sonin.mn
Сэтгэгдэл (0)
Иргэний нисэхийн Ерөн­хий газрын дарга асан С.Бат­мөнхийг албан ту­шаа­­лын хэргээр АТГ-аас шал­­гаж, Цагдан хорих 461 дү­гээр ангид саатуулаад байгаа. Өмнө нь түүнийг АТГ-аас тендерийн асуудлаар нэ­лээд хэдэн удаа шал­гасан боловч хэрэг үүсгэх үндэслэлгүй гэж үзсэн.
 
Ха­рин одоо түүний их хэм­­­­жээний мөнгө угаасан үйлд­­лүүд эхнээсээ илэрч бай­гаа тул хэд хэ­дэн хүнийг сэжигтнээр та­тан шалгаж эхэлжээ. Шал­гах болсон үндэслэл нь нөгөө л тендер сонгон шалга­руу­лалтыг хууль бусаар явуулсан гэх хэрэг. 
 
Мөн саяхнаас түүн­тэй хол­боо­той бас нэгэн хэрэг гарч ирсэн нь төрийн өм­чит компанийн мөнгөөр ба­раа материал худалдан авч түүгээрээ монгол гэр хий­­­чихээд гаднаас ав­сан мэ­­­тээр жүжиглэн улсад өн­дөр үнээр шахаж их хэм­жээ­ний хохирол учруул­сан хэрэг ажээ. 
 
Тодруулбал тэрбээр 2011 онд ёслол хүндэт­гэ­лийн зургаан ханатай мон­­гол гэ­рийг төсвийн мөн­гөөр за­хиа­лан хийлгэж бай­­­жээ. Ингэх­дээ тэрбээр монгол гэр ху­далдан авах тен­­дерийн хо­рооны дарга болж “Анар тек” ХХК гэх компанийн нэрээр хуурамч бичиг баримт бүрдүүлэн ИНЕГ-т 30 гаруй сая төг­рө­гөөр шахаж байж.
 
Ойлгоход ч бэрх нэг зүйл нь уг гэрээг хийсэн хүн нь ИНЕГ-т ажилладаг байсан Төгсбаяр гэдэг за­луу боловч бүх гэрээ хэл­­цэл дээр өөр компанийн захирал болон, санхүүгийн ажилтан нар гарын үсэг зурж дээрх мөнгийг авч байжээ.
 
Өөрөөр хэлбэл ба­раа материал худалдан авах мөнгө болон монгол гэ­рийг өөрсдөө хийсэн мөрт­­­лөө яагаад тендер нэ­рээр халхавч хийн “Анар тек” компанид 30 гаруй сая төгрөг шилжүүлэв гэ­дэг нь асуулт болж үлдээд байна.
 
Мөн дээрх мөнгийг гурван сарын хугацаатайгаар тус компанийн данс руу арав, арваар нь шилжүүлж байсан гэнэ. Уг нь тухайн үед энэ булхай луйврыг тус газрын санхүүгийнхэн мэдчихээд хэл ам гаргаж байсан боловч С.Батмөнх дарга “Тийм зүйл байхгүй” хэмээн өөрийн тойрон хүрээлэгчдээ илт өмөөрч байжээ. 
 
Түүнчлэн С.Батмөнхийн нөмөр нөөл­гөнд тарвалзаж бай­сан нэгэн эрхэм бол тус газарт ажилладаг байсан Хүний нөөцийн дарга асан Т.Батжаргал юм. Тэрбээр дээрх монгол гэрийн 30 сая төгрөгийг “Анар тек” компани руу шилжүүлэхэд нэгдүгээр гарын үсгээ зурж байжээ. Мэдээж тэдний хий­­сэн хэрэг хуулийнхны хараанд өртөж эхлэнгүүт Т.Батжаргалтай холбоотой асуудлууд сөхөгдөж эхэлсэн байна. 
 
Тухайлбал Т.Батжаргал өөрийн хүүгээ гадаадад тэтгэлэгээр сургахын тулд даргын зөвлөлийн хурлаар хууль бус шийдвэр гаргуулж албан тушаалаа ашиглаж байсан байна. 
 
Түүнчлэн ИНЕГ-аас 2011-2012 онд таван мэргэжлээр гадаадын өндөр хөгжилтэй оронд их дээд сургуульд элсүүлэх зар Монгол Улсын өнцөг булан бүрт түгээж байжээ. Уг мэдээллийн дагуу олон хүн бүртгүүлж, шалгаруултад нь тэнцэн тус газартай гэрээ хийн өөрсдийн сонгосон улс руугаа явж эхэлжээ.
 
Ингэхдээ суралцахаар явсан хүүхдүүдтэй гэрээ хийсэн тус газар тэдний бүхий л зардлыг нь даана гэж гэрээндээ тусгасан байснаа гэнэт энэ оны хоёрдугаар сараас эхлэн суралцагчдын сургалтын төлбөр, байрны мөнгө гэх зэрэг бүх л төлбөр нь бүр мөсөн зогссон аж. 
 
Ингээд ИНЕГ-ын ши­нэхэн удирдлагууд дээрх асуудлыг шийдэхээр яа­рал­тай арга хэмжээ авч холбог­дох газруудтай нь уулзаж, оюутнуудтай хий­сэн гэрээг дахин хянаж тэдний асуудлыг шийдэхээр болжээ.
 
Харин зарим нэг хүмүүс С.Батмөнхийг зуучлагч ком­панитай хуурамч гэрээ хийн улсын хөрөнгийг үрсэн байж болзошгүй гэж үзэж байгаа ажээ. Энэ бүх хуучин удирдлагуудын ууж идсэн хэргээс болж ИНЕГ-ын шинэхэн удирдлагууд “одоо энэ цаг мөчөөс эхлэн манай байгууллагад дарга нар нь мөнгө төгрөг идэж уусан гэх хэрэг дахин гарагхгүй гэдгийг хариуцлагатайгаар мэдэгдэж байна” хэмээн мэдэгдэх болсон юм.
 
Тэгэхээр тус газарт албан тушаалын хэрэг дахин гарахгүй бололтой.Харин С.Батмөнхийн хэрэгт “Ананд энд Батзаяа” ХХК-ийн захирал Д. Батзаяа гэгч хү­нийг сэжигтнээр татан шалгаж эхэлжээ.  Ямартай ч энэ удаа С.Батмөнх нэлээд олон хэр­гээр АТГ-ын босгоор алхаж орлоо. Хэрэг хэрхэхийг цаа­шид сурвалжлан хүргэх болно.
 
Р.Саруул
 
Эх сурвалж: