Даваа - 12 сарын 15,
2025
Спортын төв ордон хөл хөдөлгөөнд оржээ. Зуны гурван сарын турш тоотой тэмцээн уралдаан зохион байгуулахын сацуу, тамирчдын амралт хуучин ордныг эзгүй болгож орхисон. Тэгвэл Монголын үндэсний сагсан бөмбөгийн холбооны лигийн шинэ улирал эхлэхтэй зэрэгцэн Ерөнхийлөгчийн нэрэмжит анхны тэмцээн үзэгчдийг ордны зүг хөвөргөж байна.
Манай улсад жил бүр зохиогддог үндэсний лиг энэ онд өргөжин тэлнэ. Учир нь “Ерөнхийлөгчийн цом” тэмцээний дараа “Спрайт Д” лигийн тоглолтууд есдүгээр сарын дундуур болох юм.
Энэ удаагийн “Ерөнхийлөгчийн цом”-ын тэмцээнд Архангай, Дархан-Уул аймаг болон нийслэлийн Багануур, Налайх дүүргийн баг тамирчдаас гадна, “Спрайт” супер лигийн “Хасу мегастарс”, ИНЕГ, Голомт банк, Худалдаа хөгжлийн банк, “Тэц-4”, “ЦДҮС”, “Сак Гуард”,” Бүлээн даваа”, “Панасоник”, “TLG 13”, “Эхлэл”, “Legаcy” гэсэн 16 баг дөрвөн хэсэгт хуваагдан өрсөлдөж байна.
Тэмцээн энэ сарын 19-24 ны хооронд Спортын төв ордонд болно. Баг тус бүр “Үндэснийн супер лиг”-ийн хоёр тамирчинтай байх дүрмийн дагуу Г.Ихбаяр, О.Ууганбаяр, С.Өрнүүнбилэг, Г.Баттөр, Б.Пүрэвцэрэн, Т.Отгонмөнх, Б.Болортулга, А.Гансүх нарын шилдэг тамирчид энэ удаагийн “Ерөнхийлөгчийн цом”-д шинэ улирлын нээлтийн бэлтгэлээ бүрэн хангахаар зорьж байна.
Түүнчлэн Спортын төв ордонд Насанд хүрэгчдийн эмэгтэйчүүдийн улсын аварга шалгаруулах тэмцээн нэгэн зэрэг эхэлсэн бөгөөд тэмцээнд нийт долоон багийн тамирчид оролцож байна.
Монголын үндэсний сагсан бөмбөгийн холбооны ээлжит тэмцээн энэ сарын 28, 29, 30-нд “Дүнжингарав 3 эсрэг 3” тэмцээнээр үргэлжлэх юм байна. Үүний дараа буюу ирэх сарын дундуур “Спрайт Д” лигийн нээлтийн тоглолтоор үндэсний лиг албан ёсоор хөшгөө нээх ажээ.
Эх сурвалж:
(6)(1)(2).JPG)
Сэтгэгдэл0
Erdene bolon ukun bolimoor yum. Ichihgui aimaar luivarchid Yumaa. Alban tushaal gedeg uneheer muuhai yum
Sagsan bumbugiin sport ulam hurdatstai hugjij bgaad ih bayartai bna.Odoo baguud klubiin sistemd shiljeed tamirchdiig bagaas ni nas nasniih ni angillaar beltgeed irvel dooroo baaz saitai tul jinhene shalgarsan ni deed ligtee toglood ireheer byyr goyo togloltuud garna daa.End division 2 iin temteen ynen goyo boldog ni toglogchid ni deeshee orohiin tuld uuriiguu yzyylehiig hicheene,deer togloj bgaa ni zaigaa aldahgyin tuld bas hicheene!Sagsan bumbugiin sportiig hugjyyleheer zytgej bgaa byh hynd amjilt hysii.