АН-ынхан өчигдөр хуралдлаа. “...Энэ намын дарга хэн болох вэ” гэдэг нь сүүлийн хэдэн өдрийн турш “нийгмийн хэлэлцүүлэг” болтлоо яригдсан. Эхлээд зургаан хүн нэр дэвшихээр болсон. Гурав нь нэрээ татаж, гурав нь өрсөлдөв.
Эднээс АН-ын дарга болох магадлалтай нь С.Баярцогт, Лу.Гантөмөр хоёр гэж байв. Учир нь хоёулаа “ар тал” сайтай. С.Баярцогт өнгөрсөн зунаас эхлээд бэлтгэл ажилдаа орсон Уйгагүй явсан. Энэ сарын 13-нд АН-ын ҮБХ-ны хурал гээчийг зарлахад ч тэрбээр “рейтинг” өндөртэй байв. Ер нь санал хураалтын дүн гартал тийм байсан л даа.
Лу.Гантөмөрийн хувьд сүүлд нэрээ зарласан. Бас өнгөрсөн хэд хоногт хүчтэй яригдсан ч С.Баярцогтын хэмжээнд бол байгаагүй юм. Мөн З.Нарантуяа АН-ын эмэгтэй гишүүдээ төлөөлж өрсөлдлөө. Нэрээ татсан С.Одонтуяа ингэж хэлсэн.
Харин санал хураалтын дүн гарахад Лу.Гантөмөр 51.88 хувиар ялалт байгуулав. С.Баярцогт 43 хувь, З.Нарантуяа 4.9 хувийн санал авчээ. Өөрөөр хэлбэл, “...Ялна” гээд бараг итгэчихсэн, оргилуун дарсаа бэлдчихээд байсан С.Баярцогтынхон том цохилт авлаа. Нөгөө талд, нэр дэвшигч Лу.Гантөмөрийгөө тултал нь PR-даж чадаагүй ч улс төрийн акц, заль хоёрыг тултал хийсэн дэмжигчид нь ялалт байгуулав.
С.Баярцогтын ард хэн хэн байсан нь тун ойлгомжтой байсан. Экс Ерөнхийлөгч Ц.Элбэгдорж тэргүүтэй баг ажиллаад байгааг ажиглагчид хэлээд л байв. Гэхдээ тэдний алдаа нь С.Эрдэнийн хаягтай нам дээр дөрөөлж ҮБХ хуралдуулсан хэрнээ С.Эрдэнийгээ хаячихсан. Нэг үгээр хэлбэл, С.Эрдэнэтэй гар барихгүйгээр АН-ыг гартаа оруулна гэж төөрсөн. Лу.Гантөмөрийн тухайд гол хүч нь нутаг усныхан нь байв. Мөн үеийнхэн нь голдуу бүрдүүлдэг фракцынхныг нь дурдах хэрэгтэй. Гэхдээ хамгийн гол дэмжлэг нь Х.Баттулга зүгээс ирсэн гэхэд болно. Өнгөрсөн оны сүүлчээр АТГ-т мэдүүлэг өгчихөөд Солонгос руу явсан Х.Баттулгын сураг хэд хоногийн дараа Сингапураас гарсан. Тэнд томоохон уулзалтуудыг хийсэн талаар эх сурвалжууд мэдээлж байв. Тэндэх уулзалтад оролцогчдын дунд цагтаа МоАХ-ны дарга явсан, Лу.Гантөмөрийн нутгийн ах байсан. АН-ын ҮБХ-ны хурал гээч энэ сарын 13-нд зарлагдангуут Х.Баттулга Сингапураас хүрээд ирсэн. Ирэнгүүтээ С.Баярцогтыг Дээд шүүхийн ерөнхий шүүгч Д.Ганзоригийн хамт Цэцэд өгсөн. Гэтэл энэ нь улс төрийн шоу байсан бололтой юм. Учир нь 2022 оны арванхоёрдугаар сарын эхээр АН-ын хуульч хэмээх, өмгөөлөгч асан Г.Батбаяр яг энэ асуудлаар Цэцэд өгчихсөн. Цэц түүнийх нь дагуу хэрэг үүсгэж байх үед Х.Баттулга давхар хандсан болж таараад байгаа юм. Түүнчлэн өчигдөр АН-ын хурлын үеэр дээрх асуудлаараа АТГ-т хандсан. Энэ нь бас л цааш явахааргүй, улс төрийн бас нэг тоглолт нь гэхэд болохоор үйлдэл байв. Үүгээрээ Х.Баттулга "...Би гадна л байгаа шүү" гэсэн мессежийг өгсөн бололтой юм.
Гэхдээ С.Баярцогтын холбогдсон асуудал бол өөрийнх нь хэлдгээр “...Төр хохироогүй” зүйл биш л дээ. Өнөөдрийн илэрч байгаа том том авлига, албан тушаалын хэргүүдтэй зэрэгцүүлээд “...жижиг” хэмээж байгаа ч агуулгаараа хууль зөрчсөн үйлдлүүд болохыг олон нийт мэдээд байгаа юм.
Мөн Лу.Гантөмөрийн энд дэмжиж буй нөлөө бүхий хүмүүсийн нэг нь АН-ын ганц эрх зүйн чадамжтай “субьект” болох О.Цогтгэрэл юм. Тэрбээр 2021 оны хавар Х.Баттулгын АН-ын даргын сунгаанд ороод “түрүүлж” байлаа. Бас “...Лу.Гантөмөрийг АН-ын дарга болох юм бол тэр генсек болно” гэсэн тохироотой хуралд орсон гэдэг. Товчхондоо, өчигдрийн АН-ын хурлыг Х.Баттулга “гудамж”-наас удирдчих шиг боллоо.
Гэхдээ С.Баярцогтын талынхны алдааг Лу.Гантөмөрийнхэн ч гаргасан. Мөн л С.Эрдэнэтэй гар бариагүй. АН-ынхан хуралдаж, С.Эрдэнэ, түүний ҮБХ-ны дарга Д.Ганбат нар тасралтгүй сөрөг мэдэгдэл хийсээр байв. Хамгийн сүүлд “...Тэгж яривал 2021 оны Ерөнхийлөгчийн сонгуулийг эргэж харах хэрэгтэй шүү” гэсэн агуулгатай мэдэгдэл хийлээ. Энэ нь өчигдрийн хурал Дээд шүүх дээр үргэлжлэх магадлалтайг харуулж буй юм.
Улс төрийн намын бүртгэлийг албажуулах үүрэгтэй Дээд шүүх АН-ын энэ хэрүүлээс аль болох ангид байхыг хүсч ирсэн. Гэхдээ хэрүүлийн алимыг өөрсдөө тарьсан гэхэд болно. Өөрөөр хэлбэл, 2020 оны УИХ-ын сонгуулийн дараа С.Эрдэнэ хариуцлагаа үүрч огцорсон. Оронд нь Ц.Туваан үүрэг гүйцэтгэгч болсон. Түүнийг бүртгэж авсан. Тэгснээ 2021 оны нэгдүгээр сард Ц.Тувааныг бүртгэлээс хассан. Үүнээс хойш АН-ын ямар ч даргыг хүлээн зөвшөөрөөгүй. Харин АН-ын дарга нэмэгдээд л байв. Тэдэн рүү чиглэсэн улс төрийн тал талын хэрчээс ч байсан биз. Тэгж тэгж 2022 оны гуравдугаар сарын 31-нд нэг тогтоол гаргасан. “...АН-ын ээлжит бус ХIII Их хурлын 2022 оны гуравдугаар сарын 5-ны өдрийн “Үндсэн дүрэмд нэмэлт, өөрчлөлт оруулах тухай” 07 дугаар тогтоолоор баталсан АН-ын үндсэн дүрмийн нэмэлт, өөрчлөлтийг улсын бүртгэлд бүртгэсүгэй” гэж шийдсэн байдаг. Энэ нь АН-ынханд дотоод зөрчлөө шийдэх гарц болж өгсөн. Тодруулбал, Үндсэн дүрэмд нь “...Намын дүрмээр зохицуулах намын дотоод зохион байгуулалт, үйл ажиллагаатай холбоотой асуудлыг намын эрх бүхий байгууллага буюу Үндэсний бодлогын хороо шийдвэрлэнэ” гэж орсон байдаг.
Ер нь бол Дээд шүүх өнгөрсөн хугацаанд АН-ын дарга болоод Үндсэн дүрмүүдийг бүртгэдэггүй байсан. “...Тус намынхан дотоод асуудлаа өөрсдөө зохицуул” л гэдэг байв. Гэтэл өөрсдөө учраа олохооргүй болсон үед нь дээрх гарцыг нээж өгсөн байдаг. Гэсэн ч өчигдрийн хурлаараа “...Эвээ олсон” гэхэд бас л хэцүү болчихлоо.
