Өнөөдөр буюу энэ жилийн 4 дүгээр сарын 9 -нд Монголын цэрэг Польшийн нутагт томоохон ялалт байгуулсны 780 жилийн ой тохиож байна. Түүхэнд үүнийг “Легницийн тулалдаан” хэмээн нэрлэдэг.
Тэртээ 1230-аад оны сүүлчээр Монголчууд Оросын Вангуудыг эрхшээлдээ оруулсны дараа Киевийг 1240 оны 12-р сард эзэлсэн ба монголчуудын Өрнөд рүү явуулж байсан довтолгоон Унгар руу чиглэжээ.
Энэ нь Монголчуудын өстөн, дайсан болох Куман (Кипчак)-уудыг Унгарын IV Бела ван өөрийн нутагт орогнуулж хаацайлсан, мөн тэднийг буцааж өгөх тухай Бат хааны шаардлагыг үл ойшоож, илгээсэн элч төлөөлөгчдийг нь алж, доромжилсноос үүдэлтэй гэдэг. Тагнуул, туршуулууд явуулснаар тухайн үед Унгарын ван Польш болон Чехийн вангуудын хороондын харилцаа сайн байсныг мэдэж, улмаар эдгээр улсуудын зүгээс IV Бела ванд тусламж үзүүлэхээс сэргийлэх, таслан зогсоох зорилгоор Бат хаан, Цагаадайн хүү Байдар хан, Зүчийн том хүү Орду нараар удирдуулсан баруун жигүүрийн цэргээ 1241 оны эхээр Польш руу хөдөлгөсөн байна. Байдар хан 1241 оны 3-р сарын 10-нд Висла мөрнийг Сандомирын ойролцоо гаталж, Ордугийн цэргийг Ленчица, Краков хотын зүг илгээгээд, өөрөө Кельц хүртэл довтолсон байна. Бага Польшийн нийслэл Краков орох замыг хаасан Краковын захирагч Вложимеж (Владимер)–ийн удирдсан Краковын цэргийг Орду ноён 3-р сарын 18-нд Хмелникийн дэргэд бут цохиод, Краковыг бүслэн хаажээ. Монголчуудыг Краковт орж ирэхэд уг хот огт хүнгүй хоосон, хүмүүс нь дүрвэн зугтсан байв. Монголын цэрэг 3-р сарын 31-нд Краковаас гарахдаа түүнийг галдан шатаасан байна. Улмаар 4-р сарын 2-нд Байдар, Орду нарын нэгдсэн цэрэг Силез (Шлонск)-ийн нийслэл Вроцлав (Бреслау)-ыг эзлэн авч, нутаг дэвсгэрийг нь түймэрдэн шатаав.
Ийнхүү асар богино хугацаанд Бага Польшийг бут цохиж, түрэмгийлэн бусниулсан нь Польшийн бусад газар нутагт ч түгшүүрийн харанга дэлдэхэд хүргэсэн байна. Пястуудын удмынхнаас хамгийн хүчирхэг нь байсан Силезийн “Сүсэгт” хочит II Хенрих ван оршин суугчдад эх нутгаа хамгаалахыг уриалсны дагуу Вроцлав руу зүг, зүгээс Польшийн рыцариуд (хуягт морин цэргүүд) цуварч эхлэв.
