ВАШИНГТОН. /CNBC/. АНУ-ын Төв банкны үүргийг гүйцэтгэдэг Холбооны нөөцийн сан /ХНС/ бодлогын хүүгээ 25 суурь нэгжээр өсгөж, 4.75-5.0 хувьд хүргэсэн нь 2006 оноос хойших хамгийн дээд үзүүлэлт боллоо. 2023 оны эцэс гэхэд бодлогын хүүгийн дундаж түвшин 5.1 хувь байх төлөвтэй байна гэж шинжээчид таамаглаж байна.
“Нээлттэй зах зээлийн үйл ажиллагааны хороо ажилгүйдлийн түвшнийг бууруулж, инфляцыг 2 хувьд хүргэхийг зорьж байна. Эдгээр зорилтдоо хүрэхийн тулд бодлогын хүүг 4.75-5.0 хувьд болгож өсгөх шийдвэр гаргалаа” гэж тус хорооны мэдээлэлд дурдсан байна.
ХНС-гийн мэдэгдэлд мөн АНУ-д инфляц өндөр хэвээр байгааг дурджээ. Инфляцын талаарх энэ оны таамаглалаа тус сан 3.1 хувиас 3.3 хувь болгож өсгөсөн бол 2024 оныхыг 2.5 хувийн түвшинд хэвээр үлдээсэн байна. Түүнчлэн энэ оны болон ирэх оны ДНБ-ий төсөөллийг тус тус 0.5 хувиас 0.4 хувь, 1.6 хувиас 1.2 хувь болгон бууруулжээ
Д.Жаргал
Эх сурвалж: "Монцамэ" агентлаг
Сэтгэгдэл0
Энэ байгууллага бол доллар хэвлэж америкийн засгийн газарт зээл олгодог хувийн байгууллага. Энэ байгууллагын цаана нөгөө долларын эзэд байдаг. Америкийн засгийн газар болон ерөнхийлөгч нар энэ байгууллагын заавраар ажилладаг.
Энэ чинь доллараа буцаан татаж байна гэсэн үг. Манайд мөн адил байгаа. Одоо монгол банк дотоод зээл (үнэт цаас гаргаж) ихэсгэж гадаад зээлээ багасгаж (дахин санхүүжилт болиод) шинэ бодлого явуулбал инфляц багасна,гадаад өр багасна. Валютын дутагдлаа хөрөнгө оруулалтаар нөхвөл сайн бодлого шүү.
ӨСГӨСӨӨР БАЙГААД ӨСТӨН ДАЙСАНДАА ЯЛАГД