Монгол Улсын Ерөнхийлөгчөөс генерал цол хүртээж буй үйл явдлын сурвалжилгад яваад ирсэн сэтгүүлч нөхөр минь тэр удаа “эр хүн баярлахыг харах яасан сайхан юм бэ?” гэж хэлж билээ. Эрхэм хүндтэй, басхүү эр бяр, зүтгэл сэтгэлийг дагаж ирдэг энэхүү цолыг хүртээх Ерөнхийлөгчийн зарлигийг сонсоод догдолж байхдаа тэд “Эх орныхоо төлөө зүтгэе" гэж өөр дотроо дахин дахин тангарагладаг байх даа гэмээр догдлол, омогшил төрмөөр тийм сайхан мөчийг дэргэдээс нь харсан хэрэг.
Харин генерал цолоо Ерөнхийлөгчийн зарлигаар хураалгахдаа тэд сэтгэл дотроо сэмхэн уул шиг нурж байгаа болов уу гэмээр эмзэглэл олон хүнд төрсөн байх аа. Эр нэг алдаж, эрэг нэг нурдаг гэлээ ч эх орныхоо төлөө тангараг өргөөд зүтгэж явсан тэр бүх цаг хугацааныхаа яагаад ч баллуурдаад арилгаж боломгүй хөдөлмөр бүтээлийнхээ төлөө харамссан нь лавтай. Нэг алдаагаар нь бүх л алдар, гавьяаг нь баллуурдан үгүйсгэх нь басхүү шударга бус.
Тэр тусмаа гэм буруугийнхаа өмнөөс төрийн хуулиар ял зэмээ хүлээж, зохих шийтгэлээ эдэлсний дараа дахин төрийн тэргүүний зарлигаар гавьяа шагналаа хураалгах нь хатуу хэрэг. Тушаалаар ажиллаж ирсэн цэрэг, цагдаа, хүчний байгууллагын жирийн алба хаагч, жанжин генерал хэн нь ч байсан “Мэдлээ гүйцэтгэе” гэх ганцхан хариутай, Тэд энэ удаад ч бас "мэдлээ, гүйцэтгэе” гээд ёслоод өнгөрөх л болов уу.
Монгол Улс 170 шахам генерал цолтонтойгоос цагдаагаас төрсөн генерал цөөхөн, ердөө 17 байдгаас өчигдрийн зарлигаар тэдний эгнээнээс Ч.Амарболд хасагдлаа. Үүний үндэслэлийг зарлигт дурдсанчлан “Гэмт хэрэг үйлдсэн нь шүүхээр тогтоогдож, хорих ял шийтгүүлсэн" тул гэжээ. Түүний хувьд өдгөөгөөс 10 жилийн өмнө УИХ-ын ээлжит 2008 оны сонгуулийн үймээний үеэр иргэдийн эсрэг галт зэвсэг хэрэглэсэн хэрэгт Цагдаагийн ерөнхий газрын даргын үүрэгт албан тушаалынх нь улмаас буруутган ял оноож байлаа.
Цагдаагийн ерөнхий газар нь Засгийн газрын агентлаг бөгөөд тухайн үед үүссэн нөхцөл байдлын үеэр Монгол Улсын Ерөнхийлөгч онц байдал тогтоон хяналтдаа аваад байсан юм. Тухайн үед иргэд, цагдаагийнхны хооронд мөргөлдөөн гарч, галт зэвсэг хэрэглэсэн, таван иргэний амь нас хохирсон нь зөвтгөж боломгүй харамсалтай хэрэг байлаа.
Үүний улмаас Цагдаагийн ерөнхий газрын дарга байсан Ч.Амарболд болон цагдаагийн хэд хэдэн албан тушаалтан ял эдэлсэн. Тэр явдлаас хойш Ерөнхийлөгчийн гурван ч удаагийн бүрэн эрхийн хугацаа өнгөрч, өдгөө дөрөв дэх бүрэн эрх хэрэгжээд явж байна. Н.Энхбаяр, Ц.Элбэгдорж нарын санаанд ороогүй алхмыг юутай ч өнөөгийн Ерөнхийлөгч хэрэгжүүлсэн нь зөв, буруу гэх шүүмжлэлийг зэрэг дагууллаа.