Хенрикийн цэрэг дээр Сүмийн журмын холбооны рыцариуд (Тамплиерууд), Тевтон (Герман) рыцариуд, сайн дурынхан болон алтны уухайчдын баг ч хүч нэмсэн байна. Эдгээрийг түүний үеэл Чехийн ван Болеслав Дыполдовиц буюу Щепиолька удирджээ. Хенрик ван, Польшийн Силези (Шлонск) ба Бага Польшийн хуягт морин цэргүүд болон Щепиолькийн удирдсан холбоотнуудын цэргүүдээс бүрдсэн 7-8 мянган дайчид төвлөрүүлж чаджээ. Хенрик Вангийн байгуулсан энэхүү эвсэл 1241 оны 4-р сарын 9 –ний өдөр Польш, Германы хилийн ойролцоо, Легницээс зүүн өмнө зүгт 7 км-ийн зайд оршдог Волстат (Вальстат) хэмээх (энэ нь польш хэлээр Добре Полe – Сайнхан тал, гэхдээ Легницийн тал биш юм) газарт Орду, Байдар нарын удирдсан цэрэгтэй тулалданд орсон байна. Эхэндээ Польшийн цэрэг хүчээр давамгайлж байсан боловч тулалдааны талбарт хэн нэгэн хүн польшоор “Uciekajcie, uciekajcie - Зугтаагаарай, зугтаагаарай” гэж чанга, чанга хашгиран давхиж байхыг сонсоод, Ополын Мечислав ван өөрийн удирдаж явсан 3-р жигүүрийн ихэнх дайчдыг дагуулан зугтсан байна. Ингэж хашгиран давхиж байсан этгээд нь монгол цэрэг байсан бөгөөд монголчууд, польшуудыг хууран мэхэлж зугтахад хүргэсэн гэдэг. Үүнийг харсан Хенрик ван “Бид ч сүйрлээ дээ” хэмээн шүүрс алджээ. Нөгөөтэйгүүр монголчууд, амьсгал бачимдуулдаг утаат хий ашигласан учир дайсны цэргүүдийн хүчийг сулруулж, дайтах чадваргүй болгосон аж. Ингэж Монголчууд дэлхийд анх удаа химийн зэвсэг тулалдаандаа хэрэглэсэн хэмээн түүхэнд нэрээ үлдээсэн юм. Ийнхүү Польшийн цэрэг сүйртлээ цохиулж, Хенрик ван олзлогдсон гэдэг. Түүнийг, амь үрэгдсэн нэгэн монгол жанжны цогцсын өмнө авчирч сөгдүүлээд, толгойг нь тас цавчиж Бат хаанд хүргүүлжээ. Сүсэгт Хенрикийг христын шашны ёсоор оршуулах гэж гэргий Анна Чешка тулалдааны дараа цогцсыг нь хайсан боловч түүний толгойг цавчиж, нүцгэлсэн учир олон мянган хүүр дотроос олоход маш бэрхшээлтэй байв. Иймээс Анна зүүн хөл нь зургаан хуруутай цогцсыг хайхыг тушаасны дагуу Сүсэгт Хенри II –ийн хүүрийг олж, өөрийн нь бариулсан Вроцлав дахь Францисканы сүмд түүнийг оршуулжээ.
Ийнхүү Байдар ханаар удирдуулсан цэргүүд Бат Хааны даалгасан үүргийг гарамгай биелүүлж, Польшийн цэргийг бут цохисон юм.
Харин уг тулалдаанд оролцсон Монголын цэргийн тоо, зорилгыг Польшийн түүхч, профессор Ейжы Марон “3-р сард Монголчуудын цэргийн ажиллагаа эхэлж, тэр хооронд тэд Сандомир орчимд ихээхэн хохирол амссан. Тиймээс тэд анхны арван мянгаас цөөн, магадгүй зургаа, долоон мянгаас ч цөөн дайчинтай байсан байх. Тэдний үүрэг бол юун түрүүнд Польшийн Хенрик, Чехийн Вацлав ван нарыг унгарчуудад туслахаас урьдчилан сэргийлэх явдал байсан” хэмээн тодорхойлсон байдаг. Гадаадын түүхчдийн судалгаа, он цагийн бичээсүүдэд, манай зарим түүхчдийн бичиж байгаа шиг Польшийн цэргийн тоо Монголынхоос 3 дахин илүү буюу зургаан түм, монголын цэргийн тоо хоёр түм байгаагүй болохыг баттай эх сурвалжуудад тэмдэглэсэн байдаг. Монголчуудын Польш руу хийсэн анхны дайралтын шалтгаан нь Византийн эзэнт гүрнийг эзлэх гэсэн оролдлого гэж зарим түүхчид үздэг. Польш руу хийсэн энэхүү дайралт нь Монголын цэргүүд Унгарыг эзлэн авах томоохон хэмжээний ажиллагааны зөвхөн нэг хэсэг юм. Гэхдээ монголчуудын туйлын зорилго нь Унгар биш, харин Бат хаан эзлэн авахыг хүссэн Византийн эзэнт гүрэн байсан ч байж магад. Монголчууд Польш руу довтолсноор Монголын гол хүч довтолсон Унгар руу Польш, Чехийн зүгээс тусламж илгээх боломжгүй болгосон ба энэ нь Бат Хаан, Сүбээдэй жанжин нар Унгарын IV Бела вантай дайтаж, ялахад стратегийн хувьд чухал ач холбогдолтой байжээ.