Гаднаас эсэргүүцээд байсан С.Эрдэнэ дээр С.Баярцогтыг дэмжиж байсан том “баг” нэмэгдэх магадлалтай болов. Энэ утгаар нь харвал, улс төрийн хэл амнаас бултсаар ирсэн Дээд шүүх “...Маш сайн гарц оллоо” гэсэн нь маргаашаас “мухар нүх” болж мэдэхээр боллоо. АН-ынхан одоо Лу.Гантөмөрийгөө аль болох хурдан бүртгүүлэхийг бодно. Өнөөдөр ч Дээд шүүхэд хандаж магадгүй. Харин Дээд шүүх энэ “мухар нүх”-нээс яаж гарах вэ. Дахиад л толгойгоо ажиллуулах шаардлагатай. Магадгүй, “...Лу.Гантөмөрийг сонгосон АН-ын ҮБХ хүчин төгөлдөр үү. 2022 оны гуравдугаар сарын 5-ны өдөр хуралдсан ээлжит бус Их хурлын ҮБХ мөн үү” гэх зэрэг асуулт тавиад гэдийж мэдэх л юм. Гэвч “гэр”-т орсон Х.Баттулга, “гудамж”-нд үлдсэн С.Эрдэнэ, Ц.Элбэгдорж нар ямар яриа хөөрөө хийх вэ гэдгээс бүгд шалтгаална. Ерөөсөө л, тэд хэрэлдвэл Дээд шүүх гэдийнэ. Тэд эвлэрвэл АН Лу.Гантөмөртэйгээ цааш явна. Угаасаа тэрбээр намынхандаа "...Би С.Эрдэнэ, Х.Баттулга нарыг нэгтгэнэ" гээд амлачихсан. Дашрамд хэлэхэд, ямартай ч Лу.Гантөмөр АН-ын даргаар сонгогдсоноор энэ намын удирдлага насны хувьд МАН руу нэлээд дөхлөө шүү.
Б.Дамдин-Очир
Эх сурвалж: "Зууны мэдээ" сонин
Сэтгэгдэл0
Za ingeed AH nam barag 4-5 nch dargatai bolchloo shuu. Alaan boloh n dee. Erdene bol hezee ch suudlaa tavij ogohgui uchir n 24 onii songuuli hayand irchihsen nudend n boon mongo haragdchihsan yavj bgaa hun.
Гантөмөр үндэсний хэмжээний намыг удирдах хэмжээний хүн биш
Deed shuuh muhar nuhend ordogguumal daa, Gantumurt tamga bhgui uchir deed shuuh burtgehgui l dee gantumuriig
АНыхан та нар түргэн учираа олооч ээ Ард түмэн МАНын буруу шийдвэрийг тэсвэрлэж үнэндээ чадахгүй боллоо Эсвэл Элбэгдоржийг авчир нэргүй намын тролууд л баахан муулна биз бид сэргэх хэрэгтэй бна
хэрэв элбэгдорж намын дарга болоод эхэлбэл улсын прокурор Зоригийн хэргийг босгож ирнэ Иймд Элбэгдрж гарч ирэхгүй цахимаар удирддаг АН-н дарга хэвээр үлдсэн нь өлзийтэй болно
МАН-ын дарга нар Бао Яао Цайг АН-ын дарга болгох наймаагаа хийчихсэн байгаа.Зөвшөөрөхгүй.
Гантөмөр хумсаа нуусан муур. Дөрвөдүүдийн бузар технологи, тэр нь Халхуудыг хооронд нь зодолдуулж байгаад сиймхийгээр нь гарч ирэх. Хол явахгүй дээ, олон хүний дургүйг хүргэж байна. Ард түмнийг тэнэг гэж боддог бололтой энэ дөрвөдүүд. С.Эрдэнэ сайн байна. Их хүссэн шуналт гантөмөр мэтэд төрийн жолоо бүү атгуул гэж өвөг дээдэс сургажээ.
Дээрэмчин Америкийг дагаж Монголыг минь 30 жил хорлосон АН-ынхан далд ороосой!!!!
Гантомор гэгч естой дэмий байх, Улсын талыг бариад ард нь Гэмт хэрэгтэн Дорлигжав, мон Нямдорж гэх мэт хумуус л байгаа даа
Уран нүүдэл байлаа. Баярцогтын мөнгөөр сонгууль хийгээд л түүнийг зайлуулаад л. Одоо дээд шүүх гарцгүй болсон.
