sonin.mn
Монголын жүдо бөхийн холбооны Удирдах зөвлөлийн хурал өнгөрсөн бямба гаригт болжээ. Хурлаар “Рио-2016” олимпийн  наадамд оролцсон тайлан, “Чингис Хаан” гран при тэмцээний тайланг хэлэлцсэнээс гадна Монголын жүдо бөхийн холбооны Их хурлын товыг зарлан улмаар зохион байгуулах хороог байгуулсан байна.
 
 
Мөн  дараах тамирчин, дасгалжуулагч нарт Төрийн дээд одон, медальд тодорхойлох санал гаргажээ.
 
Тодруулбал, Монгол Улсад жүдо бөхийн спортыг хөгжүүлэхэд оруулж буй хувь нэмрийг нь үнэлж МЖБХ-ны ерөнхийлөгч Халтмаагийн Баттулгыг Улсын баатар, жүдо бөхийн Үндэсний шигшээ багийн ахлах дасгалжуулагч Одвогийн Балжинням /2011-2016 оны хооронд Үндэсний шигшээ багийн ахлах дасгалжуулагчаар ажиллаж буй.
Олимпийн хоёр мөнгө, нэг хүрэл, дэлхийн хоёр аварга, нэг мөнгө, гурван хүрэл медальтан төрүүлсэн/ Риогийн олимпийн мөнгөн медальт Д.Сумъяа /Олимпийн медальт Монголын анхны эмэгтэй жүдоч, ДАШТ-ий хүрэл, World Masters тэмцээний гурав, "Их дуулга", Гран При ангилалын тэмцээний найман алт, дөрвөн мөнгө, гурван хүрэл, багийн ДАШТ-ий мөнгөн медальт/ нарыг Хөдөлмөрийн баатар, Д.Сумъяагийн багш, Үндэсний шигшээ багийн дасгалжуулагч, гавьяат тамирчин Х.Эрдэнэт-Од /ДАШТ-ий анхны хүрэл медальт/, Пара жүдогийн шигшээ багийн дасгалжуулагч Ч.Базарсүрэн нарыг гавьяат дасгалжуулагч, Үндэсний шигшээ багийн дасгалжуулагч, ДАШТ-ий хүрэл медальт Д.Баттулга, 1980 оны Москвагийн олимпийн хүрэл медальт Р.Даваадалай нарыг Ардын багш тодорхойлжээ.