Ц. Чухалхүү (Польшийн Краков хотын Уул уурхай, төмөрлөгийн академийг төгсөгч, Монгол Улсаас Польш, Канад улсад суугаа Элчин сайдын яамны ажилтан асан)
Сэтгэгдэл0
Chuhal chuhal dugnelttei yum bichdeg, chuhal tsol gunshintai Surhii huu be yasan
Ene baatruud maani odoogiin bidniig haraad gomdoh baisandaa. Tolgoinoosoo salah yostoi humuus mon ch olon bainadaa. Zarimd n bur huzuuch baihgui, haanaas n ch ogtloh bilee kkk
Өнөөдрийг бүх нийтийн амралтын өдөр болгоё
Чухал өдөр юм байна
Сайхан түүх байна
оху-Д СУУЖ БАЙСАН ЭЛЧИН НЭРТЭЙ ХАНГАЙ ШИГ ЭСЯ-НД ОРОСЫН ТӨРӨӨС БЭЛЭГЛЭСЭН ТОМ ЦАГИЙГ НЬ ГЭРТЭЭ ДАНХАЙТАЛ ТАВЬЧИХААД ПУТИН НАДАД БЭЛЭГЛЭСЭН ГЭЭД ИЧИХГҮЙ ҮЗҮҮЛЖ ГАЙХУУЛДАГ НЭГЭН ЛАВ ЭНЭ ХҮН БИШ БАЙНА. САЙХАН ТҮҮХ БАЙНА.. КРАКОВТ СУРЧ БАЙХДАА БАС ЭХ ТҮҮХЭЭ ДУРСАН МЭДЭХИЙГ МЭРИЙЖ БАЙЖЭЭ ЭНЭ ХҮН. ТАНД БАЯРЛАЛАА. ҮҮНИЙГ ПОЛЬШ, ОРОС, УНГАР, ГЕРМАНЧУУД ЗАХ ЗУХААС НЬ ГАДАРЛАДАГ БОЛОВ УУ?
ТАНИН МЭДЭХҮЙН САЙХАН ТҮҮХ БАЙНА
сайхан
Сүүлийн үед дипломатч нэртэй Аангай, Энхмандахаас өгсүүлээд иймэрхүү сураггүй гарууд түүх бичдэг бас би ийм улс төрч тийм тагнуулын ларга танина гэж хуцах боллоо. Ажилд орох гээд гадаад яам хүн амьтнаа солих гээд бужигнаан ихтэй бгаа бололтой хаха
Baabar hurtel MGL iin tuuhiig nevt shuvt medeed boti botior n nom gargaad bhad busad n arga ch ugui iym biz dee.
Бахархалтай ялалт юм даа. Харамсалтай нь бид цөөн ийм "бахархалтай" ялалтаас өөр Дэлхийд гайхуулах юмгүй байгаа нь тиймэрхүү...
Neg iimerhuu baharhah tuuhgui ulsuud zondoo baidiimoo
Краковт ойртоход цамхаг дээрх харуулын цэрэг бүрээ үлээхэд нь монгол цэрэг холоос харваж алсан юмсан. Яагаад хүнгүй байсан гэж бичив? Энэ байлдаанд Пап лам Герман, Франц, Англиас цэрэг илгээсэн шүү дээ. Галдан шатаав, түймэрдэн шатаав гм бичиж, тэд зэрлэгүүд байв уу? Лав нэг нь худал. Хенрик ван байлдаанд алагдсан. Үгүй бол толгойг нь жаданд өлгөж биш, амьдаар нь Вроцлавынханд харуулах байсан. Олзолсон гэдэг худал. Ц.Ч. гуай, та Бат хааныг доромжлох ямар эрхтэй юм? Худалч!
Harin tiim
Хенрик вангийн амь үрэгдсэн тухай хоёр хувилбар байдаг. Энэ хоёрын, хоёр дахь хувилбарыг буюу олзлогдож, цаазлуулсан гэдэг хувилбарыг бодит байдалд илүү ойртсон гэж түүхчид үздэг болсон. Мөн Р.Ю Почекаевын " Батхаан". Ч. Чойсамбын "Бат Хааны байлдан дагуулал" зэрэг олон зохиолчдын бичсэн ном, бусад эх сурвалжуудаас үзнэ үү. Эх сурвалж нь : Zachowały się dwa opisy śmierci księcia śląskiego; jeden, przekazany przez Jana Długosza, uważa się dzisiaj za mniej prawdopodobny, drugi, autorstwa C. de Brigia w Historii Tartarorum, jako źrуdło bliższe wydarzeniom i oparte na relacji bezpośrednich świadkуw (Mongołуw), uznawany jest obecnie za bardziej wiarygodny. Relacja nosi tytuł Hystoria Tartarorum i jest niezwykle interesująca, ponieważ powstała około sześciu lat po bitwie. Fragment zawarty w relacji C. De Bridii jest krуciutki: "Natomiast Tatarzy posuwając się dalej w kierunku Śląska starali bić się z Henrykiem, w owym czasie najbardziej chrześcijańskim księciem tych ziem. Otуż w chwili, gdy jak sami przedstawili to bratu Benedyktowi... - był to inny dominikanin, ktуry towarzyszył poselstwu od papieża - ...pragnęli odstąpić z pola bitwy. Raptem zupełnie nieoczekiwanie szyki chrześcijan zwrуciły się do ucieczki. Wуwczas to pojmali Tatarzy księcia Henryka, ograbiwszy go doszczętnie, kazali mu klęknąć do egzekucji przed zwłokami księcia zabitego uprzednio w Sandomierzu... - czyli oczywiście wodza mongolskiego - ...Głowę jego dostarczyli przez Morawy do Batu-chana... - formalnego dowуdcy całej wyprawy mongolskiej na zachуd - ...po czym rzucili na wprost innych odciętych głуw".