Х.Баттулга бол жинхэн 15 толгойтой атгаалжийн хар мангас мөн.Түүнийг дагасан хүн болгон чөтгөр болдог. Олимпийн аваргыг Баянхонгорт нэр дэвшүүлэхээс эхлээд Олимпийн хорооны дарга болгож биеийг нь тоолгоод алуурчин болгосон. Сумогийн аваргыг дагуулж явсаар аль ч үгүй болголоо. Одоо "Хүрэлсүхийг зөвшөөрвөл үг хэлнэ" гэсэн нь Хурцын цаашаа ярихуу, яахав гэсэн сүрдүүлгийн үгтэй адил болж айлгачихлаа. Нөгөө үхэхээс ч айхгүй гэдэг Хүрэлсүх нь хамгаалаад шоронд явуулахгүй байна. Энэ хүнийг байх ёстой газар нь аваачихгүй бол Ардчилсан нам өөдлөхгүй. Одоо Монгол орныг аварч магадгүй хүмүүс Оюун-Эрдэнэ, Нямбаатар хоёр үлдлээ. Баттулга энэ 2-ын аминд ч хүрч магадгүй мангас шүү. Тойруу замаар хорлоно шүү. Монгол түмэн минь болгоомжлоорой. Иргэний дайнд хүргэнэ шүү.
анализ мадаггүй зөв байна.
Би ВАНГА шиг хэлье дээд шүүх АН дотроо учираа олоод нэг нам болоод ир гэнэ...Эрдэнэгүйгээр хэн ч намын дарга болохгүй Гантөмөрийн мээм хавдаж дээ кк кк
Гантөмөрийн бөөсгийн нэг нь хавдах л боловуу
БАЯРЦОГТ БОЛ ҮНЭХЭЭР ЛИПЕР ГЭДЭГ НЬ ЭРГЭЛЗЭЭГҮЙ ЮМ БАЙНА
Баяр яах аргагүй "ЛИПЕР" мөн байна.Оросоор худалч Липовый гэсэн үг. Италиар "Liapons" хулгайч-дээрэмчин,бүтэлгүй хүн.Англиар "Leap"-дэвхрэгч,хаашаач дэвхэрч мэднэ,мөн "Lip"-балмад этгээдийг хэлдэг. Яасан олон хэл мэддэг хүн бэ, яалт ч үгүй зөв тодорхойлжээ
Гантөмөр гэх наад нэг өлбийсэн сул дорой нөхөрийн нам удирдан гэж юу байдийм
Хөөрцогоо ялна гээд итгэчихсэн арын гахайнууд улнаасаа хичнээн хол байснийг харж болох ажээ. Ёрын гахайнууд улнаас гарсан ч хаанаас ниссэнээ мартсаны хар гай даа хөөрхий
Дээдэх нь суудалаа олохгуй бол доодох нь гуйдэлээ олохгуй гэж УИХ гэж хулгайч худалч завхай эмс шургалсан байгууллагыг тараая!
Одоо энэ АН-г шүүх цэгцэлж өгөөд сонгуулиа наашилуулаад , нөгөө монголчууд нь эднийгээ дахиж сонгоод одоогийн яриад байгаа шиг нь улс орноо цэгцлээд хөгжүүлээд ард түмнээ баян амьдруулаад алаад өгөхийг нь харах юмсан, Орос Хятад 2 г өшиглөж хаяад л АНУгаар тэтгүүлээд л мандуулж өгөх л юм яриад л байгаа, өвчин тахал, дайн байлдаан, дэлхийн эдийн засагийн хямрал, монгол орны цаг агаар, газар зүйн байрлал, хөгжих гол хүчин зүйл гээд юмнуудаа ойлгохгүй, хар масс нь мундаг дарга л гарч ирвэл сайхан амьдруулчих юм шиг улс төржөөд л халамж тусламж нэхээд л , хална огцруулна, солино гээд тэрийг нь зальтангууд нь ашиглаж шударга хүний дүрд тоглоод л , ард түмний хайртай хүү , охин болоод л үнэн лайтай шүү.
Хурц Увс, Гантомор Увс, О.Цогтгэрэл Увс…
ТУЛГА ТОЙРСОН ЯРИАТАЙ, ЖИРЭМСЭН ЭМИЙН ШЭЭС ХҮРЭХ ГАЗРААС ЦААШ ЯВАХ УХААНГҮЙ ТА НАР УЛСАА ХАЛХ ГЭЖ НЭРЛЭЭД ХАСАГ ОЙРД БУРИАДУУДЫГ ХОЁРДУГААР СОРТЫНХОН ГЭЭД ХУУЛЧИЛЧИХ АА. УЛС АА ХАЛХ ГЭЖ НЭРЛЭ, МОНГОЛ ГЭЖ НЭРЛЭЖ БОЛОХГҮЙ. ТА НАРТ МОНГОЛЧУУД БИДЭНД БАЙДАГ ЮМ ТУН ЦӨӨХӨН, БАРАГ БАЙДАГГҮЙ. ИНГЭХЭД ТА НАР ХААНААС ИРСЭН УЛС ВЭ?