Нийслэлийн удирдах ажилтнуудын шуурхай зөвлөгөөн боллоо. Өмнөх шуурхай зөвлөгөөнөөр Хотын дарга 17 чиглэлээр үүрэг даалгавар өгсөн юм. Тухайлбал, өвөлжилтийн бэлтгэлийг сайтар хангахыг үүрэг болгосон бөгөөд бэлтгэл ажил 87 хувийн гүйцэтгэлтэй байна. Мөн нийслэлийн хэмжээнд үйлчилгээ үзүүлж буй эрүүл мэндийн болон боловсролын байгууллагуудын гадна орчны тохижилт, аюулгүй байдлыг сайжруулах, хэрэгжилтэд хяналт тавьж ажиллахыг үүрэг болгосон. Энэ хүрээнд 74 сургууль, 110 цэцэрлэгт орчны стандарт хангуулаад байгаа юм. Түүнчлэн худалдаа, үйлчилгээний байгууллагуудын шат, довжоог хөгжлийн бэрхшээлтэй хүнд хүртээмжтэй байлгах, нийтийн эзэмшлийн гудамж талбайн тохижилт, цэвэрлэгээг тогтмолжуулах, явган хүний зам, гадна хаяг, рекламын самбар, бүрэн бүтэн байдал алдагдсан, эрсдэл үүссэн хүүхдийн тоглоомын талбайг засварлах, аюулгүй байдлыг хангуулж, стандартад нийцүүлэх ажлыг эрчимжүүлэх үүрэг өгсөн. Хүүхдийн тоглоомын талбайн 132 байршилд хяналт шалгалт хийснээс 98 талбайд стандартын шаардлага хангуулж, нийтийн эзэмшлийн гудамж, зам талбайн зөрчилтэй 17 самбарыг албадан буулгалаа.
![](https://ulaanbaatar.mn/files/mn/images/mzl4in3us6e/6500008f1431cf7f0c8d89c4.jpg)
Хүүхэд, залуучуудын чөлөөт цагаа зөв боловсон өнгөрүүлэх, биеийн тамир, спортоор хичээллэх нөхцөл боломжийг бүрдүүлэх ажлын хүрээнд 3х3 сагсан бөмбөгийн талбай байгуулах болон бусад тохижилтын ажлуудыг эрчимжүүлэх үүрэг өгсөн. Энэ дагуу нийслэлийн 40 байршилд 3х3 сагсан бөмбөгийн талбай байгуулах ажлыг эхлүүлээд байгаа бөгөөд 16 байршилд бичил цэцэрлэгт хүрээлэн байгуулаад байна. Мөн Улаанбаатар хот руу тарвага нэвтрүүлэхийг завдсан 41 удаагийн үйлдлийг таслан зогсоож, 123 тарвагыг ЗӨСҮТ-д хүлээлгэн өглөө.
Гэр хороололд мод тарина
![](https://ulaanbaatar.mn/files/mn/images/2sqa78095rr/650000991431cf7f0c8d89c5.jpg)
Улаанбаатар хотын ерөнхий менежер бөгөөд Захирагчийн ажлын албаны дарга М.Баяраа өвөлжилтийн бэлтгэл болон “Тэрбум мод” үндэсний хөдөлгөөний талаар удирдах ажилтнуудад мэдээлэл өгсөн юм. Тэрбээр:
-Есдүгээр сарын 15-наас эхлэн айл өрх, сургууль, цэцэрлэг, эмнэлгийн дулааныг өгнө. Улаанбаатар хотын төвлөрсөн дулаан хангамжийн шугам сүлжээний засвар 92, хэсэгчилсэн дулаан хангамжийн засварын ажил 96 хувьтай байгаа. Аравдугаар сарын 1-н гэхэд засварын ажлыг бүрэн дуусгахаар ажиллаж байна. Цэвэрлэгээ, үйлчилгээ болон газар шорооны чиглэлээр эхний ээлжид 80 гаруй машин тоног төхөөрөмж авахаар байгаа. Мөн гудамж, зам талбайн цэвэрлэгээ, үйлчилгээний чиглэлээр үйл ажиллагаа эрхэлдэг 17 байгууллагаас судалгаа авсан.