“Төр өгч болсон цолоо хурааж бас болно" гэсэн зөвтгөл дунд ямарваа үндэслэл дурдагдахгүй байгаа нь анзаарагдаж байна. Энэ нь цолоос хасагдаж буй генералуудыг гэхээс илүүтэй аливаад чиг шугамаа баримталдаггүй төрийг өөрийг шүүмжлээд байгаа мэт ойлгогдож байх аж. Нөгөө талд Ерөнхийлөгчийн зарлигийг буруу гэж үзэж буй хэсэг нь "шийтгэлийг давхардуулж оноодоггүй” гэсэн шүүмжлэлийг хэлж байна.
Мөн энэ зарлигаас. үүдээд зарим хүн “Зөв шийдвэр гаргажээ. Цаашдаа армиас бусад цагдаа тагнуул ОБЕГ- ын салбаруудад генерал цол өгөхгүй, хуулиар хориглох хэрэгтэй", “зөвхөн арми, хилийн цэрэгт л генерал цол байх нь зүйтэй” гэсэн сэтгэгдлийг нийгмийн сүлжээнд илэрхийлсэн байх бол нөгөө хэсэг нь “Энэ чухал ажил мөн үү. Бөхийн татами биш шүү", “Одоо хууль үйлчилдэггүй бөхчүүдийн цолыг эхнээс нь хурааж ав" гэхчлэн бичиж байна.
Санал, сэтгэгдлүүд дундаас бүр өөр нэгэн асуудал энд хөндөгдөж байгаа нь генерал цолыг зөвхөн батлан хамгаалах, зэвсэгт хүчнийхэнд л олгох уу, цагдаагийн байгууллага жагсаалтаас хасагдах уу гэх асуулт юм. Нийтлэлийн эхэнд дурдсан тооноос харвал нийт генерал цолтнуудын 10 орчим хувь нь цагдаагийн эгнээнээс төржээ. Монгол Улсын зэвсэгт хүчин, батлан хамгаалах салбар улс орны тусгаар тогтнолтой холбоотой стратегийн салбар гэдэгтэй маргах аргагүй ч 1945 оноос хойш дайны байдал зарлаж байгаагүй, энэ утгаараа энх цагийн манаачид.
Харин улс орны хөгжлийн явцад цагдаагийн байгууллага нь стратегийн ач холбогдлын хувьд хүн амын аюулгүй байдал, амь нас, эд хөрөнгийг гэмт халдлагаас хамгаалах, гэмт хэргээс илрүүлэхээс гадна урьдчилан сэргийлэх гэх зэрэг хүнд, хариуцлагатай албан үүргийн мөн л тушаал, тангараг дор гүйцэтгэдэг албан болон өргөжжээ. Өдөр тутмын 24 цагийн тасралтгүй үйл ажиллагааг хэрэгжүүлж, үйл явдлын халуун шугамд явдаг онцгой алба юм.
Зөвхөн энэ утгаар аваад үзсэн ч цагдаагийн байгууллага зэвсэгт хүчин, батлан хамгаалахын салбарын нэг адил зэрэг дэвтэй байх ёстой гэж мэтгэж болмоор. Тэрчлэн цагдаагийнхнаас генерал цолтон ховор төрдөг гэх гомдлыг салбарынхан дотроо ярилцдагийг ч сонсож байлаа.
Хууль зүйн сайд асан Х.Тэмүүжин шинэчлэлийн бодлогынхоо хүрээнд цагдаагийн цолыг албан тушаалтай нь харгалдуулан өгч байх, албан тушаалаас буухдаа цолоо буцаан хураалгаж байх зарчмыг дэвшүүлсэн нь салбарынхны ил, далд хүчтэй эсэргүүцэлтэй тулж байв. Нэг үгээр цагдаагийнхны хувьд цол хамгийн эмзэг зүйл нь юм.
З.Боргилмаа
Эх сурвалж: "Өглөөний сонин"
Сэтгэгдэл0
Генерал, хурандаа цолыг нэг хэсэг хавтгайруулсан нь үнэн
Америк 40 Генералтай Монгол 170 Генералтай.Өмнөөс нь ичиж үхмээр дамшигнууд шүү.Америкт Онцгой Цагдаад Генералууд байдаггүй.Монголд 17 гахай.Ёо ёо!
