sonin.mn
Сэтгэгдэл (0)
АНУ-ын Конгрессын Төлөөлөгчдийн танхимын дарга Ненси Пелоси Тайваний нийслэл Тайпей хотод очоод буй билээ.
 
Тэгвэл Хятадын Батлан ​​хамгаалах яам өндөржүүлсэн бэлэн байдалд байгаа бөгөөд хариу арга хэмжээ болгон хэд хэдэн зорилтот цэргийн ажиллагаа явуулж, үндэсний бүрэн эрх, нутаг дэвсгэрийн бүрэн бүтэн байдлыг тууштай хамгаалахаар боллоо гэж тус яамны хэвлэлийн төлөөлөгч У Чиан  АНУ-ын Конгрессын Төлөөлөгчдийн танхимын дарга Нэнси Пелоси хотод хүрэлцэн ирсний дараа мэдэгдсэн байна.
 
Мөн тэрээр: "Тайваньд айлчлах асуудал ноцтой үр дагавартайг Хятадын тал олон удаа мэдэгдэж байсан ч Пелоси санаатайгаар өдөөн хатгалга, хямрал үүсгэж байгаа нь “Нэг Хятад” зарчим болон Хятад, Америкийн  гурван  хамтарсан албан мэдэгдлийг зөрчиж, хоёр улсын харилцааны улс төрийн үндэс суурьт ноцтой нөлөөлөн, Хятад Америк улс болон хоёр армийн харилцаанд хохирол учрууллаа. АНУ-ын энэ алхам нь "Тайваний тусгаар тогтнол"-ын салан тусгаарлах хүчинд буруу мессеж өгч, Тайваний хоолойн хоёр эргийн нөхцөл байдлыг улам хурцдуулөь. Ардчилсан намын эрх баригчид гаднынхны нэр хүндэд найдаж, гаднын хүчинтэй нийлж эмх замбараагүй байдал үүсгээд зогсохгүй, Пелосиг Тайваньд айлчлахыг зориуд урьсан тэдний энэ үйлдэл маш аюултай бөгөөд ноцтой үр дагаварт хүргэх нь гарцаагүй юм. Хятадын Ардын чөлөөлөх арми өндөржүүлсэн бэлэн байдалд байгаа бөгөөд түүнийг сөрөн, үндэсний бүрэн эрх, нутаг дэвсгэрийн бүрэн бүтэн байдлаа тууштай хамгаалж, хөндлөнгийн оролцоо, "Тайванийг тусгаар тогтнох" гэсэн салан тусгаарлагчдын оролдлогыг эрс таслан зогсоохын тулд цуврал зорилтот цэргийн ажиллагаа явуулах болно" гэжээ. 
 
Г.Бямба