![](https://ulaanbaatar.mn/files/mn/images/2l2cy76zise/650000ae1431cf7f0c8d89c6.jpg)
“Тэрбум мод” үндэсний хөдөлгөөний хүрээнд 2030 он хүртэл нийслэлийн нутаг дэвсгэрт 120 сая мод тарихаар төлөвлөсөн. Энэ хүрээнд мод үржүүлгийг төр, хувийн хэвшлийн хамтын ажиллагааны хүрээнд 15 аж ахуйн нэгжид хариуцуулан гэрээлж ажиллаж байгаа. Баянгол, Сонгинохайрхан, Хан-Уул, Баянзүрх дүүргүүд өөрсдийн цэцэрлэгт хүрээлэн байгуулж буй. Энэ онд хүлэмж барих ажлыг эхлүүлээд байна. Намрын мод тарилт есдүгээр сарын 20-нд эхлэх бөгөөд гэр хороололд мод тарихад анхаарч ажиллаж байгаа гэлээ. Хотын дарга өвөлжилтийн бэлтгэл хийгээд уур амьсгалын өөрчлөлттэй холбоотой үер усны эрсдэл ирэх жилүүдэд бий болох магадлалтай тул бэлэн байдлыг сайтар хангаж ажиллах хэрэгтэйг онцолж байв.
Арьс ширний бүсийн ТЭЗҮ-ийг боловсруулж байна
“Эмээлт эко аж үйлдвэрийн парк” ХК-ийн гүйцэтгэх захирал Б.Мягмар:
![](https://ulaanbaatar.mn/files/mn/images/y2q0i8svput/650000c31431cf7f0c8d89c7.jpg)
-“Эмээлт эко аж үйлдвэрийн парк”-ын Арьс ширний бүсийн ТЭЗҮ-ийг боловсруулах ажил эхэлсэн. 2024 оны хоёрдугаар сард ажлыг дуусгахаар төлөвлөж байна. Хан-Уул дүүргийн 20 дугаар хороонд үйл ажиллагаа явуулж байгаа арьс, ширний үйлдвэрүүдийг нүүлгэн шилжүүлсний дараа, хөрс, усны бохирдлыг цэвэрлэх, тухайн орчинд нөхөн сэргээлт, дахин төлөвлөлт хийх зэрэг ажлуудын бэлтгэлийг хангах шаардлагатай байгаа.
“Эмээлт эко аж үйлдвэрийн парк”-ын нийт төлөвлөлт 539 га талбайд хэрэгжиж байгаа. Арьс, ширний бүсэд Дэлхийн банкны төслөөр дэд бүтэц болон Хан-Уул дүүргийн 20 дугаар хорооны үйлдвэрүүдийг нүүлгэн шилжүүлэх ажлыг хийнэ.
Мах боловсруулах, дайвар бүтээгдэхүүн, ноос, хүлэмжийн аж ахуй зэрэг бусад аж үйлдвэрийн бүсүүдийг хөгжүүлэх бэлтгэл ажлыг хангаж, төр, хувийн хэвшлийн түншлэлээр төслүүдийг хэрэгжүүлэх судалгааны ажлуудыг холбогдох нэгжүүд хийж байна. “Эмээлт эко аж үйлдвэрийн парк”-т гол барьж байгаа бодлого олон улсын стандартыг хангах, экспортыг дэмжих, ажлын байр нэмэгдүүлэх. Энэ хүрээнд байгаль орчинд ээлтэй, хаягдалгүй төлөвлөлт хийж байгаа хэмээлээ.
![](https://ulaanbaatar.mn/files/mn/images/4gs1ysnyhv8/650001541431cf7f0c8d89cd.jpg)
Залилах гэмт хэрэг өсөх хандлагатай байна
Нийслэлийн 14 хоногийн гэмт хэргийн нөхцөл байдлын талаар холбогдох албан тушаалтнууд мэдээлэл өглөө.