Erenhiilegche ergej haraarai.Shuuhiinhen buruutai MenhOrgildoo nair tavij.Amarboldiig unen helmegduulsen.Mongold baiga es zuitei hovorhon hunii hailan bol Amarbold shuu
Ч.Амарболд генерал л харамсалтай байна.
ДАШ ГЕНЕРАЛ ХИЛИЙН ЦЭРЭГТ БАЙХДАА ГЕНЕРАЛ ЦОЛ АВСАН. ОНЦГОЙД ОЧООД ГЕНЕРАЛ ЦОЛОО ХЭРЭГЛЭЭГҮЙ. ОНЦГОЙ БАЙДЛЫН ТЭРГҮҮН КОМИССАР ЦОЛ АВСАН. ТЭГЭХЛЭЭР / КОМИССАР/ ЦОЛЫГ ХУРААМААР ЮМ. ГЭХДЭЭ ГЕНЕРАЛ ЦОЛТОЙ ДҮЙХ ЦОЛДОО
Баттулга еронхийлогч нийгмээ сайн сайхан юмны ТОЛОО нэгтгэж чадахгуй байна Баттулгыг буухаар генерал цолыг нь буцааж болно доо 7 сарын 1 ий хэргийг зов шийдэж чадаагуй Жагсаал цуглааныг турхирагчдыг олоогуй шуу дээ Олохыг хусээгуй Савтай бензин аваад явж байсан Ардчилсан Холбооны эмэгтэй яасан бэ Шийтгуулсэн уу
МАН-ынхан сонгууль будлиантуулаагүй бол ард түмэн юу гэж босохов дээ. МАН-ын байрыг шатаах байтугай нураах ч багадана. Шоронд нь хатаах хэрэгтэй байсан юм. Генерал цолыг нь хураасан нь зөв.Ингэж муусан авлигачдын алуурчдын сүр сүлдийг гутаах хэрэгтэй. Ялаа дутуу эдлэж уснаас хуурай гарчихаад ичих ч үгүй гавьяа байгуулсан юм шиг Генералуудын баярт оролцож л явж байдаг.
Цол авдаг хvмvvc цол нэмэгдэх тоолондоо Монгол улсын телее зvтгэе гэж чанга гэгч нь тангарагладаг биз дээ. Генерал цолоо хураалгаж байгаа эдгээр хvмvvc xийсэн хэргээ еерсдее мэдэхийн дээдээр мэдэж байгаа гэдэгт эргэлзэхгvй байна. Тэр битгий хэл ергесен тангарагийнхаа эсрэг олон муу зvйл хийснээ ч еерсдее мэдэж байгаа. Бас гавъяа ч хийсэн л байгаа. Мердестенгvvдэд гавъяагаар нь гайг нь далдалдаг есон байхгvй. Хийдэг бvх ажил нь зевхен Монгол улсын телее л байх естой. Генерал болтлоо хэдэн удаа Монгол улсын тепее зvтгэе гэж тангарагласнаа эрхбиш санаж байгаа биз.
тэр тангараг чинь авлигач генерал хурандаа нарт бол хоосон цаас нулимах юу ч биш.
Омноговиос торсон Халхын мундаг генерал
Албан тушаалдаа байхын тулд "мэдлээ гүйцэтгэе" гэж байгаад 5 хүн буудаж алах тушаал өгсөн Ч.Амарболдын генерал цолыг хураасан ч Эрээн хотын консул хэвээр үлдлээ. Алуурчин хүн Эрээнд консул хийж байгаа нь БНХАУ-ыг доромжилж байгаа Ц.Мөнх-Оргилын үйлдэл үү....
