Завхан аймгийн Тосонцэнгэл сумын харьяат бөх "Цэргийн" хэмээх Санжмятавын Шагж. Монгол бөхийн зүлэг ногоон дэвжээг ахар богино хугацаанд эзэгнэн барилдаж явсан эгэлгүй их хүчтэн... Түүнийг монгол бөхийн түүхнээ: 1927 онд 8 даван их шөвөгт, 1928, 1929 онд 9 даван үзүүрлэсэн, харин 1930 онд 10 даван түрүүлсэн хэмээдэг.
Хоёр жил дараалан үзүүрлээд байхад арслан цол олгоогүй, түрүүлэхэд нь сая арслан цол олгосон гэх нь ч бий. Бөх судлаач Б.Цогт-баатар "Буур Н.Жамъян аварга завсаргүй 3 жил түрүүлээгүй" хэмээх өгүүлэлдээ; С.Шагж 1927, 1929 онд үзүүрлэж, 1928 онд их шөвөгт үлдсэн /энэ бөх 1930 онд арслан цолтой барилдаж түрүүлсэн болохоор арслан уу, аварга уу гэдэг эргэлзээтэй/ хэмээжээ.
Үүнийг тодруулахул; 1927он; Энэ наадамд улсын заан Мээтэн Аюур 10 давж түрүүлэн арслан, мөн Цэргийн Шагж 9 давж үзүүрлэн арслан цол хүртсэн байна. Үүнийг нотлох баримт нь 1928 оны улсын наадмын 3,4,5-ын давааны дүйзээс үзэхэд харагдана.
Тухайлбал: "Бага хурлын дарга таны Шагж арслан, Бүх цэргийн зөвлөлийн тэргүүлэгчдийн Аюур арслан" гэж наадмын бөхийн оноо дансанд бичигдэн ам авч барилдсан байна. /Ардын цэрэг сонин. 1928 оны 8-р сарын 24. №20/ Ингэхээр 1927 онд улсын арслан цолонд хүрсэн байна.
1928 он; Энэ жилийн Улсын ба Цэргийн их наадмыг 7-р сарын 30-аас эхлэн 6 өдөр үйлдэж тараасан... Есийг давж түрүүлсэн бөх Цэцэрлэгмандал аймгийн Чандмань-Өлзийтийн хошууны бөх буур Жамьян. Жич; Наймыг давсан бөх Аюур, долоог давсан бөх Шагж, Банзар нар болой. /Үнэн сонин. 1928 оны 8-р сарын 13. №32/
1929 он: Бөх зургаан зуугаас түрүүлсэн бөх Цэргийн 2-р хорооны Банзар заан /Үнэн сонин. 1929 оны 8-р сар. №41/. Банзар арслан: 1929 оны улсын наадамд Архангай аймгийн Ихтамир сумын Лундаажанцан арсланг есийн даваанд, Завханы Шагжийг арвын даваанд хаяад түрүүлж байхад Вандан аварга дөрөвт үлдээд нутгаас сайн бөх төрлөө гээд улаан торгон шуудгаа баярласандаа надад өгсөн юм. /Спортын мэдээ. 1977 он. №51/
1930 он: Сүүлийн 4 бөх нь: Цэргийн Банзар арслан, мөн Шагж арслан, мөн Дэндэв, Богд ханы Чимэд нар үлдсэн бөгөөд Шагж Чимэдийг, Банзар Дэндэвийг унагаад хоёулаа үлдсэнд Шагж түрүүлж, Банзар үзүүрт оржээ. /Залуучуудын үнэн. 1930 оны 9-р сарын 6. №15/
Ингэхээр 1930 онд 864 бөхөөс 10 даван түрүүлж Аварга цолонд хүрсэн байна. Ер нь арслан цолтой бөх түрүүлэх аваас Аварга цолонд хүрдэг Монгол бөхийн ёсон /дүрэм/ буй.
Жишээлэн өгүүлэхүл: Ардын засгийн анхны наадамд буюу 1925 онд Босоо Самдан арслан цолтой барилдан 10 давж улсад анх удаа түрүүлэн аварга болсон бол энэ наадмаар 9 давж үзүүрлэн арслан цол хүртсэн Буур Жамьян хойтон жил нь буюу 1926 онд 10 давж улсад анх удаагаан түрүүлэн аварга болж байжээ.
Түүнчлэн Б.Түвдэндорж арслан цолтойгоор 1941 онд 9 давж түрүүлэн аварга, Ц.Чимэд-Очир арслан цолтойгоор 1946 онд 9 давж үзүүрлэн аварга, Ж.Цэвээнравдан арслан цолтойгоор 1951 онд 10 давж улсад анх удаагаа түрүүлэн аварга, Д.Сумъяабазар гарьд цолгойгоор 2006 онд 10 давж улсад анх удаагаа түрүүлэн арслан, аварга цолонд хүрсэн...
