УИХ-ын Хилийн боомтуудаар ачаа тээвэр, нүүрс нэвтрүүлэх болон чөлөөт бүсийн үйл ажиллагаанд учирч байгаа хүндрэл бэрхшээлийг шалган тогтоох үүрэг бүхий Түр хороог “...Нүүрсний” хэмээн товчилдог. Нүүрсний түр хороо хамгийн сүүлд 2023 оны дөрөвдүгээр сарын 3-ны өглөө хаалттай хуралджээ. Хуралдаанд Түр хорооны 13 гишүүнээс ес нь оролцсон байна.
Тэд нүүрсний нээлттэй сонсголыг хойшлуулах шийдвэрийг гаргажээ. Хаалттай хуралдааны дараа Нүүрсний түр хорооны дарга Г.Ганболд “...Хуралдаанд АТГ-ын төлөөлөл оролцож “...УИХ-ын Хяналт шалгалтын тухай хуулийн 33.9 дэх заалтын дагуу түр хорооны үйл ажиллагаа нь шүүх болон эрх бүхий бусад байгууллагын хэрэг, маргаан хянан шийдвэрлэх ажиллагаанд саад учруулах, хөндлөнгөөс оролцохыг хориглоно гэсэн заалтыг зөрчиж байна.
Нээлттэй сонсгол зохион байгуулснаар мөрдөн байцаах ажиллагааны нууц задруулах магадлалтай, шүүх хурлаас өмнө зарим хүнийг гэм буруутайд тооцох зэрэг эрсдэлтэй. Тиймээс хуульд заасан үндэслэлээр түр хорооны сонсголыг хойшлуулах хүсэлтэй байна” гэдгийг илэрхийлсэн. Иймд Түр хорооны гишүүд санал нэгтэйгээр нээлттэй сонсголыг хойшлууллаа. Нүүрсний гэх хэрэг бол Хөгжлийн банкны асуудлаас ялгаатай” гэж мэдээлэв. Түр хороо 2022 оны зургадугаар сарын 30, аравдугаар сарын 25, арваннэгдүгээр сарын 9, арванхоёрдугаар сарын 13, арванхоёрдугаар сарын 30, 2023 оны гуравдугаар сарын 20, дөрөвдүгээр сарын 3-ны өдрүүдэд нийтдээ долоон удаа хуралджээ. Дээрх хуралдаануудаар нүүрсний хулгай тойрсон маш ноцтой асуудлуудыг гаргаж ирж хэлэлцсэн байдаг. Ер нь бол Нүүрсний түр хороо нээлттэй сонсгол хийх бэлтгэлээ базаачихсан байсан. 2023 оны гуравдугаар сарын 20-нд хуралдаад нээлттэй сонсголыг дөрөвдүгээр сарын 10-12-нд хийхээр товлосон. Тус Түр хорооноос томилогдсон хянан шалгагч, шинжээч нар бүрдүүлсэн материал, нотлох баримт, Хятад улсын нүүрсний импортын болон олон улсын нээлттэй цахим хуудаст байршуулсан мэдээллийг харьцуулан шинэчилж, хууль бусаар алдагдсан нүүрсний хэмжээ, үнийг тогтоосон бүрэн бодитой хараат бус дүгнэлт гарчихаад байсан. Шинжээч, хянан шалгагч нар нь ч ийм дүгнэлт гаргачих хэмжээний хүмүүс томилогдоод байв.
Гэтэл АТГ энэ нээлттэй сонсгол хэдэн сарын турш яригдахад дуугараагүй. Бүтэн гурван долоо хоногийн өмнө тов гарахад ч ямар нэг байр суурь илэрхийлээгүй байж гэнэт ийм “хориг” тавьсан нь эргэлзээ, хардлага дагуулж байгаа юм.
Нүүрс тойрсон хулгай, хууль бус үйл ажиллагаа олон жилийн турш үргэлжилсэн гэдэг нь нийтэд нэгэнт ил болчихсон. Хууль хяналтынхны тухайд нээлттэй сонсгол гэдэг бол мөрдөн байцаах ажиллагаанд саад учруулна гэхээсээ дэм болох магадлал өндөр гэдэг. Ийм кэйсүүд бий. ЖДҮ-ийн хэрэг дээр л гэхэд Ерөнхий прокурор, АТГ-ын дарга хоёр чуулганд орж сууж байгаад гишүүдийн үйлдлийг маш тодорхой тайлбарлаж байсан түүхтэй. Тэгсэн ч УИХ тэдгээр гишүүдээ чөлөөлөөгүй болохоос биш олон нийт “тос, ус”-ыг нь ялгаад л хоцорч байв. Саяхан болсон Хөгжлийн банкны нээлттэй сонсгол ч тов тодорхой үр дүнтэй өндөрлөсөн. Хэдийгээр бодит байдал ийм боловч нүүрсний нээлттэй сонсголыг хойшлуулах саналыг АТГ гаргасан болоод үлдлээ.