Нийслэлийн Цагдаагийн удирдах газрын дэд бөгөөд Нийтийн хэв журам хамгаалах газрын дарга, цагдаагийн хурандаа Б.Оюутболд:
![](https://ulaanbaatar.mn/files/mn/images/jgzbm1rux0p/650000d71431cf7f0c8d89c8.jpg)
-Нийслэлийн хэмжээнд өнгөрсөн 14 хоногийн хугацаанд 731 гэмт хэрэг бүртгэгдсэн нь 59.2 хувиар буурсан үзүүлэлт юм. Харин гэмт хэргийн шинжтэй гомдол мэдээлэл 3136 бүртгэгдсэн. Залилах гэмт хэрэг байнга өсөх хандлага байгаа бөгөөд цахим халдлага их байна. Тодруулбал, 14 хоногийн хугацаанд 650 залилах гэмт хэрэг бүртгэгдэж, 20 орчим хувиар өссөн. Мөн гэр бүлийн хүчирхийлэл буурсан, хүний биед халдах гэмт хэрэг өссөн үзүүлэлттэй байна гэв.
Гал түймрээс 300 сая төгрөгийн өмч хөрөнгийг хамгааллаа
Нийслэлийн Онцгой байдлын газрын дарга А.Дашням:
![](https://ulaanbaatar.mn/files/mn/images/f2ntosnh4ct/650000ee1431cf7f0c8d89c9.jpg)
-Есдүгээр сарын 4-11-нийг хүртэлх хугацаанд нийслэлийн хэмжээнд объектын гал түймэр 20, аврах ажиллагааны дөрөв, нийт 24 удаагийн дуудлагаар ажилласан. Дээрх хугацаанд гал түймрээс 300 сая төгрөгийн өмч хөрөнгийг хамгаалж, утаажилтын бүсээс 39 иргэнийг гаргаж, аврах ажиллагаагаар дөрвөн иргэнийг аварч ажиллалаа.
Он гарснаас хойш нийслэлийн хэмжээнд объектын гал түймрийн 1135, аврах ажиллагааны 398, нийт 1533 удаагийн удаагийн дуудлагатай байгаа нь өнгөрсөн оны дуудлагатай харьцуулахад тав орчим хувиар өссөн үзүүлэлт.
Туул, Хэрлэн, Тэрэлж голын эрэг дагуу давхардсан тоогоор 161 алба хаагч, 50 техник хэрэгсэлтэй үүрэг гүйцэтгэж, голын эрэг дагуу амарч зугаалж явсан 2306 иргэнд санамж сэрэмжлүүлэг өгч ажилласан гэлээ.
ТЦА-ны Замын цагдаагийн газрын Нийслэлийн замын хөдөлгөөний хяналт, зохицуулалт хариуцсан дэд дарга Ч.Батболд:
![](https://ulaanbaatar.mn/files/mn/images/7i8yk46rfn7/650000fb1431cf7f0c8d89ca.jpg)
-Өнгөрсөн 14 хоногийн хугацаанд 201 хяналтын цэгт давхардсан тоогоор 3401 алба хаагч үүрэг гүйцэтгэн, нийт 23 мянга гаруй зөрчил илрүүлсэн. Энэ хугацаанд жолоодох эрхгүй 156 хүн автомашин жолоодсон бол 628 иргэн согтуугаар тээврийн хэрэгсэл жолоодсон. Хяналтын камераар 28 мянга гаруй зөрчил илрүүллээ. Эд материалын хохиролтой осол 10 хувиар өсөж, ослын улмаас гэмтсэн хүний тоо 38 хувиар буурсан. Нийт дуудлага, мэдээлэл 5.6 хувиар өссөн байна хэмээлээ.
Үдийн хоолонд шалгалт хийнэ
![](https://ulaanbaatar.mn/files/mn/images/2l9cxly0k7g/6500010a1431cf7f0c8d89cb.jpg)
Шуурхай зөвлөгөөний төгсгөлд Нийслэлийн Засаг дарга бөгөөд Улаанбаатар хотын Захирагч Д.Сумъяабазар дараах үүрэг даалгаврыг өгсөн юм. Үүнд:
-Нийслэлийн 2023-2024 оны өвөлжилтийн бэлтгэл хангах ажлыг эрчимжүүлж, шаардлагатай нөөц бүрдүүлэхэд анхаарч, хэрэгжилтийн явц, үр дүнг танилцуулах.
