Улаанбаатар /МОНЦАМЭ/. Узбекистаны нийслэл Ташкент хотноо болсон самбо бөхийн ДАШТ-нээс Монголын баг тамирчид 1 мөнгө, 3 хүрэл медаль хүртсэн байна.
Энэ удаагийн ДАШТ самбо бөхийн спорт Олон улсын олимпын хороо /ОУОХ/-ноос олимпын хөтөлбөрт орж, хүлээн зөвшөөрөгдсөний дараах анхны тэмцээн гэдгээрээ онцлог байв. 46 дахь удаагийн ДАШТ-д нийт 50 орны тамирчид 21 багц медалийн төлөө өрсөлдөж, багийн дүнгээр ОХУ-ын шигшээ баг тэргүүллээ.
Монголын багаас эмэгтэйчүүдийн 54 кг-д Н.Баярмаа мөнгөн медаль хүртсэн бол эмэгтэйчүүдийн 59 кг-д Б.Алтангэрэл ,72 кг-д Ц.Батцэцэг, эрэгтэйчүүдийн +98 кг-д Н.Батсуурь нар тус тус хүрэл медалийн эзэд болсон юм.
Самбо бөхийн ДАШТ 1973 оноос эхлэн жил бүр зохион байгуулж байна. Ирэх жилийн тэмцээн Туркменистаны Ашхабадад болно.
Д.Өлзийсайхан
Эх сурвалж: Монцамэ агентлаг
Сэтгэгдэл0
Зиаа. Одоо энэ хогийн хөгийн бөх гэх балай юмнуудын тухай ярилцахаа болимоор бн аа! Дандаа баасан шээсэн идсэн уусны тухай яриад байхаар онцгүй биз дээ?!
Олон олимпийн аварга төрөх болтгай.