Алуурчин гэж хэн тогтоосын тушаал өгсөнийг нь хэн нотолсон юм бол энэ генералын хэрэг хэзээ нэг цагт цагаагдах хэрэг.генерал шиг генерал шүү
үймээн саммууныг турхирсан бас тухайн цаг үёд ажиллаж байсан дээд командуудын алдааг үүрсэн шүү ёстой цэргийн хүн тулдаа л тэссэн байх бид бол гоншигнох л байсан шүү .тэгээд ялаа эдэлсэн гэтэл цолоо хураанаа .шийтгэл чинь давхцаж болдгийн юмуу
үймээн саммууныг турхирсан бас тухайн цаг үёд ажиллаж байсан дээд командуудын алдааг үүрсэн шүү ёстой цэргийн хүн тулдаа л тэссэн байх бид бол гоншигнох л байсан шүү .тэгээд ялаа эдэлсэн гэтэл цолоо хураанаа .шийтгэл чинь давхцаж болдгийн юмуу
сайн байцгаана уу? Надад бол Амарболдын цолыг #хураасан нь# чухам цаадыг нь, үзүүр ёзоорыг, мөн голыг харалгандсан гоомой, технократ үйлчлэл болчихвуудаа л гэж санагдаад байгаа. 2008.07.01-ний жинхэнэ гэмт хэрэгтнүүд нь тэгээд хэн юмбэ, тэд хаана байна гэдэг өнөөдрийг хүртэл задгай л байж байгаа.
Өгч болсон юм авч бололгүй дээ. Гэмт үйлдэл хийсэн л бол ямар ч цол гуншинг хурааж байх нь зүйтэй
7 САРЫН 1-ний ГЭМТ ХЭРЭГТНҮҮДИЙН ГАЙГ ҮҮРСЭН БОЛОХООС ГЭМТ ХЭРЭГТЭН БИШ
Melee guitsetgie 5 hinii ami arai baij bolohgui.Harin nuguu 2 ni yamar bol.
ХАР ЦАГААН ХОЁРЫГ Ч ЯЛГАХАА БАЙСАН ЮМ БАЙНА ДАА.
Эргэж харах ямарч шаардлага байхгүй. Цэрэг ,цагдаагийн цол албан тушаалын цол байдаг. Дэд хурандаагаас доош байсан бол энэ ярих асуудал биш байдаг л нэг асуудал. Генерал цол гэдэгт л байна. Дэндүү том цол дэндүү том хариуцлага байх ёстой . 5 хүний амьнаас үнэтэй цол гэж байдаг юмуу . Дайсны амь биш бидний үр хүүхдүүдийн минь амь шүүдээ. Хамгаалаад бичээд байгаа нөхдүүд ийм сайхан цаг үед энэ хариуцлагагүй нөхдүүдэд үр хүүхдээ буудуулж алуулчихлаа гэхэд генерал цол ер нь ямар хамаа байна аа. Дэндүү хариуцлагагүй нөхдүүдэд Том цол өгч тушаал дэвшүүлсний Гай ийм байдаг юм гэдгийг УХААРЦГААЯ
Амарболд Эрээнд консул хийж байгаа бол одоо болиулаач. Ямар азарга тавьсан биш. МАНАН нэг л дарга байсан бол насаар нь дарга болгоно. Өчнөөн сайхан боловсролтой ардын хүүхдүүдээс нэгийг нь шилж сонгоод тавихгүй байгаа нь 60 тэрбум тай холбоотой байх л даа. Хууль байсаар байхад үйлчилдэггүй Хөгшин зөнөгүүдийг тэтгэвэрт нь гаргахгүй . Тэгээд тэд нар нь ард түмний татвараас насаараа өндөр цалин авчтэжээлгэдгийг болих хэрэгтэй
Болсон бна
Гэм зэмгүй тавын таван хүн буудаж алчихаад, байлдааны нисэх онгоцны мотор зарчихаад, улсын нөөцийн хөрөнгө завшчихаад ялаа эдлэсэн болоод гарч ирсэн атлаа ширэн нүүрлэсэн муусан авлигач алуурчдын сүр сүлдийг нь үхүүлж генерал цолыг хураасан нь МАШ ЗӨВ ШИЙДВЭР болсон. Нөгөөдөр болох генерал цолынхоо ойгоор гэртээ ичээд бүгсэн чинь дээр, генерал цолоо хураалгасан хурандаа нар аа. Дараагийнх нь цолоо хураалгах хууль бусаар генерал болсон этгээдүүд ичнэ биз дээ.
Амарболд төрд зүтгэж тушаал биелүүлж яваад хэлмэгдэж хохирч байна. Монгол төрд зүтгэлтгүй шүү гэж хойдох урьдахдаа захтиаар болж байна даа. 37 он давтагдах нь үү дээ.
tsoliig huraaj l baidag shdee.general huraalgah neg asuudaltai l bailgui dee.5 irgenii ami geh met....
