн оролцоотой 30 гаруй бактерилогийн лаборатори Украйны нутаг дэвсгэрт үйл ажиллагаа явуулдаг нь тусгай ажиллагааны явцад илэрснийг Игорь Кириллов мэдээллээ. АНУ-ын цэргийн болон биологийн хөтөлбөрийн хүрээнд үй олноор бүрэлгэх хяналтгүй зэвсэг-халдварт өвчний аюулт үүсгүүр үйлдвэрлэх гол объект нь Львов, Харьков, Палтовт байгааг Карпатын чандах лаборатори, Тернопиль мужийн төвийн лаборатори, Одесийн бүсийн лаборатори, Үндэсний мал эмнэлгийн туршилтын хүрээлэнг нэрлэсэн байна. Тэнд вакцинаар хамгаалагдахгүй, хувирсан хүн амьтны гоц халдварт өвчний шинэ омгийн өвчний үүсгэвэр бүтээх туршилтын үйл ажиллагаа эрхэлж байсныг илрүүлээд баримтжууулж байгаа талаар мэдэгдлээ.
 
20022.03.21-ны байдлаар ОХУ-ын тусгай ажиллагааны явцад нисгэгчгүй нисэгч 216, зинитийн пуужингийн цогцолбор 180, танк, хуягт машин 1506, харвах реактив системийн төхөөрөмж 152, хээрийн их буу, миномет 592, байлдааны тусгай автомашин 1284-ийг, хэд хэдэн зэвсгийн агуулах, хөлсний болон националист дайчдыг бэлтгэдэг сургалтын объектуудыг усгажээ. Явровскийн сургалтын баазыг ниргэхэд хөлсний 180, Ровенскийн сургалтын төвийг нураахад хөлсний болон Украины тусгай хорооны 80 дайнч өртөж эрсэджээ. ОХУ-ын тусгай ажиллагаа ийнхүү анх тодорхойлсон Национализм, милитаризмыг устгах зорилгодоо л хүрч байна.
 
 
Хоригт орсон ОХУ-тай экспортоо байгаа бүх боломжоороо нэмэгдүүлж, дайны хөлд үрэгдэж буй Украйны иргэдэд хүмүүнлэгийн тусламж үзүүлэх БНХАУ-ын төрийн бодлого эрүүл ухаантай хэнд ч ойлгомжтой юм. Түүнийг мушгиж тайлбарлах гэж зөнөглөх нь бидэнд дэндүү илүүц юм. Бидний хэрэгт оролцох гэхийн хэрэггүй, бид асуудлаа өөрөө шийднэ хэмээн БНХАУ-ын Гадаад хэргийн сайд мэдэгдсэн нь зөвхөн АНУ-д хаягласан үг биш байх.
 
 
Национализм, милитаризм бол хүн төрлөхтнийг оюун санааны болон хүмүүн биеийг, бүтээж цогцлуулсан эд баялагтай нь устгадаг, тийм учраас хэзээ ч магтаж, сайрхаж, тордож, санаа нийлж, гар гараасаа барилцан бүжиглэж үл болох гэмт үйл ажиллагаа шүү дээ.
 
 
Национализм, милитаризмын гамшгийг биеэрээ амсаж, түүнийг нугаслан дарах аугаа үйл хэрэгт гол хүч нь байж гарз, гавъяаны аль алийг нь амталсны хувьд ОХУ-ын зэвсэгт хүчин эдүгээ өндөлзөж, өдөж сөдөж байгаа Национализм, милитаризмын үүр уурхайг бут ниргэх нь зөв өө, хүн төрлөхтөний амар амгалангийн төлөө ариун үйлс гэж би вээр үзэж байна.
 
 
 
Төр засгийнхаа удирдлагаагар Монголын ард түмэн нийтээрээ бүр айл бүр германы фашизмыг дарах Зөвлөлтийн улаан армийн дайчдыг дэмжиж өөрт байгаа үнэтэй цэнтэй бүхнээ өргөж сэтгэл санааны болон эд материалын тусламж үзүүлж “зовох цагт нөхрийн чанар“-ыг харуулсан. Японы милитаристуудын түрэмгийлэх оролдлогыг БНМАУ-ын зэвсэгт хүчин бүр 1939 онд ЗХУ-ын улаан армитай хамтран няцааж, таслан зогсоож, бут ниргэж байсан юм.Тэр бүхэн ч нөлөөлсөн байх. И.Сталин 1945.02.4-11 ны өдрүүдэд Ф.Рузвелт, У.Черчилль нартай хоёрдугаар дайны төгсөлийн талаарх Ялтын уулзалтын үеэр “Монгол улсад тусгаар тогтнолыг нь өгье" гэдэг асуудлыг сонсгож, угтаа тэнд шийдвэрлэсэн юм шүү дээ.
 
 
Доктор Лутын Лханям
 
Эх сурвалж: "Хөх толбо" сонин