ВАШИНГТОН. /AFP/. АНУ-ын зүгээс Швед, Финланд улсуудыг НАТО-д элсэхийг дэмжиж байгаагаа лхагва гарагт илэрхийлж, Туркыг уг үйл явдалд саад болохгүй байхыг уриалсан байна.
Швед, Финланд улсууд НАТО-д элсэх өргөдөл гаргаснаас хэдхэн цагийн дараа АНУ-ын Ерөнхийлөгч Ж.Байден уг үйл явдлыг сайшаан хүлээн авч, үйл явцыг хурдлуулахын тулд НАТО-гийн гишүүн орнууд болон АНУ-ын Конгресстой хамтран ажиллана гэж мэдэгдэв.
Ж.Байден хэлэхдээ, “би энэхүү түүхэн үйл явдлыг тууштай дэмжиж байгаа бөгөөд талархан хүлээн авч байна. Швед, Финланд улсууд нь АНУ-ын урт хугацааны, тууштай түншүүд” гэжээ.
Мөн ОХУ-аас Швед, Финланд улсуудад аюул занал ирсэн тохиолдолд АНУ дэмжлэг үзүүлэхээ амлав. НАТО-гийн гишүүн Турк улс Швед, Финланд улсуудыг НАТО-д элсэх хүсэлтийг эсэргүүцэж, дээрх хоёр улсыг тэр дундаа Швед улсыг Туркийн нутаг дэвсгэрт сүүлийн хэдэн арван жилийн турш цуст бослого хөдөлгөөн өрнүүлсэн Курдийн Ажилчны намыг дэмждэг гэж буруутгаж байна. Турк, Европын холбоо, АНУ зэрэг нь Курдийн Ажилчны намыг террорист байгууллагын жагсаалтад оруулсан байдаг.
А.Анхбаяр
Эх сурвалж: "Монцамэ" агентлаг
Сэтгэгдэл0
Монголд натог дэмждэг эрдэмтэд олон байна. Путин натотой тэмцэж дайн хийж байна
ОРОС УЛС байхгүй гэж төсөөлдөө, тэгвэл ямар улс идэвхижих үү, Монголын хувь заяа яаж хувирах уу, их гүрнүүд буурай улсыг тэгээд л зөнд нь орхидог гэж байхгүй анхаар,тэр тусмаа барууныхан шууд л өөрсдөө залгина бүр болохгүй бол хуваалцана,"татвар"-аа эсвэл "бонус"-аа авна,илүү дутуучгүй БИЗНЕС
Их Британийн ард түмэн хоёр жилийн өмнө цагаачлал, дүрвэгсдийн асуудлаас болж, улс орныхоо эрх ашгийг №1-д тавьж, санал хураалтаар ЕХ-ноос гарсан байдаг. Тухайн үед Британи ЕХ-ноос гарвал эдийн засаг нь хүнд байдалд орно гэж мэдээлж байв. Гэтэл ЕХ-ноос гарсны дараа Их Британий эдийн засаг унах биш, харин ч сайжирч, ажилгүйдэл 48 жилд байгаагүй түвшинд буурсан байна.
Укрианы дараа Орос Швёд рү гэнэт дайраад эзэлчихнэ гэж балайраад балай швёдүүд Натод элсэж байгаа юм !Орос хариуд нь Натод нь элсчих хэрэгтэй ! Аюулгүй байдал чинь хангагдлаа гэсэн үг Натогаар хамгаалуулаад !! Монгол ч гэсэн Натод элсчихвэл Хятадын аюулаас үүрд саллаа гэсэн үг ! Тэгээд эцэстээ бүх дэлхий Натод элсээд амар сайхандаа жаргах болтугай !!
Олон улсын цэргийн эвсэл гэж байх нь шаардлагатай байна. Олон улсын цэргийн эвслийг аль нэг улсын эрх ашгийн төлөө бус дэлхийн бүх орны энхтайвны төлөө ажилладаг байх ёстой.
АНУ европ тивд оршдоггүй атлаа европын асуудалд хошуу дүрэхээ боль. Бүх дайныг өдөөгч нь энэ янкууд. Америкийг хар бор өнгөт арьстангуудаар дүүргэвэл таарна