
Ихтамир сумын төвөөс ойролцоогоор 8 км зайд орших Мөнгөт гэх газарт хятадууд олборлолт хийж байна гэсэн мэдээллийг нутгийн иргэд өгсөн юм. Газар дээр нь очиход долоо, найман гэр барьж,.хотхон байгуулчихсан, уулын энгэрт хайгуул, олборлолтын аль нь болохыг нь мэдэхгүй төхөөрөмж /өрөм/ ажиллаж байлаа.
Долоодугаар сараас хойш энэ үйл ажиллагаа эхэлсэн гэдгийг тэр хавийн малчид хэлж байв. Хятадууд газар ухаад гэсэн дуулиан дэгдэж, нутгийн хэсэг бүлэг залуус тэнд ажиллагсдыг хөөж туусан зэрэг мэдээлэл таржээ. Яг уурхайн орчин бүрдүүлээгүй, ямар ч хашаа хамгаалалтгүй хэдэн гэрээс хятадууд орж гарах нь харагдана.
Нутгийн залуус үймүүлээд, малчид асуудал үүсгээд байхаар нь тэднийг юмхнаар /архи өгөх, усыг нь машинаар зөөж өгөх гэх мэт/ аргалчихдаг гэнэ. Нэг иймэрхүү үл мэдэгдэх үйл ажиллагаа ямар ч мэдээлэлгүй өнөөдрийг хүрлээ.
Сумын Засаг дарга Д.Хүрэлшагайгаас нь тодруулахаар: Би мэдэхгүй, дээрээсээ зөвшөөрөлтэй байх гэхээс өөр тоймтой мэдээлэл өгсөнгүй. Аймгийн Мэргэжлийн хяналтын газраас 7-р сарын 21-нээс эхлэн тодорхой мэдээлэл авахаар удаа дараа хандсан ч хариуцсан байцаагч /Геологи, уул уурхай, байгаль орчны техникийн хяналтын улсын байцаагч Ч.Оюунсайхан/ нь шалгалт хийсэн тухайгаа дээш нь явуулсан, хариу ирэхээр мэдээлэл өгнө гэсэн юм.
Хамгийн сүүлд 9-р сарын 2-ны өдөр дахин мэдээлэл авахаар очиход: Ард иргэдээс гомдол ирээд байгаа. Тухайн газраас дахин дээж авсан. Түүнийг дарга аваад хот руу явах гэж байгаа. Одоохондоо мэдээлэл өгөх боломжгүй, эцэслэн шийд гарсны дараа мэдээлэл өгнө гэв.
Иймэрхүү хариултаар хоёр cap аргацааж, үнэхээр хятадуудын мэдлийнх үү, ямар нэртэй хаанахын компани гэдэг талаар ч мэдээлэл өгөхгүй байгаа юм. Уул уурхайгүй гэж зарлаад байгаа аймгийн нутаг дэвсгэр дээр ийм үйл ажиллагаа явагдаад эхэлсэн байхад аймгаас ямар нэг мэдээллийг иргэдэд өгөхгүй, улмаар мэдээгүй царайлж нам жим байгаад нутгийн иргэд гайхширч байгаагаа ч хэлж байгаа юм.
Цаашилбал иргэдийн дунд цуу яриа дэгдэж, аймаг сумын удирдлагууд зөвшөөрөл өгсөн юм гэнэ лээ, хятадуудад газраа худалдаж байна, алтны орд, мөнгөний орд гэхчлэн тодорхойгүй ойлголт ч үүсээд байгаа юм билээ. Эргэлзээ, цуу яриа дагуулсан энэ үйл ажиллагааны талаар аймгийн ямар албан тушаалтан мэдээлэл өгөх вэ?
Эх сурвалж: "Архангайн амьдрал" сонин
Сэтгэгдэл(6)
ТЭНЭГ ЮМ
Hudaldagdchihaj.
Oo za za. Bur iimdee tuldag baijee. Mongol ulsiig saihan ch deerelheh yum, mongol baychuud chadahgui yum ch gej ugui bolj, ard tumen temtselgui doroi baina daa.
Indianchuudiin gazar nutag boloh ametik tiviig yag ene hyatafuud shig chimh chimh yamh yamhaar avsaar baigaad odoogiin Amierik ulsiig bii bologson baidag unuudur ingej hyataduud baga bagaar ezelj bna.100-jiliin daraa tal ni jyatadiin medeld ochson bna.200-jiliin daraa buren hyatadiin medeld orj uusna.Tiimees bariin zulzagiig baga deer ni bazaj huuj gargaj 100-jiliin daraa 200-jiliin daraah ur hoichdoo uvuluultsgeeie.Bostsogoo Mongolchuudaa darga,tsagdaa,hamgaalaltiin alba bol bugd hyataduudad hudaldagdasan urvagchid bolson.Tiimees nutagiin ard irged l nutagaa hamgaalj ezen ni boloh gantshan unen bii.Herev Mongolchuud hyatadad ochood durtai gazriig ni uhaj tunhuud baival Mongolchuud yamar yaland unah ve tsaazluulah ali esvel buh nasaaraa shorond suuna tiimees yag tiim yaliig ni hyataduudad uguh eostoi.
Uuriinhuu gazar nutag uurhaig hyataduudaas asuudag yamar hachin Mongoliin tur zasag ve.Tiim yum bol aimagiin zasag darga sumiin zasag darga,Mongol ulsiin erunhiilugch,erunhii said,ih huraliin darga,76-gishuun gej baihiin hereg yuu baigaa yum ve.Ogtsortsogoo.
Одоо байгаа дарга нар юу хийж суудаг улс вэ. Чадахгүй бол ажлаа өгөөч ээ.Нутаг оронд гавьяа байгуулахгүй юмаа гэхэд битгий гай болоод байл даа.Зүгээр л яваад өг нутгийн иргэд бид эзэн нь баймаар байна