Ням - 05 сарын 11,
2025
“UB пикчерс” кино компанийн уран бүтээлчид “Мөнх хаан” кино төсөл хэрэгжүүлэхээр болсноо албан ёсоор зарлалаа. Монголын эзэнт гүрний түүхэн их хаан Мөнхийн амьдрал, замналын тухай өгүүлэх энэхүү киноны зохиол нь бэлэн болжээ. Уран сайхны бүрэн хэмжээний энэхүү бүтээлийг гадаад дотоодын олон үзэгчдэд зориулан бүтээх бөгөөд кино найруулагч, продюсер, жүжигчид өргөн далайцтай ажиллах томоохон төсөл болно гэдгийг онцолсон байна. Монголын түүх бол дэлхийн түүх байдаг. Энэ түүхийн үнэнийг зарим талаар гуйвуулах, өөрчлөх, бусад олон хэлбэрээр үнэнээс ангид харуулах явдал багагүй болсон энэ цагт монгол уран бүтээлчид, тэр тусмаа UBS телевизийн ерөнхий захирал, Урлагийн гавьяат зүтгэлтэн Л.Балхжаваар тэргүүлсэн багийнхан үнэнд хамгийн ойр дөхүүлсэн уран бүтээл хийнэ гэдгээ илэрхийллээ. “Мөнх хаан” кино зохиолыг Соёлын гавьяат зүтгэлтэн, зохиолч Ү.Хүрэлбаатар, жүжгийн зохиолч Ш.Гүрбазар болон МЗЭ-ийн шагналт зохиолч Б.Золбаяр нар хамтран туурвисан байна.
Б.Сийлэн
Эх сурвалж: "Монголын үнэн" сонин
Сэтгэгдэл0
Ү.Хүрэлбаатар түүх мэдэхгүй. Ш.Гүрбазар ном уншдаггүй. Эдний оронд Шүүдэрцэцэг нь дээр байж дээ.
Дахиж түүхээр тоглож баруунд таалагдах шоу хийж дээ!
Харья. Энэ хэд Мөнх хааны тухай бодит кино хийнэ гэхэд итгэл төрөхгүй байна
Энд бичсэн хүмүүсийг гайхаад байхын юм хийе гээд санаад сэдээд байхад үгүйсгээд хахахха
харж л сууяадаа
Ийм кино хийх ямар хэрэгцээ байна вэ? Үүнд эхлээд хариу сонсмоор байна Цогт тайж,Мандухай ,Ану хатан г.м.кинонуудыг харьцуулаад сайн судлаарай Аль зохиогч нь ултай судалгаа хийж аль нь аман яриа, дам сураг , оргүй хоосон огт болоогүй зүйлийг зохиомжлон сүржигнэснийг ялгахад тун ч хялбархан даа
Түүхийн зөвлөх гаргаж, Түүхийн Хүрээлэнгээр хэлэлцүүлж зөвлөгөө авах хэрэгтэй.
Чихэнд чимэгтэй сайхан мэдээ байна. Монголын эзэнт гүрний хаадуудаар цуврал уран сайхны кино хийх зайлшгүй шаардлага байгаа гэж хардаг. Даан ялангуяа Хувилай хааны тухай киног бид хийх ёстой. Кино бол маш хүчтэй сурталчилгаа. Ийм иймэрхүү хувийн хэвшлийн санал санаачлагыг төрөөс дэмжвэл бид түүхээ хамгаалж чадна.
Монголчууд түүхээ гуйвуулдаг заншилтай.мөнх хааны тухай түүхэн кино хэрэгтэй болоос уран сайхны кино хийж түүхээ гуйвуулж яах нь вэ.түүх мэдэхгүй хүмүүс байна даа.түүхч хүн байхгүй зүгээр шоуны гарууд л байна.
доор сэтгэлдэл бичсэн новшуудаа та нар гараа салтаанаасаа ав гэж хэлий
Ичмээр юм