Улаанбаатарчууд бол хамгийн “зовлонтой” хүмүүс. Өглөө ажилдаа явахаар гэрээс гарах үед тааралдах хөглөрсөн их хог, замын түгжрэл, агаарын бохирдол, үмхий үнэр, эвдэрхий зам гээд л үй олон асуудал дунд л нийслэлийнхэн амьдардаг. Сүүлийн хэдэн өдөр үргэлжлэн орсон бороо энэ “зовлон”-гийн тоог нэгээр нэмлээ. Бороо их орохоор зам усанд автаж, гарах гарцгүй болдог нь шинэ асуудал биш. Зун бүр л нийслэлчүүд уртын харайлтын “тэмцээн”-д албан шахалтаар оролцож, хэн сайн харайсан нь ажил, амьдралаа залгуулдаг жамтай. Ерөнхийлөгчийн сонгууль хэмээн завгүй байх үед энэ асуудал сөхөгдсөн учир бид анзаарсангүй. Харин өчигдрөөс иргэд нүдээ нээж, бодит нөхцөл байдлыг дэлгэж эхэллээ.
Бидний хамгийн эхэнд очсон газар бол Баянзүрх дүүргийн XXVI хороо буюу олонхийн нэрлэж заншсанаар Баянмонгол хороолол юм. Тус хорооны зам бүхэлдээ усанд автаж, явган хүн байтугай жижиг суудлын тэрэг явахад хүндрэлтэй болсон байх агаад замын хөдөлгөөний ачаалал эрс нэмэгдэж, түгжрэл үүссэн дүр зураг угтлаа. Баянмонгол хорооллын баруун талын замын уулзвар дээр хөрсний ус сорох машин ирсэн байхаас гадна замын лаг шаврыг Улаанбаатар зам засвар, арчлалтын газрын мэргэжилтнүүд цэвэрлэж байв. Гэвч өмнөх борооны усыг нь цэвэрлэж амжаагүй байтал дахин бороо орсны улмаас нөхцөл байдал хүндэрч, усыг нь тийм хурдан хугацаанд сорох боломжгүй болжээ. Тиймээс явган иргэдийн зарим нь хөлдөө гялгар тор углаж зарим нь тоосго эгнүүлэн тавьж зам гарч байлаа.
Ус зайлуулах хоолой ачааллаа дийлэхгүйд хүрчээ
Мөн Сонгинохайрхан дүүргийн XX хороо, хуучнаар 22-ын товчооны урд байрладаг айл өрхүүд лхагва гаригт гэрээсээ орж, гарч чадахаа болиод байв. Тус хороо хэдэн өдөр үргэлжлэн орсон борооны улмаас усанд автсан юм. Үүнээс гадна Нарны зам дагуу Энхтайваны гүүрний зүүн талын нүхэн гарц, Нарны замаас урагш төмөр замын дээгүүр, Махатма Гандигийн гудамж руу холбосон авто зам, Нарны замаас урагш Баянмонгол хороолол руу холбосон нүхэн гарцуудыг зорчих боломжгүй гэсэн шалтгаанаар энэ сарын 9-нд хаасан. Эдгээр газрууд усанд автаж, явган хүн байтугай автомашин зорчих боломжгүй болсон юм. Энэ талаар Геодези, усны байгууламжийн газар “Сүүлийн өдрүүдэд бороо их орсны улмаас Сэлбэ, Дунд голын усны түвшин нэмэгдэж, үерийн түвшинд хүрсэн.
Энхтайваны гүүрний нүхэн гарцын тухайд усаа гол руу шахдаг. Гэвч усаа шахдаг голынх нь түвшин нэмэгдсэн учир одоогийн нөхцөл байдал үүсээд байна. Өөрөөр хэлбэл, нүхэн гарц усаа шахаж чадахгүй байна. Манай байгууллага яаралтай арга үүсээд буй нөхцөл байдлыг хэвийн болгоно” гэв.
Их хэмжээний усанд автсаны улмаас зарим хорооны зам эвдэрсэн гэсэн мэдээллийг иргэд бидэнд өгсөн юм. Энэ талаар Нийслэлийн Авто замын хөгжлийн газрын дарга Г.Баярсайханаас тодруулахад “Борооны уснаас үүдэн зам эвдэрсэн гэсэн мэдээлэл бидэнд одоогоор ирээгүй байна. Нийслэлийн автозамын ачааллыг бууруулах зорилгоор долоон байршилд түр зам байгуулсан. Үүний хоёр нь Дунд гол дагуу байрладаг. Сүүлийн өдрүүдэд орсон борооны улмаас Дунд голын усны түвшин нэмэгдсэн учир урсацыг нь сайжруулах зорилгоор замуудыг сэтэлж, усыг нь урсгаж байгаа. Ингэснээр усны түвшин багассан. Дунд голын ай савын үерийн хэмжээ нэмэгдэж, борооны усны шугамнууд дүүрсэн, ус зайлуулах хоолой ачаалал ихтэй учраас ус зам дээр гарч ирээд байгаа.Тиймээс Онцгой байдал, Геодези, усны байгууламжийн газрын албан хаагчид сүүлийн хэдэн өдөр 24 цагаар ажиллаж байна” гэсэн тайлбарыг өглөө. Аль ч нам төрийн эрхэнд гарч, ямар ч хүн сонгогдсон бороо орохоор л хот даяараа үерт автдаг эмгэнэлт төрхтэйгээр л хэдэн арван зуныг нийслэлчүүд үдэж байна. Хэзээ бид уртын харайлтын “тэмцээн”-ий бэлтгэлээ зогсоож, бороо орохоор тоосго, гялгар уут авч явахаа больтлоо хөгжсөн хотод амьдрах юм бэ.
