сонин mn
Сэтгэгдэл (33)
Боловсролын Зээлийн Сангийн мэдээлэл буюу 1997 оноос хойшхи зээл авч, гадаадад суралцсан бүх хүний мэдээлэл ил болоод буй. Үүнтэй холбоотойгоор эрх мэдэлтнүүд, Монголын томоохон бизнесмэнүүд, урлаг, соёлын алдартнуудын гэр бүл, ах дүү, үр хүүхдүүд л уг зээлийг авч байсан нь ил болж эхлээд байна.
Иймээс ч өчигдрөөс эхлэн иргэд нийгмийн сүлжээгээ бухимдлаа илэрхийлж, улмаар улс төрийн хүрээнийхэн бараг л паникт орж эхэлжээ. УИХ дахь МАН-ын бүлгийнхэн өнөөдөр хамгаалалт дуудан хуралдах гэж байснаа больсан бол УИХ-ын гишүүд Төрийн ордонд бараг л ирээгүй байна.
 
Мөн өөрөө сайд байхдаа охиндоо боловсролын зээл олгосон, мөн сайд байхдаа хамгийн олон боловсролын зээлдэгчдийн өрийг тэглэж, хүчингүй болгосон нь тодорхой болоод буй АН-ын дарга Л.Гантөмөр хэвлэл мэдээллийнхээс нуугдан, яриа, тодруулга авах гэсэн ямар ч сэтгүүлчийн утасны дуудлагыг авахгүй байгаа аж.
 
АН-ын удирдлагууд энэ тухай ган хийхгүй алга болцгоожээ. Харин "Улаан бал" нэвтрүүлгээр олон нийтэд танигдсан сэтгүүлч Ч.Лодойсамбуу нийгмийн сүлжээгээр дамжуулан: "Дэлхийн их дээд сургуульд тэнцээд, өөрөө бэлдээд шалгалт өгөөд тэнцчихсэн бол тэр Ерөнхийлөгчийн хүүхэд байна уу? хааны удамтай хүүхэд байна уу? Монголын хамгийн баян айлын хүүхэд байна уу? Тэр ерөөсөө хамаагүй шүү дээ. Бид нар ардчилал, тэгш эрх ярьдаг мөртлөө яг цагаа тулахаар дандаа нэгнийгэ ялгаварлан гадуурхдаг. Дэлхийн шилдэг их дээд сургуульд тэнцчихсэн хүүхдүүд хэний хүүхэд байх нь хэнд хамаатай юм бэ? Аав, ээж нь хөтөлж аваачаад тэр сургуульд тэнцүүлээгүй шүү дээ. Тэр хүүхэд өөрөө хичээсэн байхгүй юу. Аав ээж нь хэн ч байсан, баян байна уу? улс төрч байна уу? зүгээр ажилчин ангийн хүүхэд байна уу? хамаагүй хүүхдийнхээ боловсролд хамаараад байж болох бүхнээ л зориулсан байхгүй юу даа. Нөгөө хүүхэд тэрүүгээр нь хичээсэн байхгүй юу.
Тийм сургуульд тэнцвэл төр нь мөнгийг нь өгье л гэсэн байхгүй юу.
 
Түүнийг нь авсаны төлөө хэсэг залуучууд хүний нүд рүү харж чадахгүй болтлоо ингэж зодуулж загнуулж байгаа юм бэ? тэ. Би байсан бол хуц л гэж хэлнэ. Битгий хуц гэж хэлнэ.
 
Би хэрвээ тэр улс төрчдийн оронд байсан бол бүгдэн рүү нь хуц гэж хэлнэ. Өнөрөөг микрофоноо бариад ирэхэд нь жов гэж хэлнэ. Шилэн Цогоо энэ тэр "Хулгайчаа гэж дууд" энэ тэр гээд яриад байна лээ. Хэрэв тэгэх юм бол би хуц гэж хэлнэ. Бүх хүн надруу чулуу шидсэн ч хамаагүй хуц гэж хэлнэ. Мөн энэ зээлээ төл гэх юм бол хуц гэж хэлээд, хоёр хурууныхаа завсар нэг хуруугаа хавчуул гэж хэлнэ. Яагаад баян айлын хүүхэд сургалтын тэтгэлэг авч болдоггүй юм бэ?" хэмээн байр сууриа илэрхийлсэн байна.
 
Сэтгүүлч Ч.Лодойсамбуу Боловсролын зээлийн санг анх үүсгэн байгуулсанн анхны санаа нь "сурах хүсэл эрмэлзэлтэй ч санхүүгийн боломжгүй хүнд олгох" гэх зарчим байсныг ч уншиж, судалж амжилгүй "Яагаад баян айлын хүүхэд авч болдоггүй юм, хуц" хэмээн цамнах болсон нь ч учиртай байж мэдэх ажээ. Тодруулбал түүнийг УИХ-ын 2024 оны сонгуульд АН-аас нэр дэвшүүлэх сонирхол АН-ын дарга Л.Гантөмөрт байгаа гэнэ.
 
С.Сарнай