(Тод: "Үндэсний их баяр наадмын тухай" хуульд: ес даван түрүүлсэн бөхөд улсын арслан /7.1.5/, улсын арслан цолтон түрүүлсэн бол улсын аварга /7.1.6/, улсын баяр наадамд 1024 бөх барилдсан тохиолдолд улсын арслангаас бага цолтой бөх 9 давсан бол үзүүр түрүүний барилдааны өмнө түүнд улсын арслан цол олгож, улмаар 10 давж түрүүлбэл улсын аварга цол олгоно /7.2/) Шагж бээр 1931 оны улсын наадамд барилдсан бол улсын Аварга цолтой барилдах байсан нь дээрхи баримтаас тодорхой харагдаж байна. Харин Шагж бээр 1930 оноос хойш улсын наадамд барилдаагүй байна (барилдсан гэх мэдээ алга).
Улсын наадамд дөрөвхөн удаа барилдахдаа ийнхүү гайхамшиг гэмээр амжилтыг үзүүлсэн эгэлгүй их хүчтэн бөлгөө. Энэ цагт их бөх "Цэргийн" хэмээх Санжмятавын Шагжийн Аварга цолыг нөхөн олгох бус, угаас авсан Аварга цолыг тодотгон сэргээж, хойшид Монгол бөхийн түүхнээ "Шагж Аварга" хэмээн албан ёсоор нэрлэн явах нь зүйд нийцэх болой.
Г.Мягмарсүрэн /Бөхийг шимтэн үзэгч буюу сонирхон судлагч /
Эх сурвалж: "Завхан" сонин
Сэтгэгдэл(15)
Одоо байсан бол бүр том цолтой байх байж дээ. 10 давсан гээд л нэг наадмын түрүү нэмж завшдаг явдал байгаад байх юм. А.Сүхбат 3 түрүүлсэн мөртлөө 4 түрүүлсэн хүн шиг цолтой байгаа нь ариун явдал яавч биш шүү
avarga geheer avarga bolno gej bodoo yu . saihan gar uu ugui yu
ККК гэдэг сонин нэртэй нөхөр юу ч ойлгойгүй тэгээд бас шал тэнэг юм бичжээ....
ккк зөвш дээ аварга гэж хэлчихээр л аварга болчихдог юм уу эсэргүү Шагж аварга болоод байхдаа яадаг юм.Шал тэнэг амьтан байсан юм байналээш дээ.Торгон зангиа зүүлгээд явуулчихсан чинь бууны сум даахгүй гэж итгээд пулемётийн өөдөөс гүйж яваад алуулсан тэр Шагж мөн биз дээ кх кх кх
Амжилт нь аварга байтугай л хүн байна шд. Чи бол буу байтугай борооноор ч гүйж чадку нус байгаа даа
харин ч өөрийг нь үхдэггүй юм гэнэ лээ буудвал үхэх нь үү үгүй юу үзье гээд буудаж байсан гэдэг
чи муу болиоч эсэргүүгийг нь яаж мэдэж байгаа юм. Энэ хүн аварга л хүн байна цолыг нь сэргээх хэрэгтэй. Харин чи тэр үед байсан бол До яамны бууны нохой байх хүн байна даа
энэ кк гээд муу нусан таглаа, арчаагүй гоожуур юу гээд хуцаад байгаан бэ муу ац чинь. чам шиг бөөсийг бодвол аварга бөх байсан юм шүү. амаа татвал дээр шүү муу гөлөг минь ...
Ww
End zugeer 1 huuch yaria sonssonoo huvaaltsaya. Do yamnii nohduud Zavkhand ochood hun amitaniig eserguu ene ter gej ailgaj icheehed Shagj arslan ih aatai, ertei hun tul tedniig orooson garaaraa shuurch hol chuluudaad shilen ford mashiniig ni orgood humurch hayaj bsn gdg. Tgd morit tseregt hoogdoj yavaad ersedsen yum gene bilee, hoorhii mine. Yag unendee Do yamnii gsn nohduud arai heterhii "Huvisgalichid" bsn yum shig bgaan shu. Shagj arslan bol tsag uyeiin shuurgand helmegdtsen l hun gej boddog. Bukhiin huvid bol gargasan amjiltaas ni usekhed yah argagui Avargiin entei khuchten bjee.
Ийм учраас цолыг нь дарж байсан юм байна л даа
Medmeer l yum bna!
cotsilizmiig esergyytsej jagsaada luulsan ardchilsan yzeltei hun baijee. hyyrhii 1990ond nyrj unasan cotsilzmaa tengeriin ornoos haraa biz ee
Vhsen hvnd nehej olgodog aldar magtaal hereggvi Vnen l heregtei
Тэр уеийн хэлмэгдэл шуу дээ. Бурхан шажиндаа моргож явсан улс, амиа бодоогуй узэл бодолдоо зов явсан улсыг ардчилал гарсан оноо уед дахин хэлмэгдуулэх нь утгагуй. Ер нь Завханыхан хун муутай цагаан ямаанаас оор юм боддоггуй нь хоер еронхийлогч гарчихаад Адарсурэнд гавьяат огоогуйг бодохоор До яамны зов байж гжж бодогддог