Монголоос түүхчид - судлаачид төрөх гээд байгаа юм биш байгаа ...
Польшууд Монголд ардчилал ялахад шийдвэрлэх үүрэг гүйцэтгэсэн.
ҮНЭН
ТАНИН МЭДЭХҮЙН СУДАЛГААТАЙ САЙХАН ТҮҮХ БАЙНА ЧЕХ ПОЛЬШД МОНГОЛЧУУДИЙГ ЯНЗ БҮРЭЭР Л БИЧСЭН БАЙДАГ ТҮҮХ СУДАРТАА..
Энэ чинь түүх. Ингэж түүхээ түгээдэг бол сайн сан. Мэдээлэл өгсөнд баярлалаа.
сэтгэлзүйгээр аль хэдийн ялчихсан төмөр мэт сахилга баттай хоол унд ярьдаггүй тэсвэр тэвчээрийн туйл болсон агуу арми байжээ.Муусайн дайснуудынхаа арьсыг жинхнээсээ хуулж өлмийдөө сөгтгөсөн боолуудтай байлаа гэж.
Тухайн үедээ Европын Холбооны цэргүүдийг бут цохисон тулалдаан байсан гэж ойлгож бооно.
Europ-iin talaas 250000 orchim tsereg baisan gedeg bizdee?
Крал Хенрихийн зуусан гаансыг монголчууд их буугаар хуга буудсаны дараа заазуур сумаар толгойг нь тас харвасан билээ. Цөөн хэдэн монголчууд ёвроовын 250 мянган цэргийг калаашников автоматаар шүршиж 1 өдрийн дотор устгасан байна.
Дайны урлаг талаасаа бидний ялалтын сайхан жишээ. Гэвч хаа байсан хараал идсэн польшуудтай тулалдах бол эх нутгаа хамгаалахтай адилгүй. Хэрвээ тэр үед бүх польшуудыг устгасан бол баабар мэтийн хүн хогнууд хожим тэнд сурсан дүр эсгэсэн хурамч ардчиллаар монголыг бузарлахгүй л байж. Одоо яая гэх вэ. Үйлийн үр байх. Биднийг цэргээр барахгүй тул тархи угаагч хорлонт чөтгөоийг илгээсэн байна.
wow yamar goe medee ve odoo english deer delhii dayar medeel ok
Энэ тулалдаанд монголчуудын хэрэглэсэн цэргийн тактикийг одоо ч гайхдаг, судалдаг юм билээ. Интернетэд энэ тухай олон баримтат кино, бүр видео тоглоом ч байгаа
Mongol diplomatcniin tuuhen barimtiig gargaj tawisan saihan sudalbar bna Mongol hun buriin medeh yostoi tuuh bna
Бурхан минь бас пун ой вэ , пун т1 юманд хөөрөөд явахын , хорвоод ахуй амвдралаараа хоцорсон ард түмэн шүү дээ
Ёстой нэг байлдаж баймаар сайхан тал байна лээ шүү
польшууд еврейчүүдийг польшийн нутагт концлагеруудад шатааж дийлэхээ болиод африк явуулбал гитлерт алтан хөшөө босгоно гэж элчин сайдаараа дамжуулж байсан бат хаан евречүүдийг алж устгасны төлөө кино алтан хөшөө босгодогүй юм байхдаа
тэр батхааны үхсэн цэргүүд дотор яагаад монгол гэсэн хувцас таних юм олддоггүй юм бэ
Yanztai tak trzymac
хийморь лундаа нь тэнгэрт гарчихсан мөн ч сайхан байж дээ тэр үед.
Saihan niitlel bna
Сайхан нийтлэл байна .Монголын түүхээ сонирхон судлаж танин мэдэхүйн талаар сонирхолтой түүхийг бидэнд хүргэсэн ахмад дипломатч Ц.Ч танд их баярлалаа
өнөөдөр Монголчууд Түвдийн лам нарын төрсөн өдрийг тохиолдуулан амарч байхад