Баасан - 04 сарын 26,
2024
ВАШИНГТОН. /CNN/. Флорида муж улсын захирагч Рон Десантис АНУ-ын ерөнхийлөгчийн сонгуулийн нам доторх сунгаанд өрсөлдөнө гэдгээ зарлах гэж байгаа талаар олон нийтийн хэвлэл мэдээллийн хэрэгслүүд мягмар гарагт мэдээллээ.
Р.Десантис лхагва гарагт “Twitter Spaces”-ээр Илон Масктай ярилцах бөгөөд энэ үеэрээ ерөнхийлөгчийн сонгуульд нэр дэвшинэ гэдгээ зарлах төлөвтэй байна. Өдгөө 44 настай түүнийг нам доторх сунгаанд Ерөнхийлөгч асан Дональд Трампын хүчтэй өрсөлдөгч болно гэж шинжээчид үзэж байгаа юм.
“Миний бие Рон Десантистай ярилцлага хийнэ, тэрбээр чухал мэдэгдэл хийх болно. Ийм зүйлийг нийгмийн сүлжээгээр дамжуулан шууд асуулт хариулттайгаар, урьдчилан бэлтгэхгүйгээр анх удаагаа хийх гэж байна” гэж “Twitter”-ийн эзэн И.Маск мягмар гарагт ярьжээ. Тэрбээр үргэлжлүүлэн хэлэхдээ, одоогоор хэн нэгэн нэр дэвшигчийг дэмжээгүй байгаагаа илэрхийлсэн байна. Үүнийхээр дараа тэрбээр "Р.Десантис “SpaceX”-ийн үүсгэн байгуулагчтай “Twitter Spaces”-ээр дамжуулан ерөнхийлөгчийн сонгуульд нэр дэвшихээ зарлана" гэж мэдээлсэн “Fox News” телевизийн сэтгүүлчийн жиргээг хуваалцсан байна.
Э.Хулан
Эх сурвалж: "Монцамэ" агентлаг
Сэтгэгдэл0
Энэ хүн л АНУ-ын Ерөнхийлөгч болчих байха а даа,
мормон бишүү
Дундад зууны үеэс эхлэн боолын мөлжлөг ашиглан хөлжиж,Мексиктэй дайн хийж одоогийн өмнө талын 6 муж улсыг булаан авсан цагаас хойш тувт түрэмгий дайнч бодлого явуулан ашиг хонжоо олж ирсэн энэ сатана улс одоо диалектикийн хуулиар сөнөх болно. Өөрсдийнх нь зарлаад байгаа шиг ОХУ,БНХАУ хоёр аюул занал учруулахгүй юм. Харин дотоодын зөрчил,ёс суртахууны сүйрэл,ижил хүйстний дарангуйллаас болж сөнөх болно. Ямар ч хүн ерөнхийлөгч болоод энэ зүй тогтлыг өөрчилж чадахгүй. Одоо дэлхий дахин өөрсдийгөө их гэж өргөмжилсөн 7 дээрэмчний зандалчлалаас залхсан. Тэд цаг үеэ зөв мэдэрвэл олон туйлт орчиндоо ухаалгаар дасан зохицох ёстой. Хэрвээ тэрслэн эсэргүүцвэл сөнөсөн шиг сөнөх болно.
Энэ сатана улсыг цаанаас нь долларын эзэд мөнгө санхүүгийн эзэд удирдаж байдаг юм.