аааэ
Цэрэгт цолоо хураалгадаг залуу байхад хамт ажилласан байсан офицер сахилга алдаад цолоо хураалгаж л байсан үүнд эмзэглэх ёсгүй шагнасан итгэл даахгүй бол хураах эрх нь бас байдаг юм даа
Ерөнхийлөгч зөв шийдвэр гаргасан байна Цагдаа Тагнуул Шүүхийн шийдвэр гүйцэтгэх байгууллага Онцгой байдлын ерөнхий газар генерал цолоор яадаг юм Улс төрөөр албан тушаалд очисон генералууд Зэвсэгт хүчин Хилийн цэргийн офицеруудад генерал цол хүртээх хэрэгтэй тэгэхдээ сүүлийн үед хавтгайраад Генерал цолны нэр хүн унаж байгаа Заримн бүр албан тушаалд 2 3 сар болоод Генерал цол хүртсэн байгаа юм шүү
Оффшорт данстай цагдаагийн хурандаагийн цоляг хураа. Хулгайч шүү дээ. Өөрөөр их хэмжээний хөрөнгөжих боломжгүй.
Хошууч генерал П.Даш бол тухайн үед ОБЕГ-ын дарга тэргүүн комиссар цолтой байсан./Тухайн үеийн тэргүүн комиссар одооны бараг дэслэгч генералтай тэнцэнэ/ Энгэр дээрх тэмдэгүүдийг нь хархаар төрөөс хөдөлмөрийг нь их л өндөрөөр үнэлэж олон ч төрийн одон медиалаа өгч байж. П.Дашийн Хошууч генерал цолыг нь хураахгүйгээр тэр үеийх нь цолыг авч болоогүй юм байхдаа. Байлдагчаас хошууч генерал цол хүртлээ Хилийн цэрэгт алба хааж явсан хүндээ. Одоо хүртэл энэ хүний хийсэн зүйл нь МУ-ын хилийн халдашгүй дархан байдалд үр ашигаа өгсөөр л байгаа даа уул нь. Дурсах нэрээ өөрөө олсон хүн гэж бодож явдаг юм.
Тийм шvv, аргагvй л цэргийн хvн.
17чингэлэг спиртийг нь тэр үед амарболд барьсан болхоор өшөө авч бга гэлүү алиа юмаа
чиг шугамаа баримталдаггүй төр чинь чамд генерал өгөө биз дээ. тэгээд мөн л тэр төр чинь яг өгсөн шигээ хураалаа юунд нь нэг их шуларга энэ тэр гээд байгаа юм. Нарийдаа тулбал чамаас илүү сайхан гарууд генерал аваагүй учир гомдсондоо менарал болчихоод авигын эзэд болсон бйана шүү Эрүүгийн гэгдэх хэдэн муу юмнуудыэ нйаз гэгдэх. Одоо үед хүн алах чинь зүгээр нэг сүрдүүлэлт биш болсон бйана шүү. Энэ нд нэг их атаман матман ямар ч хамаа алга захын хүн л хүн алж байна шүү дээ.
баттулга аа хурц нөгөө сахалтай буриад хэн билээ нарын цолыг хураа ялгах хэрэггүй шоронд ороо ялаа эдлээд гараад ирсэн байхад давхар ингэж хураах хууль бий юу хурааж болно гэхдээ авилага , хулгай, дээрэм ,төрийн эсрэг гэсэн ноцтой хэрэг үүлдээгүй амарболд гуай шиг яалт ч гүй тушаал биелүүлэхээс өөр араггүй байдалд орж эцэст нь буруудаж шоронд хүртэл орж байсан хүний генерал цолыг хураах нь шударга бус амарбод генерал авилага аваагүй тухайн цаг үед цагдааг удирдаж байсаны хувьд төрийн тушаал биелүүсэн .амарбод генералын хувьд бодож үзэх хүндэтгэн үзэх олон шалтгаан байна шүү баттулга ,зи энхболд нараа !
Ugsun youm ch avch bas bolno ,,,,, betgei Eim balai youm bich !!!! Borgilmaa geech baabarein. Bugs doloogch
buruutai ni togtoogdson boi abah heregtei