Монгол Улсын Их Хурлын дарга Г.Занданшатар өнөөдөр (2022.01.20) Оросын Холбооны Улсаас Монгол Улсад суугаа Онц бөгөөд Бүрэн эрхт Элчин сайд И.К.Азизовыг хүлээн авч уулзлаа.
Ноён Элчин сайд Улсын Их Хурлын даргыг 2021 оны намрын ээлжит чуулган завсарламагц цаг зав гарган хүлээн авч уулзаж байгаад талархал илэрхийлээд Монгол Улсын хууль тогтоох дээд байгууллага намрын чуулганаараа олон чухал шийдвэр гаргасныг анхааралтай ажигласан гэлээ. Тэрбээр, Монгол Улсын Их Хурал ирэх гуравдугаар сарын 15-ны өдөр эхлэх хаврын чуулганаар хэлэлцэх асуудал болон ажиллах чиглэлийн талаар мэдээлэл авахыг хүсэж, ингэснээр Оросын Холбооны Улсын Думд Монголын парламентын туршлагыг хуваалцах ач холбогдолтой гэв. Мөн 2021 онд ОХУ, Монгол Улс хооронд дипломат харилцаа тогтоосны 100 жилийн ойг тэмдэглэн өнгөрүүлэхэд Улсын Их Хурлын дарга Г.Занданшатар өндөр ач холбогдол өгснийг тэмдэглэв. Түүхэн ойн хүрээнд Монгол Улсын Ерөнхийлөгчийн Оросын Холбооны Улсад хийсэн төрийн айлчлал стратегийн ач холбогдолтой болсон. Үүнийг монголын ард түмэн хожим нь өндрөөр үнэлэх болно гэдэгт итгэлтэй байна. Хоёр улсын хамтын ажиллагааны цаашдын хөгжилд Монгол Улсын Их Хурлын оролцоо чухал үүрэг гүйцэтгэдэг болохыг онцлов. Түүнчлэн, ОХУ-ын парламентын дээд, доод танхимын дарга хатагтай В.И.Матвиенко, ноён В.В.Володин нар хоёр улсын парламент хоорондын хамтын ажиллагааны комиссын дүрмийн төслийн талаарх Улсын Их Хурлын даргын байр суурийг уламжлахыг хүссэн гэв.

Улсын Их Хурлын дарга Г.Занданшатар Монгол Улс, Оросын Холбооны Улс хооронд дипломат харилцаа тогтоосны 100 жилийн ойгоо ёслол төгөлдөр амжилттай тэмдэглэн өнгөрүүлж, улиран одож буй 2021 оноо олон томоохон айлчлал, арга хэмжээгээр дүүрэн үдлээ гэж дүгнэж байна. Үүнд ноён Элчин сайдын үүрэг, оролцоо чухал байсныг уулзалтын эхэнд тэмдэглэж, талархал илэрхийлэв.
Тэрбээр, Монгол Улсын Ерөнхийлөгч У.Хүрэлсүхийн ОХУ-д хийсэн албан ёсны айлчлал амжилттай болж, хоёр талын иж бүрэн стратегийн түншлэлийн харилцааг хөгжүүлэх, харилцан итгэлцлэлийг бэхжүүлэх талаар томоохон ахиц дэвшил гарсан гэж Монголын ард түмэн, Монгол Улсын Их Хурал өндрөөр үнэлж байгаа. Айлчлалын үеэр Ерөнхийлөгч В.В.Путинтэй олон чухал асуудлаар санал солилцож, хамтарсан тунхаглал гаргасан нь уг айлчлал үр дүнтэй болсны нотолгоо юм. Айлчлалын үеэр хүрсэн тохиролцоонуудыг шуурхай хэрэгжүүлэх нь чухал байна. Иймээс энэ жил бидэнд хийх багагүй ажил байгаа гэж харж байна.
Нэгдүгээрт, хоёр улсын парламент хоорондын хамтын ажиллагааны комисс байгуулах явдал юм. Монгол Улсын Их Хурал парламент хоорондын хамтын ажиллагааны комиссын дүрмийг дэмжиж байгаа. Хамгийн гол нь хоёр талын иж бүрэн стратегийн түншлэлийн харилцааг амьдралд бодитой хэрэгжүүлэхэд уг хамтын ажиллагааны комиссын хувь нэмэр чухал гэж үзэж байна. Энэхүү хамтын ажиллагааны механизм нь хоёр улсын цаашдын парламент хоорондын харилцааны үндсэн талбар болох бөгөөд хамтын ажиллагааны бат бэх суурь нь болно гэдэгт итгэлтэй байна.