-Төрийн өмчийн ерөнхий боловсролын сургууль, цэцэрлэгийн үдийн хоол хөтөлбөрийн хүрээнд эрүүл ахуй, чанар стандартын шаардлагад нийцсэн баталгаат хүнсний бараа бүтээгдэхүүнээр тасралтгүй хангах, хүнсний аюулгүй байдалд хяналт шалгалт зохион байгуулж, аравдугаар сардаа багтаан дүнг танилцуулах.
-Нийслэлийн хэмжээнд байгаа хараа хяналтгүй болон хөдөлмөр эрхлэгч, эрсдэлт нөхцөлд байгаа хүүхдүүдийг нийгэмшүүлэх, хамгаалах, гэмт хэрэг зөрчлөөс урьдчилан сэргийлэх, хүүхэд рүү хандсан зөвлөмж, сургалтуудыг нэмэгдүүлэх ажлуудыг зохион байгуулж ажиллах.
-Хөдөлгөөний ачаалал эрс нэмэгдэхтэй холбогдуулан авто замын зорчих хэсгийн нэгдүгээр эгнээг бүрэн чөлөөлж, нийтийн тээвэр саадгүй зорчуулах, хөдөлгөөний зохицуулалт, аюулгүй байдал, зохион байгуулалтын ажлаа сайтар хангаж ажиллах.
-Хорооллын дундах болон туслах замын эвдрэл гэмтэл болон авто замын тэмдэг, тэмдэглэгээг засварлах ажлуудаа эрчимжүүлж, дуусгах.
-Хөрөнгө оруулалтын ажлуудын гүйцэтгэлийн хяналтыг нэмэгдүүлэх, барилга угсралтын бүх шатанд стандарт, технологийн норм нормативыг мөрдлөг болгох, хяналтын инженерүүдийг газар дээр нь тогтмол ажиллуулж, хяналт тавих зэрэг үүрэг даалгавар өглөө.
![](https://ulaanbaatar.mn/files/mn/images/5fui7n5tt7h/650001141431cf7f0c8d89cc.jpg)
Сэтгэгдэл0
Сумьяа одоо наад тэнэг юмаа болио! 1. Хэзээ ч мөрдөгдөхгүй, үр дүнгээ өгөхгүй! Шүү дээ! 3-н өдөр болоод л өнгөрсөн өвөл өнгөрөө биздээ! 2. Наад автобусны жолооч нар чинь 2-р эгнээгээр уралдаж дахихыг яах юм? 3. Тэр торгуулиа төлөхгүй байгаа, үзлэгтээ тэнцээгүй тээврийн хэрэгсэлүүдээ болиулаач!!! 4. Нийтийн тээврийн цэвэрлэгээ, техникийн шаардлагыг хангуулаач! 5. Дугаарын хязгаарлалт хийчихээд машин унахгүй байгаа хүмүүсээ замын татвараас чөлөөлөөч
Зайл
МАН маанаг боловсролгүй бөхөөр хотыг зориуд түгжүүлнэ гэдэг МАН-даа тун их ашигтай байгаа...
Авлига хорооллыг нураана гээд улин гуцаад байсан юу болсон бэ? Сумбаабузар аа..
Энэ эргүү хүүр хотыг алж байна олон хүний ажил амьдралыг алж байна. Чингис хааныг хэлдэгээр Боол заяатай хүнд Төрийн жолоо бүү атгуулж гэж юутай үнэн үг вэ . Хааны алба халаатай Эзний алба ээлжтэй гэж мэддэггүй тэнэг шуналын тулам тийрэн
Ганцхан ажил хийгээч 1- р эгнээгээр уулаасааа явсан болж л байгаа , Харин хэлсэн амандаа хүрж Авилгал хорооллоо нурааж ард түмэнд авилгалтай тэмцэх юм байна гэсэн мессеж өг
1-р эгнээг чөлөөлөх Маш зөв, Дээр нь автобусыг нэмж, цэвэрхэн явуулбал дэвшил гарцаагүй гарна, автобусны тоо цөөдөөд байгаа
Тэр мод ажил огт мэдэгдэхгүй юм. Мод тарихаар газрыг бетондоод мөнгө цохиж байх юмаа. Эсвэл хайрцагтай модны шахаа!!
Хотын дарга нараа чалчихаас өөрийг хийлдээ