Монголын хуулийн байгууллагын эрхмүүд хөл хорионы үед архидан согтуурч, орцны цахилгаан шатанд зүй бус үйлдэл гаргаж буй бичлэг нийгэмд цацагдаад удаагүй байна. Тэгвэл энэхүү сэдэв дээр киноны уран бүтээлчид маш хурдтай ажиллажээ.
Тодруулбал, дээрх сэдвийг өлгөн авч, Монголын шүүх, прокурор, хуулийн байгууллагуудын ялзралыг харуулсан “Нэгдүгээр хүн” уран сайхны кино удахгүй дэлгэцээр гарах гэнэ.
Бодит явдлаас сэдэвлэсэн уг киноны трейлэр саяхнаас цацагдаж эхэлсэн бөгөөд жүжигчин С.Эрхэмбаяр, Д.Бямбацогт, О.Гэрэлсүх, А.Энхжин, Д.Галбаяр тэргүүтэй уран бүтээлчид гол дүрийг нь амилуулжээ. Хонгилын шүүгчдийн бузар булхайг уран сайхны аргаар илэрхийлсэн гэх уг киноны найруулагч болон нээлт хийх хугацаа, бусад дэлгэрэнгүй мэдээллийг удахгүй олон нийтэд зарлах юм байна.
Эх сурвалж: "Монголын үнэн" сонин
Сэтгэгдэл0
Зөв
Хошин шогийн балайнууд ахиад л мөнгөтэй намын захиасаар балайрч байгаа биз...
Зөв. Төрд хууль бусаар шургалсан түрийний бөөснүүдийн гэмт хэргийг бодит баримттайгаар гаргах нь зөв. Дундуур нь бодит баримтын бичлэгүүдийг оруулбал бүр сайн. Монголын ард түмэн нийтээрээ дэмжинэ.
За одоо л хошин урлаг жинхэнэ утгаа олж байна. Анх үүсэх цагаасаа марзаганах гэж биш харин нийгмийн муу муухай дутагдал зөрчлийг ёгтлон элэглэн шоолж гарч ирсэн урлаг. Манайд бол марзаганал болоод удсан. Гэвч үзэгчид их чухал л даа. Өөрсдийг нь шоолоод элэглээд байхад л ойлгохгүй хөхрөөд байдаг үзэгчид бол эмгэнэл юм. Энэ бүтээлийг хийсэн бүх уран бүтээлчдэд нийгмийг эмчлэх үйлсэд нь амжилт хүсье.