Хоёрдугаарт, бид бүхний хамгийн их анхаарах ёстой салбар бол хоёр талын худалдаа, эдийн засгийн хамтын ажиллагаа юм. Өнгөрсөн жилийн хувьд худалдааны хэмжээ 1.9 тэрбум ам.долларт хүрсэн. Манай экспорт бага зэрэг нэмэгдсэн статистик үзүүлэлт байгаа хэдий ч худалдааны алдагдал их хэвээр байна. 1990 онд хоёр улс хоорондын худалдааны хэмжээ 600 орчим сая ам.долларын 500 сая нь Монгол Улсын ОХУ-д хийсэн экспорт байсан. Монгол Улсын экспорт 80 орчим хувь байсан бол өнөөдөр нэг хувь ч хүрэхгүй байна. Иймд худалдааны нөхцөлийг сайжруулах, шинэ бололцоог эрэлхийлэх, уламжлалт худалдааны сайн нөхцөлийг бүрдүүлэх нь иж бүрэн стратегийн түншлэлийн хамтын ажиллагааны салшгүй чухал хэсэг гэж бодож байна. Хоёр улсын хууль тогтоох байгууллага энэ чиглэлд хууль эрх зүйн таатай орчныг бүрдүүлэх бүрэн боломжтой гэж үзэж байна.

Улсын Их Хурлын дарга Г.Занданшатар үргэлжлүүлэн өнгөрсөн Монгол Улсын Их Хурлын 2021 оны намрын чуулганаар хэлэлцсэн асуудал, батлагдсан хуулиуд нь эдийн засгийн реформд чиглэгдсэн болохыг танилцуулав.
Түүнчлэн хоёр орны харилцааны шинэ зууныг ололт, амжилт, томоохон төсөл хөтөлбөрүүдээр дүүрэн угтана гэдэгт итгэлтэй байгаагаа илэрхийлэв. Тухайлбал, хийн хоолой барих төслийн ТЭЗҮ-г хийж дуусгасан тул дараагийн шатны ажлыг шуурхай хэрэгжүүлэх, мөн “УБТЗ” ХНН-ийн дүрмийн санг нэмэгдүүлэх протоколыг шуурхай байгуулах, төмөр замын төв коридорыг шинэчлэх ажлыг эхлүүлэх, Наушки өртөөг өргөжүүлэх зэрэг ажил биднийг хүлээж байна гэлээ. Талууд эдийн засаг, улс төр зэрэг бусад асуудлаар санал солилцов гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.
Сэтгэгдэл(11)
наушкаас хиант хүртэл аваарын төмөр зам байгуулах сүхбаатраас алтанбулаг хүрэл аваарын төмөр зам байгуулах талаар цар тахалтай холбогдуулан хийх ард түмний шаардлага байна улс орон гэж байгаа юм бол хоёр рны ард түмэн хүнсний идэж байгаа бүтээгдэхүүнэ авч гарах евразийн эдийн засгийн хуулийн хүрээнд ард түмнээ оруулаачээ бид монголын бүтээгдэхүүнийг зөвхөн олигархууд биш ард түмэн ард орос түмэнтэйгээ харицмаар худалдаа хиймээр байна
Монголоос ниилүүлэх үслэг эд хивс ноосон эдлэлд оросын гаалийн татвар маш өндөр ниилэг хуурамч хятад зүйл гаальийн татвар маш бага учир оригнал цэвэр эко бүтээгдэхүүнийг ард иргэд нь хүссэн ч баыхгүй Турк Хятад ниилэг хуурмаг хулхи саьхи нэхии ноосон эдлэл авч байгаа. Манай хивс нэхмэл нэхии арьс савхин бүтээгдэхүүнийг уламжилалт Сибирийн ард иргэд байнга асууж байдаг даа
Хятадын өрийн хавханд орсон монголыг хэзээ нэгэн өдөр газар нутгийн өрөндөө авах үед монголд туслахгүй хятад руу нь уусган мөхүүлэх хэрэгтэй. Угаасаа 1900 оны үед хятадад уусаж мөхөх тавилантай орон байсан.
Гаалын татвараа бууруулаад Усан станц барисаны дараа л болье мэдээлэгч Армян Азизаваа
Яаж нэг өөрийн гэсэн тог цахилгаантай болое доо.
Мэдээнд ойлгомжгүй юм их байна. Монголын экспорт 80 хувь хэзээ байсан юм бэ.600 саяын 500 нь Монголоос Орос улсад хийсэн экспорт гээд ямар ч ойлголтгүй юм бичсэн байна. Ийм юм нийтэлж байгаа сайт анхаармаар юм даа.
Тохиролцоо гэнэ тэнэг ухна ишиг Тонуулаад ирсэн биз дээ Монголоо
Засуулчихаад ирсэн
ОХУ- тай харилцах харилцаанд дэвшил гарч байгаа нь сайн ч, гаалийн татвараа хөнгөлөх талаар огтхон ч анхаарахгүй байгаа нь нэг л юм хэлээд байх шиг…
БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)
БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)