Гэхдээ “...АТГ болгоомжилж, бид түүгээр нь шийдлээ” гэж Нүүрсний түр хорооны дарга Г.Ганболд мэдэгдлээ. Хуралдаан хаалттай явагдсан болохоор хэн, юу гэж хэлээд Түр хороо тэгж шийдсэнийг оноож мэдэхгүй юм.
Харин ганц л зүйл маш ойлгомжтой байна. Эх сурвалжуудын мэдээллээр, нүүрсний асуудалтай холбоотойгоор Түр хорооны шинжээчдийн гаргасан дүгнэлттэй холбоотой аж. Тодруулбал, оффтейк гэрээний дүгнэлт, “Эрдэнэс Тавантолгой” компанийн тендерүүдийн талаар маш ноцтой дүгнэлт гарчээ. Чухамдаа тэр л Түр хороогоор тийм шийд гаргуулж, Г.Ганболдоор дээрх мэдэгдлийг хийлгэсэн болж таараад байна. Тиймээс “...“Нүүрсний” Г.Ганболдын ард ямар хүчин байна вэ” гэдэг асуулт улс төр, хууль хяналтынхны дунд яригдаад эхэллээ.
Б.ДАМДИН-ОЧИР
Эх сурвалж: “Зууны мэдээ” сонин
Сэтгэгдэл0
МӨНХЭРДЭНИЙН ОРОНД ХОРЬ ХУЛГАЙЧДЫГ
Хөгжлийн банкны сонсгол зүгээр л явагдсан. Мөрдөн байцаах ажиллагаанд саад учруулаад байсан юмгүй. Хийх хүн аргаа олно, хийхгүй хүн шалтаг хайна.
Мөнхэлдэнэ гэгч хэню ямиар авъяа байгуулчихсан юм бэ? Адилхан л хулгай хийгээд, хахуулв аваад шийтгүлсэн байгч билээ. Тв9-ийн Бэлгээ гэгч хэрэг хийгээгүй хүнийг шийтгэлээ гэж хашгираад, АН-ын нэртэй зарим этгээд бас тиймэрхүү юм бураад, шүүхийнхний ажлыг хийлгээч, хөндлөнгөөс бүү өмхий хушуу дүрээч.
Мэдээж - төрийн гурван өндөр ...
Ард нь Ухнын Хүрэлсүх байгаа..
Эрдэнэтийн зэс молибдений хулгай гэсэн МАН-ынхны маш том луйвар хулгай хэзээ шалгагдах бол гэж ээлжээ хүлээгээд байж байна.МАН зориуд удааж цаг хожиж байна.
Эрдэнэтйн уурхай болох кок д маш их хулгай явагддаг одоо ч байсаар бна үе үеийн улс төрчитийн шахаа эрхтэн дархатний идэж уудаг Газар шүү дээ новш гэж
МАН Эрдэнэтийг шалгахгүй байгаа шалтгаан бол өөрийн хулгайч нартаа тусгай цаг гаргаж өгч хулгай дээрэм хийсэн зам мөрөө баллаж үгүй хийх зааварчилгааг цаг хугацааг намынхаа хурлаар өгсөн гэсэн..
ЭРДЭНЭТЭЭС 500 ИХ НАЯД ТӨГРӨГИЙГ МАН-ЫНХАН ХУЛГАЙЛСАН ГЭСЭН ТООЦОО БАЙДАГ ЮМ.
Хуурамч дипломтой, Өмнөговьд нүүрсний машин явуулдаг, Арвайхээрт уурын зуухны бизнестэй. БАЗАА, ХАДАМ ЭГЧТЭЙГЭЭ өмнөд Солонгос дахь Монголын ЭСЯнд шахсан хүн. Эхнэрийнхээ дүүг ч ТТТөмөр замд оруулсан.
Нүүрсний ганболдын ард Дамдин очироос өөр хүн байхгүй байхаа...
У.Хүрэлсүхийн судсан дээр Б.Баясгалан,Б.Ба,сгалангийн судсан дээр Женко Баттулга байгаа тул Г.Гснболдын ард У.Хүрэлсүх байгаа
Сү.Батболдоос авхуулаад одооны ерөнхийлөгч за тэгээд зартай эх орноо худалдагч сангийн хөрөнгө хулгайлагч гээд маш олон нөхөд байгаа л даа явж явж Ж.Мөнхбат золиосонд гарч хүний нутагт чад гэх буй заа тийм үү хөө
Нэгэн хийдийн нэртэй хүн байдаг даа, тэр ч холбогдолтой байх шүү
hulgaichiin ard hulgaich l bdag shd
ЭД МӨНX-ЭРДЭНИЙГ ШИЙТГЭЖ БОЛЧИМГҮЙ XӨДЛӨӨД ӨӨРСДИЙНXӨӨ АВСНЫ АМЫГ НЭЭЧИXЛЭЭДЭЭ, XУВЬСГАЛ ЖИЖИГ ЗҮЙЛЭЭС ЭXЭЛДЭГ.
МӨНX-ЭРДЭНЭ БОЛ XИЙСЭН БАЛРАШГҮЙ ЛАЙВУУДААРАА АРД ТҮМНИЙ БҮРЭН ИТГЭЛИЙГ Б АВСАН ЗОРИГТ ТЭМЦЭГЧ !