Улаанбаатарт ирэх долоо хоногийн лхагва гариг хүртэл үе үе усархаг бороо орно гэж Цаг уурын байгууллагаас сэрэмжлүүлээд байна.
Б.Должинжав
Эх сурвалж: “Зууны мэдээ” сонин
Сэтгэгдэл0
Бүх аймгаар бас үргэлжилсэн бороо ороосой. Энэ зун хур бороо ихтэй сайхан зун болж байна даа.
Бүх замаар нь гүнзгий голтой болж хүн байтугай машинч явахгүй болох юм бна! Түүний дараа зам нь дүүрэн эвдрэл нүх! Одоогоороо ямарч засвар хийхгүй эвдэрсэн бхад, борооны дараа бол!!! МАН данх шанагаар л аргацааж байгаа болохоор!!!
Govior boroo oroosoi
Яаахууууу? Сууууу даргаааааа айнннн
Ман мандуулж бна даа , оркууд минь
Хот төлөвлөлтөө чанаржуулж цогцоор нь харж төлөвлөж барилга бариулмаар байна. Хотод газар олгох үйл ажиллагхаг цогцоор нь харж дэд бүцийн асуудлыг харж шийдсэний дарах барилгын төлөвлөлтөө хиймээр байга. Ерөнхий архитектор маань цогцоор нь нийслэлээ харж барилгын ерөнхий төлөвлөгөөг хийж байж л газар олгох эөэхийг шийдмээр бнх
за сумъяабазар даргаа орос элчингийн урдах 31 байрны ганц ар талыг хөөсөнцөрөөр бүрээд өгөө ч хир зэрэг л зардал гарав гэж хоёр хажуу урт тал хэрэггүй олон жил нийтийн ахуй үйлчилгээний газарт ярилаа өөрөөс болох бүх арга хэмжээг авлаа бүх айлуудын труба ражаатар солилоо Бүр орц болгон доор буцах шугам дээр мотор тавиж циркуляци эргэлтийг хурдасгаад шальтай юм болсонгүй жишээ нь 31-р байрны 4-р орцонд цэдэнбал даргын бие хамгаалагч жолооч байсан гунгаадорж ерөнхий сайд удвал шуа намсрай академич орсын инженер гадаадт элчин байсан хүмүүс лодойдамба намын дарга нарын хамаатан садан үр хүүхэд байна хойшоо харсан 3 өрөө өвөлч хөлдүү зун ч маш хүйтэн шүү учир нь хойноосоо байнга шуурдаг шалан доогуур хүйтэн салхи үлээдэг өвөлд хана нимгэн учраас бетон хана хүйтэн хайрдаг хүүхэд хөгшид маш их өвчилдөг хөл гаргүй бөөр бөгсгүй болж байна засвар хийж өгөөд хөлсийг орон сууцны төлбөр дээрээс авна уу бүх хүний гарын үсэг хүссэн өргөдөл бий эсвэл албан ёсоор засгийн газарт өргөдөл өх үү
Улаанбаатар "Их цэвэрлэгээнд" бэлэн үү?
Ажлаа мэддэггүй дарга байна.Энэ үер зөвхөн Баянмонгол,Саруул,Дүнжингарав хороолол орчимд Их наяд төв,Эко-гийн орон сууцны барилга барьсан,мөн Олимпийн гүүрний доод тойрогд хуучин гүүрийг сэргээхийн оронд шороогоор булж зам тавьсанаас нуур тогтох болсноор төвшин ньОлимп гудамны замын төвшинөөс дээр гарсанаас Олимп гудамжны зам усаар дүүрч мөн нүхэн гарцууд усаар дүүрэх болсон бна.Цаашидаа төмөр замын суурь бүтэцэд өөрчлөлт орж вагон цуваа осолдох аюултай!!!
ус нь туслах замуудаасаа төв замын, төв замуудаасаа хотын үндсэн сэлбэ, дунд, туул гэсэн 3 үндсэн чиглэлд ачаалал өгөхгүйгээр тэгш хуваарилагдан тархаж байх инженерийн шийдэл зургийг гаргасан байдаггүй юм бх даа.
Манай байгууллага яаралтай арга үүсээд буй нөхцөл байдлыг хэвийн болгоно” гэв гэнээ Бичих гэж бөөн алдаа одоо бүр үүндээ дасчихсан. Хэл бичиг маань сөнөлөө.
Шуналт Сумьяабузрыг огцруулах хэрэгтэй.