Лхагва - 07 сарын 02,
2025
ПЁНЬЯН. /Yonhap/. БНАСАУ-ын удирдагч Ким Жөн Ун эрх баригч Хөдөлмөрийн намын Цэргийн төв зөвлөлийн хурлыг даргалан явуулсан талаар тус улсын төрийн мэдлийн хэвлэл өнөөдөр мэдээлжээ.
Мягмар гарагт болсон өргөтгөсөн хуралдааны үеэр Ким Жөн Ун энэ оны эхний хагасын батлан хамгаалахын ерөнхий ажлыг дүгнэх хэлэлцүүлгийг санаачилсан гэж Солонгосын төв цахилгаан мэдээний агентлаг /KCNA/ мэдээлсэн байна.
Хуралдаанаар мөн “Үндэсний батлан хамгаалах чадавхыг бэхжүүлэх нэн чухал бөгөөд тулгамдсан асуудлуудыг баталгаажуулах, цэргийн чиг шугам, батлан хамгаалахын үндсэн бодлогуудыг тууштай хэрэгжүүлэх талаар хэлэлцжээ. "Хөдөлмөрийн намын Цэргийн төв зөвлөл танилцуулсан сэдвүүдийн талаар хэлэлцэж эхэлсэн” гэж “KCNA” агентлаг мэдээлсэн нь хурал хэдэн өдрийн турш үргэлжлэх төлөвтэй байгааг харуулсан байна.
Э.Хулан
Эх сурвалж: "Монцамэ" агентлаг
Сэтгэгдэл0
Өөрийн бодлого хүчээр хөгжиж байгаа жинхэнэ ардчилсан, эрх чөлөөт орон. Барууныхан хонзогнохдоо бодит байдлыг элдвээр гуйвуулдаг. Газар дээр нь очиж ирсэн хүн л үнэнийг ярьдаг.
Бусад оронтой холбоогүй шахуу энэ улс яаж хөгжиж чадаж байна вэ? Хүмүүсийнхээ оюун ухаан, үзэл бодол өөрчлөгдөхөөс их айдаг бололтой.Хаалттай, хатуу дэглэмтэй энэ орон яаж эдийн засгаа хөтлөн, авч явж чаддаг байна вэ?